Diskwedhyans 12:3 - An Bibel Kernewek 20234 (Kernewek Kemmyn)

³ Ha ken tokyn a veu gwelys yn nev, hag otta, dragon rudh meur gans seyth penn ha deg korn ha seyth diadem war hy fennow.

Diskwedhyans 12:3 Iomraidhean Croise

Ysay 27:1

Y'n jydh na an Arloedh a gessydh gans y gledha kales, bras ha krev Lawethan an sarf usi ow fia, Lawethan an sarf usi ow gwrynya; ha ladha an dhragon usi y'n mor.

Ysay 51:9

Difun, difun, omwisk yn nerth, A vregh an Arloedh. Difun kepar hag y'n dydhyow koth, henedhow an termyn pell, A ny veu ty hag a droghas Rahab yn temmigow, hag a wanas an dhragon?

Ysay 9:15

An henavek ha'n den ughel, ev yw an penn, ha'n profoes ow tyski gow, ev yw an lost.

Daniel 2:41

Kepar dell welsys an treys ha'ga bysies, rann a weyth an gweythor pri ha rann a horn, yndella y fydh rynnys an ruvaneth; neppyth a fyrvder an horn a vydh ynni, dell welsys horn kemmyskys gans pri leysek.

Daniel 2:42

Kepar dell o an bysies-troes rann a horn ha rann a briweyth, y fydh an ruvaneth krev yn rann ha hedorr yn rann.

Daniel 7:20

hag a-dro dhe'n deg korn war y benn, ha'n korn arall hag a sevis hag a-ragdho y koedhas tri anedha; an korn esa dhodho lagasow ha ganow a leveri taklow meur, neb a heveli bos brassa ages an re erell.

Daniel 7:24

Ha'n deg korn a styr deg myghtern, neb a wra sevel yn-mes a'n wlaskor; hag onan arall a wra sevel war aga lergh, dihaval dhe'n re gynsa, hag ev a dhre tri myghtern dhe'n dor.

Diskwedhyans 12:1

Ha tokyn bras a veu gwelys yn nev; benyn gwiskys gans an howl, ha'n loer yn-dann hy threys, ha kurun a dhewdhek sterenn war hy fenn;

Diskwedhyans 12:13

Ha pan welas an dhragon hy bos tewlys bys y'n dor, hi a helghyas an venyn a dhineythis an flogh gorreydh.

Diskwedhyans 12:17

Ha'n dhragon a sorras orth an venyn, hag yth eth dhe werrya gans remenant hy has neb a with gorhemmynnow Duw, ha dustuni Yesu yma gansa i.

Diskwedhyans 12:4

Ha'y lost a skubas an tressa rann a'n ster a nev ha'ga thewlel dhe'n dor ha'n dhragon a sevis a-dherag an venyn a vedha ow tineythi, may teppra hy flogh kettell wrella hi y dhineythi.

Diskwedhyans 12:7

Hag yth esa kas yn nev. Mighal ha'y eledh a omladhas erbynn an dhragon; ha'n dhragon a omladhas ha'y eledh hi,

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 13:1

Ha my a welas best ow trehevel yn-mes a'n mor, ha ganso deg korn ha seyth penn ha deg diadem war y gern, ha hanow blasfemi war y bennow.

Diskwedhyans 13:2

Ha'n best a welis o kepar ha lewpard, ha'y bawyow kepar ha pawyow ors, ha'y vin kepar ha min lew, ha'n dhragon a ros dhodho hy nerth, ha'y thron, ha galloes meur.

Diskwedhyans 13:4

Hag i a wordhyas an dhragon rag hi dhe ri galloes dhe'n best: hag i a wordhyas an best, ow leverel, ‘Piw yw kepar ha'n best, ha piw a yll gwerrya ganso?’

Diskwedhyans 15:1

Ha my a welas tokyn arall yn nev, bras ha marthys, seyth el gans an seyth pla diwettha, rag bos sorr Duw kowlwrys ynna i.

Diskwedhyans 16:13

Ha my a welas tri spyrys avlan kepar ha kwilkynyow ow tos yn-mes dhiworth ganow an dhragon, ha dhiworth ganow an best, ha dhiworth ganow an fals profoes.

Diskwedhyans 17:12

Ha'n deg korn a welsys yw deg myghtern na dhegemmeras gwlaskor bys lemmyn mes i a dhegemmer galloes avel myghternedh rag unn our gans an best.

Diskwedhyans 17:16

Ha'n deg korn a welsys ha'n best: an re ma a wra kasa an hora ha'y gul gwastys ha noeth hag a wra dybri hy hig ha'y leski gans tan.

Diskwedhyans 17:7

Hag yn-medh an el dhymm, ‘Prag y feu marth genes? My a vynn leverel dhis mysteri an venyn ha'n best a's deg, ha ganso an seyth penn ha'n deg korn.

Diskwedhyans 19:12

Ha'y dhewlagas o kepar ha tan ow flammya, ha war y benn yth esa lies diadem; ha hanow skrifys a'n jevo na wodhya denvyth marnas ev y honan.

Diskwedhyans 20:2

Hag ev a settyas dalghenn y'n dhragon, an sarf goth na, yw an Jowl ha Satnas, hag a's kolmas mil vlydhen;