Diskwedhyans 13:15 - An Bibel Kernewek 20234 (Kernewek Kemmyn)

¹⁵ Hag y feu grontys dhodho dhe ri bewnans dhe imaj an best may kowssa imaj an best, ha may hwrella, kemmys na vynnens gordhya imaj an best dhe vos ledhys.

Diskwedhyans 13:15 Iomraidhean Croise

Jenesis 2:7

an Arloedh Duw a formyas mab-den mes a dhoust an dor ha hwytha yn y dhewfrik anall bewnans, ha den eth ha bos enev bew.

Salmow 115:5

Ganow a's teves, mes ny gewsons; dewlagas a's teves, mes ny welons.

Yeremia 10:14

Pubonan yw gokki ha heb skians: pub teudher a gemmer meth a'y imaj gravys; rag y imaj teudhys yw fals, ha nyns eus anall ynna.

Yeremia 10:5

Yth yns avel boekka yn gwel kukumbrow, ha ny yllons kewsel: res yw dhedha bos degys rag ny yllons kerdhes. Na vedhewgh ownek dhedha; rag ny yllons gul drog, na nyns eus ynna dhe wul da.

Yeremia 51:17

Pubonan yw talsogh ha heb godhvos; pub owrer a's teves meth drefenn y idolyow; rag y imajys teudh yw fals, ha nyns eus anall ynna.

Daniel 7:20

hag a-dro dhe'n deg korn war y benn, ha'n korn arall hag a sevis hag a-ragdho y koedhas tri anedha; an korn esa dhodho lagasow ha ganow a leveri taklow meur, neb a heveli bos brassa ages an re erell.

Daniel 7:25

Ev a lever geryow erbynn an Ughella ha tormentya syns an Ughella, ha gwaytyas chanjya an sesonyow ha'n lagha. Hag i a vydh res yn y dhorn bys termyn, ha termynyow, ha hanter termyn.

Habakkuk 2:19

Go-ev neb a lever dhe brenn, ‘Difun’, dhe ven avlavar, ‘Yn-sol!’ Dyskador ywa? Otta, gorlownys yw gans owr hag arghans, mes nyns eus spyrys vyth a-berth ynno.

Jamys 2:26

Rag kepar dell yw an korf marow heb spyrys, yndella ynwedh, marow yw fydh heb gwriansow.

Diskwedhyans 13:1

Ha my a welas best ow trehevel yn-mes a'n mor, ha ganso deg korn ha seyth penn ha deg diadem war y gern, ha hanow blasfemi war y bennow.

Diskwedhyans 13:12

Hag ev a ober gans oll an galloes a'n kynsa best a-dheragdho, hag ev a wra dhe'n dor ha dhe'n re a drig ynno gordhya an kynsa best hag a veu sawys y woli marwel.

Diskwedhyans 13:14

Hag ev a doell an drigoryon war an bys der an toknys a veu res dhodho dhe wul a-dherag an best; ow leverel dhe'n re a drig war an bys may hwrellens imaj dhe'n best a veu goliys der an kledha hag a vewa.

Diskwedhyans 14:11

Ha mog aga thorment a wra yskynna trank heb worfenn ha nyns eus powes dydh ha nos dhe neb a wordh an best ha'y imaj ha pypynag a dhegemmerro merk y hanow.’

Diskwedhyans 14:9

Ha ken el, an tressa anedha, a'ga holyas, ow leverel, ughel y lev, ‘Den mar kordh an best ha'y imaj, ha degemmeres y verk war y dal po war y dhorn,

Diskwedhyans 16:2

Ha'n kynsa eth dhe skoellya y fiol war an dor; ha podredhes drog ha tynn a dheuth war an dus gans merk an best, ha war neb a wordhya y imaj.

Diskwedhyans 16:5

Ha my a glewas el an dowrow ow leverel, ‘Gwiryon osta jy, ty sans, neb yw, ha neb o, rag ty dhe vreusi an taklow ma.

Diskwedhyans 17:14

An re ma a wra gwerrya erbynn an Oen, ha'n Oen a wra aga thryghi: drefenn y vos Arloedh arlydhi, ha Myghtern myghternedh, ha'n re usi ganso yw gelwys, ha dewisys, ha len.’

Diskwedhyans 17:17

Rag Duw re worras yn aga holonn kollenwel bodh y vrys, ha bos unnverhes, ha ri aga gwlaskor dhe'n best erna vo kowlwrys geryow Duw.

Diskwedhyans 17:6

Ha my a welas an venyn, medhow der woes an syns ha dre woes mertheryon Yesu. Ha marth meur dres eghenn a veu genev pan y's gwelis.

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.

Diskwedhyans 18:24

Hag ynni hi y feu kevys goes profoesi ha syns, hag oll an re a veu ledhys war an nor.’

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.

Diskwedhyans 20:4

Ha my a welas tronys, hag yth esa owth esedha warnedha an re a veu grontys breus dhedha; ha my a welas an enevow a neb re bia dibennys rag dustuni Yesu, ha rag ger Duw, na wrussa gordhya an best, na'y imaj, ha na wrussa degemmeres an merk war aga thal na'ga diwla, hag i a vewas ha reynya gans Krist mil vlydhen.