Diskwedhyans 11:13 - An Bibel Kernewek 20234 (Kernewek Kemmyn)

¹³ Hag y'n keth eur y feu dorgrys bras ha'n degves rann a'n sita a goedhas, hag y'n dorgrys seyth mil dhen a veu ledhys, ha'n re erell a veu dyegrys ha ri gordhyans dhe Dhuw nev a wrussons i.

Diskwedhyans 11:13 Iomraidhean Croise

Jenesis 6:4

Yth esa an Nefilim y'n nor y'n dydhyow na, hag a'y wosa keffrys, pan dheuth mebyon Duw dhe vyrghes mab-den; hag i a dhineythis fleghes dhedha. Tus alloesek ens i a dermyn koth, tus a vri.

Ysay 29:6

Arloedh an luyow a dheu dhis gans taran ha dorgrys ha gans tros meur, gans tewedh hag annawel, ha flamm a dan ow kowlleski.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Malaki 2:2

Mar ny woslewowgh, ha mar ny worrowgh agas kolonn dhe ri glori dhe'm hanow, yn-medh Arloedh an luyow, my a dhannvon molleth warnowgh hwi, ha my a volleth agas bennathow. Yn hwir, my a's mollethis seulabrys, rag na'n gorrsowgh yn agas kolonn.

Yowann 9:24

Ena i a elwis nessa gweyth an den o dall ha leverel dhodho, ‘Ro dhe Dhuw an gordhyans; ni a woer an den ma dhe vos peghador.’

Oberow 1:15

Hag y'n dydhyow na Peder a sevis yn-bann yn mysk an vreder – niver an routh kuntellys war-barth o a-dro dhe hwegh-ugens – ha leverel,

Yoshua 7:19

Ena Yoshua a leveris dhe Akan, ‘Ow mab, ro enor dhe'n Arloedh, Duw Ysrael, ha ro grasyans dhodho. Deriv dhymm pandr'a wrussys; na gudh e ahanav.’

Diskwedhyans 11:11

Ha wosa tri dydh ha hanter, spyrys bewnans a Dhuw eth a-bervedh ynna hag i a sevis war aga threys hag own bras a goedhas war an re a's gwelas.

Diskwedhyans 11:19

Ha tempel Duw yn nev a veu igerys hag argh y gevambos a veu gwelys yn y dempel hag y feu lughesennow ha sonyow ha taranow ha dorgrys, ha keser meur.

Diskwedhyans 14:7

ow leverel, ughel y lev, ‘Porth own a Dhuw, ha ro glori dhodho, rag bos eur y vreus devedhys, ha gwra gormel neb a wrug nev ha nor ha'n mor ha'n fentynyow a dhowrow.’

Diskwedhyans 15:4

Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’

Diskwedhyans 19:7

Gwren lowenhe ha heudhhe, ha ri gordhyans dhodho; rag dydh demmedhyans an Oen a dheuva, ha'y wreg re ombareusis.

Diskwedhyans 3:4

Byttegyns yma genes nebes henwyn yn Sardis na wrug mostya aga dillas; hag i a wra kerdhes genev, gwynn aga dillas, rag gwiw yns i.

Diskwedhyans 6:12

Ha my a welas pan igoras an hweghves sel, ha dorgrys bras a hwarva ha'n howl a dhuhas kepar ha saghlenn blew ha'n loer leun eth kepar ha goes.

Diskwedhyans 8:5

Ha'n el a gemmeras an ynkyslester, ha'y lenwel a dan an alter ha'y dewlel dhe'n dor, hag y feu taranow ha sonyow ha lughes ha dorgrys.

1 Samuel 6:5

Ytho hwi a wra imajys a'gas hwedhow hag imajys a'gas logos neb a dhiswra an tir, ha hwi a re glori dhe Dhuw Ysrael; martesen ev a skavha y dhorn a-dhiwarnowgh hag a-dhiwar agas duwow hag a-dhiwar agas tir.