Diskwedhyans 12:9 - An Bibel Kernewek 20234 (Kernewek Kemmyn)

⁹ Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 12:9 Iomraidhean Croise

Jenesis 3:1

Lemmyn an sarf o moy sotel es pub best a'n gwel re wrussa an Arloedh Duw aga gul. Hag yn-medh hi dhe'n venyn, ‘A wrug Duw dhe wir leverel, “Na wrewgh hwi dybri a bub gwydhenn an lowarth”?’

Jenesis 3:13

Hag yn-medh an Arloedh Duw dhe'n venyn. ‘Pyth yw henna re wruss'ta?’ Hag yn-medh an venyn, ‘An sarf a'm toellas, ha my a dhybris.’

1 Kroniklys 21:1

Satnas a sevis erbynn Ysrael hag ynnia war Davydh nivera pobel Ysrael.

2 Kroniklys 18:21

Ev a worthybis, “Yth av yn-mes, ha my a vydh spyrys gowek yn ganow oll y brofoesi.” Ena an Arloedh a leveris, “Ty a'n dyn, ha ty a sewen; ke yn-rag ha'y wul.”

Salmow 109:6

Gorr tebelwas dhe vos router warnodho, ha seves kuhudhor orth y leuv dhyghow.

Ysay 14:12

Fatell osta koedhys dhiworth nev, A Vorlowenn, mab an bora! Ty re beu treghys dhe'n dor, neb a fethas kenedhlow.

Ysay 27:1

Y'n jydh na an Arloedh a gessydh gans y gledha kales, bras ha krev Lawethan an sarf usi ow fia, Lawethan an sarf usi ow gwrynya; ha ladha an dhragon usi y'n mor.

Ysay 65:25

Bleydh hag oen a beur war-barth, ha lew avel ojyon a dheber kala', mes doust a vydh boes rag sarf. Ny wrons dregynn na distrui yn oll ow menydh sans, yn-medh an Arloedh.

Ezekiel 28:16

Yn lanwes dha genwerth i a lenwis an kres ahanas gans garowder, ha ty a beghas. Ytho my a'th tewlis avel tra ansans dhiworth menydh Duw, ha'n cherub esa ow kwitha a'th chasyas yn-mes dhiworth kres an meyn a dan.

Matthew 13:39

ha'n eskar neb a's gonedhas yw an jowl, ha'n drevas yw diwedh an oes, ha'n vysoryon yw eledh.

Matthew 24:24

Rag fals Kristow ha fals profoesi a sev ow kul toknys bras ha marthusyon, rag toella, mara kyllir, an re dhewisys.

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Matthew 4:1

Ena Yesu a veu hembrenkys yn-bann dhe'n gwylvos gans an Spyrys dhe vos temptys gans an jowl.

Matthew 4:10

Ena yn-medh Yesu dhodho, ‘Voyd alemma, Satnas; rag skrifys yw, “Ty a wra gordhya an Arloedh dha Dhuw hag ev yn unnsel ty a wra servya.” ’

Matthew 4:5

Ena an jowl a'n kemmeras dhe'n sita sans hag a'n settyas war bynakyl an tempel,

Matthew 4:8

Arta an jowl a'n kemmeras dhe venydh pur ughel ha diskwedhes dhodho oll gwlaskordhow an bys ha'ga splannder,

Luk 10:18

Hag ev a leveris dhedha, ‘My a weli Satnas avel lughesenn ow koedha dhiworth nev.

Luk 13:16

A ny dalvia dhe'n venyn ma, myrgh dhe Abraham, kelmys gans Satnas nans yw etek blydhen, bos livrys dhiworth an kolm ma yn dydh sabot?’

Luk 22:3

Ena Satnas a entras yn Yudas, henwys Skaryoth, onan a niver an dewdhek;

Luk 22:31

Hag yn-medh an Arloedh, ‘Simon, Simon, otta Satnas re hwilas agas kroedra kepar hag ys,

Luk 8:12

An re ryb an fordh yw neb a glew, ena an jowl a dheu ha kemmeres an ger dhiworth aga holonn rag own i dhe grysi ha bos selwys.

Yowann 12:31

Lemmyn yth yw breus an bys ma, lemmyn y fydh pryns an bys ma tewlys yn-mes.

Yowann 14:30

Ny wrav vy kewsel meur genowgh na fella, rag pryns an bys a dheu; ha ny'n jeves galloes warnav.

Yowann 16:11

hag a-dro dhe vreus, rag pryns an bys ma yw breusys.

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

Oberow 26:18

rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”

Oberow 5:3

Mes yn-medh Peder, ‘Ananias, prag y lenwis Satnas dha golonn, rag leverel gow dhe'n Spyrys Sans ha kemmeres dhis dha honan rann a bris an tir?

Romanyon 16:18

Rag tus a'n par na, ny servyons agan Arloedh Krist mes aga thorr aga honan, ha dre gows teg ha dre gows ow flattra, y toellons kolonn an re wiryon.

Romanyon 16:20

Ena an Duw a gres a vrew Satnas yn-dann agas treys hware. Gras agan Arloedh Yesu Krist re bo genowgh.

2 Korinthianys 11:14

Nyns yw marth: rag Satnas y honan a dreusfurv y honan dhe el a wolow.

2 Korinthianys 11:3

Mes yma own dhymm, par dell doellas an sarf Eva der y felder, yma own dhymm bos agas brysyow dynys yn neb fordh dhiworth an sempledh ha'n lenduri usi yn Krist.

2 Korinthianys 12:7

ha dre gnas fest dibarow an diskwedhyansow. Rakhenna, ma na dheffen ha bos re woethus, y feu res dhymm dreynenn y'n kig, el Satnas, ma'm kronkya ma na ven re woethus.

2 Korinthianys 2:11

ma na wrella Satnas agan treylya dh'y les y honan; rag nyns on ni heb godhvos a-dro dh'y dowlow.

2 Korinthianys 4:4

An duw a'n oes ma re dhallas brysyow an dhiskryjygyon ma na welsons i golow aweyl golewder Krist, neb yw imaj Duw.

Efesianys 4:14

ma na ven namoy fleghes, tewlys gans mordonnow ha degys a-dro gans pub gwyns a dhyskas, dre sotelneth tus, yn sleyghneth bys y'n felder a doell.

2 Thessalonianys 2:3

Na wres denvyth agas toella yn fordh vytholl; rag ny yll an jydh na dos mar ny dheu an nagh kyns oll, ha'n den dilagha yw diskwedhys, mab an diswrians,

1 Timothi 2:14

ha ny veu Adam toellys, mes an venyn a veu toellys ha hi a gammdremenas.

2 Timothi 3:13

Mes tus dhrog ha faytours a wra mos yn-rag gweth ha gweth ow toella, hag ow pos toellys.

Ebrowyon 2:14

Ytho, a-ban gemmeras an fleghes rann yn kig ha goes, ev y honan a gevrennas a'n keth traow, may tistrua, dre vernans, neb a'n jeves galloes mernans, henn yw, an jowl,

1 Peder 5:8

Bedhewgh sad, bedhewgh hewoel. Agas eskar an jowl, kepar ha lew owth usa, a gerdh a-dro, ow hwilas nebonan dhe dhevorya.

1 Yowann 5:19

Ni a woer ni dhe vos a Dhuw, ha bos oll an bys yn nerth an tebel el.

Lyther Yud 1:9

Pan argyas an arghel Mighal yn-dann strivya gans an jowl a-dro dhe gorf Moyses, ny vedhas ev ri breus a vlasfemi er y bynn, mes leverel, ‘Re'th kerettho an Arloedh’,

Diskwedhyans 12:12

Ytho, lowenhewgh, a nevow, ha hwi a drig ynna. Tru dhe'n dor ha dhe'n mor, rag an Jowl re dhiyskynnas dhywgh hwi, ha sorr bras ganso, rag ev a woer bos termyn berr ganso ev.’

Diskwedhyans 12:3

Ha ken tokyn a veu gwelys yn nev, hag otta, dragon rudh meur gans seyth penn ha deg korn ha seyth diadem war hy fennow.

Diskwedhyans 12:7

Hag yth esa kas yn nev. Mighal ha'y eledh a omladhas erbynn an dhragon; ha'n dhragon a omladhas ha'y eledh hi,

Diskwedhyans 12:8

ha ny fethsons i; ha ny veu aga thyller kevys namoy yn nev.

Diskwedhyans 13:14

Hag ev a doell an drigoryon war an bys der an toknys a veu res dhodho dhe wul a-dherag an best; ow leverel dhe'n re a drig war an bys may hwrellens imaj dhe'n best a veu goliys der an kledha hag a vewa.

Diskwedhyans 16:14

Rag yth yns i spyrysyon dywolow ow kul toknys hag a yn-rag dhe vyghternedh oll an bys rag aga huntell war-barth dhe gas an jydh bras na a Dhuw Ollgalloesek.

Diskwedhyans 18:2

Hag ev a armas, nerthek y lev, ow leverel, ‘Koedhys, koedhys yw Babylon vras, ha devedhys yw trigva dywolow ha menowghva pub spyrys avlan, ha menowghva pub edhen avlan, ha menowghva pub best avlan ha kasadow.

Diskwedhyans 18:23

ha golow kantol ny splann ynnos namoy; ha lev an gour pries ha'n venyn bries ny vydh klewys ynnos namoy, rag dha wikoryon a veu tus meur aga bri y'n norvys, rag oll kenedhlow a veu toellys gans dha bystri.

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.

Diskwedhyans 2:13

‘My a aswonn le mayth esos trigys, le mayth usi tron Satnas, ha ty a syns ow hanow yn fast ha ny wrussys nagha ow fydh hwath y'n dydhyow na may feu ledhys Antipas ow merther len yn agas mysk, le may trig Satnas.

Diskwedhyans 2:24

Mes dhywgh hwi y lavarav, ha dhe'n re erell yn Thyatira, dhe vyns na'n jeffo an dyskas ma, na wodhva, dell leverons, downderyow Satnas: ny worrav warnowgh begh arall.

Diskwedhyans 2:9

‘My a aswonn dha wriansow ha'th halar ha'th voghosogneth (mes rych osta) ha my a aswonn blasfemi an re a lever aga bos Yedhewon, heb bos yndella, mes synaga Satnas yns i.

Diskwedhyans 20:10

Ha'n jowl neb a's toellas a veu tewlys yn lynn tan ha loskven, le may ma an best ha'n fals profoes, hag ev a vydh tormentys dydh ha nos, trank heb worfenn.

Diskwedhyans 20:8

Hag ev a wra mos yn-mes dhe doella an kenedhlow usi yn peswar sorn an norvys, Gog ha Magog, rag aga huntell war-barth dhe'n gas; ha'ga niver yw kepar ha tewes an mor.

Diskwedhyans 3:9

Otta, y hwrav gul dhedha a'n synaga a Satnas a lever aga bos Yedhewon, ha nyns yns, mes i a wowlever – otta, y hwrav gul dhedha dos dhe omblegya a-dherag dha dreys, ha godhvos my dhe'th kara.

Diskwedhyans 9:1

Ha'n pympes el a hwythas, ha my a welas sterenn koedhys dhiworth an nev bys y'n nor: hag alhwedh shafta an pytt diwoeles a veu res dhodho.

Diskwedhyans 9:20

Ha'n re erell a vab-den na veu ledhys gans an plaow ma, ny gemmeras edrek hwath a wriansow aga diwla, dhe omwitha dhiworth gormel dywolow hag idolys owrek, hag arghansek, hag a vrest hag a brenn na yllons gweles na klewes na kerdhes.