Diskwedhyans 13:14 - An Bibel Kernewek 20234 (Kernewek Kemmyn)

¹⁴ Hag ev a doell an drigoryon war an bys der an toknys a veu res dhodho dhe wul a-dherag an best; ow leverel dhe'n re a drig war an bys may hwrellens imaj dhe'n best a veu goliys der an kledha hag a vewa.

Diskwedhyans 13:14 Iomraidhean Croise

2 Myghternedh 20:7

Hag Ysay a leveris, ‘Drewgh powltis a figys. Hag i a'n kemmeras ha'y worra war an ynflammyans, may yaghhaho.’

2 Myghternedh 22:20

Otta, ytho, my a'th kuntell dhe'th tasow, ha ty a vydh kuntellys a-berth y'th vedh yn kres; ny wra dha dhewlagas gweles oll an drog a dhrov war an tyller ma.’ I a dhros an messaj dhe'n myghtern arta.

2 Kroniklys 18:21

Ev a worthybis, “Yth av yn-mes, ha my a vydh spyrys gowek yn ganow oll y brofoesi.” Ena an Arloedh a leveris, “Ty a'n dyn, ha ty a sewen; ke yn-rag ha'y wul.”

Job 12:16

Ganso yma nerth ha doethter; dhodho yma an den toellys ha'n den a doell.

Eksodus 7:11

Ena Faro a elwis an dus fur ha'n bystrioryon; hag i ynwedh, hudoryon Ejyp, a wrug an keth tra der aga artow kevrinek.

Ysay 44:20

Ev a beur war lusu, kolonn doellys re'n kammhembronkas, ha ny'n jeves delivra y enev na leverel, ‘A nyns eus gow y'm leuv dhyghow?’

Ezekiel 14:9

Mars yw an profoes dynys dhe gewsel ger, yth yw my, an Arloedh, neb re dhynyas an profoes na, ha my a ystynn ow leuv er y bynn ha'y dhistrui a-dhiworth ow fobel Ysrael.

Ezekiel 16:17

Ty a gemmeras dha degynnow teg a'm owr ha'm arghans a res dhis, ha gul ragos dha honan imajys gorow ha gul fornikasyon gansa.

Ezekiel 8:10

Ytho my eth a-ji ha gweles, hag otta pub furv a gramvil ha best kasadow, hag oll idolys chi Ysrael, kervys war an paros a-derdro.

Daniel 11:36

‘Ha'n myghtern a wra herwydh y vodh; ev a omughelha hag omvostya a-ugh pub duw, ha leverel taklow euthyk erbynn Duw an duwow. Ev a sewen bys may fydh kowlwrys an sorr, rag an pyth apoyntys a vydh gwrys.

2 Thessalonianys 2:4

neb a omsett hag omdhrehevel a-ugh pup-tra yw henwys Duw, po yw gordhys, mayth esedh yn tempel Duw, ow teklarya ev y honan dhe vos Duw.

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 13:1

Ha my a welas best ow trehevel yn-mes a'n mor, ha ganso deg korn ha seyth penn ha deg diadem war y gern, ha hanow blasfemi war y bennow.

Diskwedhyans 13:15

Hag y feu grontys dhodho dhe ri bewnans dhe imaj an best may kowssa imaj an best, ha may hwrella, kemmys na vynnens gordhya imaj an best dhe vos ledhys.

Diskwedhyans 13:8

Hag oll trigoryon an norvys a wra y wordhya, nag yw skrifys aga henwyn yn lyver bewnans an Oen a veu ledhys, a-ban veu an norvys dallethys.

Diskwedhyans 14:11

Ha mog aga thorment a wra yskynna trank heb worfenn ha nyns eus powes dydh ha nos dhe neb a wordh an best ha'y imaj ha pypynag a dhegemmerro merk y hanow.’

Diskwedhyans 14:9

Ha ken el, an tressa anedha, a'ga holyas, ow leverel, ughel y lev, ‘Den mar kordh an best ha'y imaj, ha degemmeres y verk war y dal po war y dhorn,

Diskwedhyans 15:2

Ha my a welas kepar ha pan ve mor gwedrek kemmyskys gans tan: ha'n re a wrussa fetha an best ha'y imaj, ha niver y hanow, ow sevel war an mor gwedrek, ha gansa telynnow Duw.

Diskwedhyans 16:13

Ha my a welas tri spyrys avlan kepar ha kwilkynyow ow tos yn-mes dhiworth ganow an dhragon, ha dhiworth ganow an best, ha dhiworth ganow an fals profoes.

Diskwedhyans 16:2

Ha'n kynsa eth dhe skoellya y fiol war an dor; ha podredhes drog ha tynn a dheuth war an dus gans merk an best, ha war neb a wordhya y imaj.

Diskwedhyans 18:23

ha golow kantol ny splann ynnos namoy; ha lev an gour pries ha'n venyn bries ny vydh klewys ynnos namoy, rag dha wikoryon a veu tus meur aga bri y'n norvys, rag oll kenedhlow a veu toellys gans dha bystri.

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.

Diskwedhyans 2:10

Na borth own a nagonan a'n taklow na a wredh godhav. Otta, an jowl a wra tewlel re ahanowgh yn prison may fewgh prevys, ha galar a'gas bydh deg dydh. Bydh len bys yn ankow, ha kurun bewnans dhiso a rov.

Diskwedhyans 20:10

Ha'n jowl neb a's toellas a veu tewlys yn lynn tan ha loskven, le may ma an best ha'n fals profoes, hag ev a vydh tormentys dydh ha nos, trank heb worfenn.

Diskwedhyans 3:10

Rag ty dhe witha ger ow ferthyans, my a vynn dha witha rag eur an prevyans a wra dos war oll an bys, dhe brevi an re a drig war an norvys.