Diskwedhyans 14:1 - An Bibel Kernewek 20234 (Kernewek Kemmyn)

¹ Ha my a welas, hag otta, an Oen ow sevel war an menydh Sion, ha ganso kans peswar ha dew-ugens mil, gans y hanow ev ha hanow y Das skrifys war aga thal.

Diskwedhyans 14:1 Iomraidhean Croise

Salmow 2:6

‘My re worras ow myghtern war Sion, ow menydh sans.’

Ysay 49:14

Mes yn-medh Sion, ‘An Arloedh re'm forsakyas, ow Arloedh re'm ankovas.’

Yeremia 1:11

Ger an Arloedh a dheuth dhymm, ow leverel, ‘Yeremia, pandr'a welydh?’ Ha my a leveris, ‘My a wel gwelenn a wydhenn alamand.’

Ezekiel 1:4

My a viras, hag otta annawel ow tos dhiworth an gogledh, kommolenn vras, ha tan ow lughesi gans golow splann a-dro dhedhi, hag ow tos yn-mes anedhi neppyth kepar hag amber, dhiworth kres an tan.

Ezekiel 10:1

Ena my a viras, hag otta, y'n fyrmament esa a-ugh penn an cherubim yth esa neppyth avel men saffir, hag yth omdhiskwedhas a-ughta avel semlans hevelep tron.

Ezekiel 10:9

My a viras, hag otta peder ros ryb an cherubim, unn ros ryb an unn cherub, ha ros arall ryb cherub arall, ha semlans an rosow o haval dhe owrven.

Ezekiel 2:9

Ena my a viras, hag otta leuv ystynnys dhymm, hag otta, yth esa ynni rol-skrifa.

Ezekiel 44:4

Ena ev a'm dros a-rag an tempel dre yet an gogledh. My a viras, hag otta, glori an Arloedh ow lenwel tempel an Arloedh; ha my a goedhas war ow fas.

Ezekiel 8:7

Ena ev a'm dros dhe dharas an klos. My a welas, hag awotta, toll y'n fos.

Ezekiel 9:4

ha'n Arloedh a leveris dhodho, ‘Tremen der an sita, dre Yerusalem, ha gwra merk war dal an wer usi owth hanasa ha kyni war oll an taklow kasadow gwrys a-berth ynni.’

Daniel 12:5

Ena my, Daniel, a viras, hag otta, dew erell ow sevel, an eyl omma war lann ma an avon, ha'y gila war lann arall an avon.

Yoel 2:32

Ena y fydh sawys pubonan neb a elow war hanow an Arloedh; rag yn menydh Sion y fydh remenant dell leveris an Arloedh, hag yn Yerusalem an re a dhienk, neb a wra an Arloedh aga gelwel.

Amos 8:2

Hag ev a leveris, ‘Pandr'a welydh, Amos?’ Hag yn-medhav, ‘Kanstellas a frut an hav.’ Ena an Arloedh a leveris dhymm: Devedhys yw gorfenn ow fobel Ysrael; ny wrav aga sparya namoy.

Mika 4:7

hag a'n evredhyon y hwrav vy remenant; ha'n re a veu tewlys dhe skoell, kenedhel grev; ha'n Arloedh a reyn dresta yn menydh Sion alemma rag ha bynitha.

Zekaria 4:2

Ev a leveris dhymm, ‘Pandr'a welydh?’ My a worthybis, ‘My a viras, hag otta kantoler gwrys oll yn tien a owr, ha bolla war y benn ha seyth lugarn warnodho, ha seyth pibenn dhe'n lugern usi war y benn.

Luk 12:8

‘Ha my a lever dhywgh, piwpynag a wrello ow aswonn a-rag tus, Mab an den ynwedh a wra y aswonn a-rag eledh Duw.

Romanyon 9:33

dell yw skrifys, ‘Ottavy ow korra yn Sion men trebuchya, ha karrek a offens ha neb a grysso ynno, ny berth ev meth.’

Diskwedhyans 14:14

Ha my a welas, hag otta, kommolenn wynn, ha war an gommolenn nebonan owth esedha kepar ha Mab den gans kurun owrek war y benn ha kromman lymm yn y dhorn.

Diskwedhyans 14:3

Hag i a ganas kan nowydh a-dherag an tron hag a-dherag an peswar kreatur bew ha'n henavogyon, ha denvyth ny ylli dyski an gan marnas an kans peswar ha dew-ugens mil re beu prenys dhiworth an norvys.

Diskwedhyans 15:5

Ha wosa henna, my a welas, hag otta, tempel tylda an dustuni yn nev a veu igerys,

Diskwedhyans 22:4

hag i a wel y fas: ha'y hanow a vydh war aga thal.

Diskwedhyans 3:12

Neb a fettho, my a'n gwra koloven yn tempel ow Duw, ha ny wra ev mos yn-mes anodho namoy, ha hanow ow Duw a skrifav warnodho, ha hanow sita ow Duw, Yerusalem nowydh, ow tiyskynna yn-mes a'n nev dhiworth ow Duw, ha'm hanow nowydh ynwedh.

Diskwedhyans 4:1

Wosa hemma my a viras, hag otta daras igerys y'n nev, ha'n kynsa lev a glewis kepar ha hirgorn ow kewsel genev, ow leverel, ‘Deus yn-bann omma, ha my a vynn diskwedhes dhis an taklow a res hwarvos wosa hemma.’

Diskwedhyans 6:8

Ha my a welas, hag otta, margh glas; ha hanow neb o esedhys warnodho o Ankow, hag ifarn a siwyas ganso. Ha galloes a veu res dhedha war beswora rann an norvys dhe ladha gans kledha, ha gans divoetter, gans mernans ha gans bestes an norvys.