Diskwedhyans 13:8 - An Bibel Kernewek 20234 (Kernewek Kemmyn)

⁸ Hag oll trigoryon an norvys a wra y wordhya, nag yw skrifys aga henwyn yn lyver bewnans an Oen a veu ledhys, a-ban veu an norvys dallethys.

Diskwedhyans 13:8 Iomraidhean Croise

Jenesis 22:7

Hag Ysak a gewsis orth Abraham y das ha leverel, ‘Ow thas!’ Hag ev a leveris, ‘Ottavy, ow mab.’ Hag yn-medh ev, ‘Otta an tan ha'n keunys, mes ple'ma'n oen rag an offrynn leskys?’

Salmow 69:28

Bedhens i defendys dhe-ves a lyver an re vew, ha na vedhens i skrifys yn mysk an re wiryon.

Eksodus 32:32

Mes lemmyn, mar mynnydh gava aga fegh – ha mar ny vynnydh, gwra ow defendya, my a'th pys, yn-mes a'th lyver re skrifsys.’

Ysay 4:3

Ev neb a vydh gesys yn Sion, neb a worta yn Yerusalem, a vydh henwys sans, pubonan neb a veu skrifys rag bewnans yn Yerusalem,

Daniel 12:1

‘Ha dhe'n prys na y sev Mighal, an pryns meur neb a skoedh mebyon dha bobel; hag y fydh seson a ankres, a'n par na veu a-dhia dhalleth an genedhel bys y'n eur na. Mes y'n eur na y hwra dha bobel skapya, pub huni neb a vydh kevys skrifys y'n lyver.

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Luk 10:20

Byttegyns na lowenhewgh yn henna, an spyrysyon dhe vos gorrys yn-dannowgh, mes lowenhewgh rag agas henwyn dhe vos skrifys y'n nevow.’

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

Efesianys 1:4

dell y'gan dewisas ynno kyns gwrians an bys, may fen ni sans ha divlam a-dheragdho yn kerensa,

Filippianys 4:3

Dhe wir, my a'th pys ynwedh, a yew-was len, may hweressi an benynes a lavuryas genev y'n aweyl, gans Klemens ynwedh ha'm kesoberoryon erell, neb usi aga henwyn y'n lyver a vewnans.

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

Diskwedhyans 12:15

Ha'n sarf a dewlis dowr yn-mes a'y anow kepar hag avon war-lergh an venyn may hwrella dhedhi bos degys dhe-ves gans an avon.

Diskwedhyans 13:12

Hag ev a ober gans oll an galloes a'n kynsa best a-dheragdho, hag ev a wra dhe'n dor ha dhe'n re a drig ynno gordhya an kynsa best hag a veu sawys y woli marwel.

Diskwedhyans 17:8

An best a welsys a veu, ha nyns yw; hag ev a vydh owth yskynna yn-mes a'n pytt diwoeles, ha mos a wra dhe dhiswrians. Hag y fydh marth dhe drigoryon an norvys, na veu skrifys aga hanow y'n lyver a vewnans dhiworth gwrians an bys, pan welons an best, rag yth o, ha nyns yw, hag y fydh.

Diskwedhyans 21:27

Ha ny wra entra ynni travyth y'n bys a vo avlan, na neb a wra tra gasadow, po gowleverel, marnas seul yw skrifys yn lyver bewnans an Oen.

Diskwedhyans 3:10

Rag ty dhe witha ger ow ferthyans, my a vynn dha witha rag eur an prevyans a wra dos war oll an bys, dhe brevi an re a drig war an norvys.

Diskwedhyans 3:20

Otta, yth esov ow sevel orth an daras ha knoukya: den mar klew ow lev hag igeri an daras, my a dheu a-ji ganso, ha sopya ganso, hag ev genev vy.

Diskwedhyans 3:5

Neb a fettho a vydh gwiskys yndella yn dillas gwynn, ha ny wrav defendya y hanow yn-mes a'n lyver a vewnans, mes yth aswonnav y hanow a-dherag ow Thas hag a-dherag y eledh.

Diskwedhyans 5:12

ow leverel, ughel aga lev, ‘Gwiw yw an Oen a veu ledhys dhe dhegemmeres galloes, ha rychys, ha furneth, ha nerth, hag enor, ha gordhyans, ha bennath.’

Diskwedhyans 5:13

Ha pub kreatur y'n nev, ha war an nor, hag yn-dann an nor, hag y'n mor, ha pup-tra oll ynna i, a glewis vy ow leverel, ‘Dhe neb yw esedhys war an tron, ha dhe'n Oen, re bo bennath, hag enor, ha gordhyans ha galloes trank heb worfenn.’

Diskwedhyans 6:1

Ha my a welas pan igoras an Oen onan a'n seyth sel, ha my a glewas onan a'n peswar kreatur bew ow leverel, kepar dell veu gans son taran, ‘Deus!’