Diskwedhyans 12:11 - An Bibel Kernewek 20234 (Kernewek Kemmyn)

¹¹ Hag i a'n fethas dre woes an Oen ha dre er aga dustuni, ha ny garsons aga bewnans bys yn ankow.

Diskwedhyans 12:11 Iomraidhean Croise

Luk 14:26

‘Mar teu nebonan dhymm heb kasa y das ha'y vamm ha'y fleghes ha'y vreder ha'y hwerydh, hag ynwedh y vewnans y honan, ny yll bos ow dyskybel.

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Oberow 20:24

Mes ny akontyav ow bewnans a vri vyth dhymmo vy, unnweyth a kallen kowlwul ow resegva, ha'n menystrans a dhegemmeris dhiworth an Arloedh Yesu, rag doen dustuni dhe'n aweyl a ras Duw.

Oberow 21:13

Ena Powl a worthybis, ‘Pandr'a wrewgh hwi, owth oela ha treghi ow holonn? Rag parys ov vy dhe vos kelmys keffrys ha merwel yn Yerusalem a-barth hanow an Arloedh.’

Romanyon 16:20

Ena an Duw a gres a vrew Satnas yn-dann agas treys hware. Gras agan Arloedh Yesu Krist re bo genowgh.

1 Korinthianys 15:57

Mes re bo grasow dhe Dhuw, neb a re dhyn an trygh der agan Arloedh Yesu Krist.

1 Yowann 4:4

A Dhuw yth esowgh hwi, A fleghigyow, ha hwi re's fethas: drefenn bos ynnowgh neb yw brassa ages neb usi y'n bys.

1 Yowann 5:5

Piw yw ev a feth an bys saw neb a grys Yesu dhe vos Mab Duw?

Diskwedhyans 1:2

a dheg dustuni a ger Duw hag a dhustuni Yesu Krist – pup-tra a welas.

Diskwedhyans 1:9

My Yowann, agas broder, ha'gas kevrenner yn anken hag y'n wlaskor, hag yn perthyans yn Yesu, esa y'n ynys gelwys Patmos, rag ger Duw ha dustuni Yesu.

Diskwedhyans 11:7

Ha pan worfennons aga dustuni, an best a yskynn a'n pytt diwoeles a wra gwerrya er aga fynn ha'ga fetha ha'ga ladha.

Diskwedhyans 12:17

Ha'n dhragon a sorras orth an venyn, hag yth eth dhe werrya gans remenant hy has neb a with gorhemmynnow Duw, ha dustuni Yesu yma gansa i.

Diskwedhyans 19:10

Ha my a goedhas orth y dreys rag y wordhya. Hag ev a leveris dhymm, ‘Na wra henna. My yw dha geskethwas, ha keskethwas dha vreder a's teves dustuni Yesu. Gwra gordhya Duw, rag dustuni Yesu yw an spyrys a brofoesans.’

Diskwedhyans 2:13

‘My a aswonn le mayth esos trigys, le mayth usi tron Satnas, ha ty a syns ow hanow yn fast ha ny wrussys nagha ow fydh hwath y'n dydhyow na may feu ledhys Antipas ow merther len yn agas mysk, le may trig Satnas.

Diskwedhyans 2:17

Seul a'n jeffo skovarn, klewes ev an pyth a lever an Spyrys dhe'n eglosyow. Dhe neb a fettho y rov a'n manna kudhys dhe dhybri, ha ganso ev men gwynn a rov hag y'n men hanow nowydh skrifys, nag aswonn denvyth marnas ev a'n degemmer.

Diskwedhyans 2:26

Ha dhe neb a fettho ha gwitha ow gwriansow bys y'n diwedh, my a re galloes war an kenedhlow,

Diskwedhyans 2:7

Neb a'n jeffo skovarn, klewes ev an pyth a lever an Spyrys dhe'n eglosyow. Dhodho ev a fettho, my a re dhe dhybri a'n wydhenn a vewnans usi yn mysk paradhis Duw.

Diskwedhyans 20:4

Ha my a welas tronys, hag yth esa owth esedha warnedha an re a veu grontys breus dhedha; ha my a welas an enevow a neb re bia dibennys rag dustuni Yesu, ha rag ger Duw, na wrussa gordhya an best, na'y imaj, ha na wrussa degemmeres an merk war aga thal na'ga diwla, hag i a vewas ha reynya gans Krist mil vlydhen.

Diskwedhyans 3:12

Neb a fettho, my a'n gwra koloven yn tempel ow Duw, ha ny wra ev mos yn-mes anodho namoy, ha hanow ow Duw a skrifav warnodho, ha hanow sita ow Duw, Yerusalem nowydh, ow tiyskynna yn-mes a'n nev dhiworth ow Duw, ha'm hanow nowydh ynwedh.

Diskwedhyans 3:21

Neb a fettho, my a wront dhodho esedha genev war ow thron, kepar dell fethis vy ynwedh, hag esedha gans ow Thas war y dron.

Diskwedhyans 3:5

Neb a fettho a vydh gwiskys yndella yn dillas gwynn, ha ny wrav defendya y hanow yn-mes a'n lyver a vewnans, mes yth aswonnav y hanow a-dherag ow Thas hag a-dherag y eledh.

Diskwedhyans 6:9

Ha pan igoras an pympes sel, my a welas yn-dann an alter enevow an re o ledhys rag ger Duw ha rag an dustuni esa gansa i: