Diskwedhyans 13:3 - An Bibel Kernewek 20234 (Kernewek Kemmyn)

³ Ha my a welas onan a'y bennow kepar ha pan ve goliys bys yn ankow, ha sawys veu y woli marwel, hag y feu marth gans oll an bys ow siwya war-lergh an best.

Diskwedhyans 13:3 Iomraidhean Croise

Ezekiel 30:24

My a grevha breghow myghtern Babylon ha gorra ow kledha yn y leuv; mes my a derr breghow Faro, hag i a gyn a-ragdho kepar dell gyn den ledhys.

Luk 2:1

Hag y hwarva y'n dydhyow na, y feu ordenans dyllys dhiworth Sesar Awgustus, oll an bys dhe vos kovskrifys.

Yowann 12:19

Ytho an Fariseow a leveris an eyl dh'y gila, ‘Hwi a wel, nag eus prow vyth dhywgh. Otta, an bys yw gyllys war y lergh.’

Oberow 8:13

Hag ynwedh Simon y honan a grysis, ha wosa y vos besydhys ev a junyas gans Felip; hag ow kweles toknys ha marthusyon meur gwrys, marth a'n jeva.

Diskwedhyans 13:12

Hag ev a ober gans oll an galloes a'n kynsa best a-dheragdho, hag ev a wra dhe'n dor ha dhe'n re a drig ynno gordhya an kynsa best hag a veu sawys y woli marwel.

Diskwedhyans 13:14

Hag ev a doell an drigoryon war an bys der an toknys a veu res dhodho dhe wul a-dherag an best; ow leverel dhe'n re a drig war an bys may hwrellens imaj dhe'n best a veu goliys der an kledha hag a vewa.

Diskwedhyans 17:10

Seyth myghtern yns i keffrys: pymp a goedhas, onan yw, ha'n arall ny dheuth hwath, ha pan dheffo, y koedh dhodho gortos berr dermyn.

Diskwedhyans 17:11

Ha'n best hag a veu, ha nyns yw, ev ynwedh yw an ethves, hag yw avel onan a'n seyth; hag yth a dhe dhiswrians.

Diskwedhyans 17:13

An re ma a's teves unn brys hag i a re aga nerth ha'ga galloes dhe'n best.

Diskwedhyans 17:17

Rag Duw re worras yn aga holonn kollenwel bodh y vrys, ha bos unnverhes, ha ri aga gwlaskor dhe'n best erna vo kowlwrys geryow Duw.

Diskwedhyans 17:6

Ha my a welas an venyn, medhow der woes an syns ha dre woes mertheryon Yesu. Ha marth meur dres eghenn a veu genev pan y's gwelis.

Diskwedhyans 17:8

An best a welsys a veu, ha nyns yw; hag ev a vydh owth yskynna yn-mes a'n pytt diwoeles, ha mos a wra dhe dhiswrians. Hag y fydh marth dhe drigoryon an norvys, na veu skrifys aga hanow y'n lyver a vewnans dhiworth gwrians an bys, pan welons an best, rag yth o, ha nyns yw, hag y fydh.