Diskwedhyans 10:4 - An Bibel Kernewek 20234 (Kernewek Kemmyn)

⁴ Ha pan gewssa an seyth taran, my a vynnas skrifa: ha my a glewas lev a nev ow leverel dhymm, ‘Gwra selya yn-bann an taklow a leveris an seyth taran, ha na wra aga skrifa.’

Diskwedhyans 10:4 Iomraidhean Croise

Ysay 29:11

An gwelesigeth a hemma oll yw dhywgh kepar ha geryow a lyver selys. Pan y'n rons dhe dhen lettrys, ow leverel ‘Lenn hemma’, yn-medh ev, ‘Ny allav, drefenn y vos selys.’

Ysay 8:1

An Arloedh a leveris dhymm, Kemmer dhis rol-skrifa vras, ha skrif warnedhi gans pluvenn den: Maher-shalal-hash-baz.

Ysay 8:16

Kolm an dustuni, sel an dyskans yn mysk ow dyskyblon.

Daniel 12:4

Mes ty, A Daniel, kudh an geryow, ha sel an lyver bys prys an diwedh. Lies a boen a-derdro, dhe ynkressya godhvos.’

Daniel 12:9

Hag ev a leveris, ‘Ke, Daniel, rag y fydh an taklow ma gwithys yn-dann gel ha selys bys prys an diwedh.

Daniel 8:26

Gwelesigeth an gorthugher ha'n myttin, re beu leverys, yw an gwiryonedh; mes ty, gwra selya an welesigeth, rag yth yw a-dro dhe lies dydh alemma.’

Dewteronomi 29:29

An Arloedh agan Duw a bew an taklow kudhys, mes dhyn ni yma an taklow diskudhys, ha dh'agan mebyon bys vykken, rag may hwryllyn oll geryow an lagha ma.

Diskwedhyans 1:11

ow leverel, ‘An pyth a welydh skrif yn rol-skrifa, ha dannvon dhe'n seyth eglos, dhe Efesus, ha dhe Smyrna, ha dhe Pergamum, ha dhe Thyatira ha dhe Sardis, ha dhe Filadelfia, ha dhe Laodikea.’

Diskwedhyans 1:19

Ytho skrif an pyth a welsys, ha'n pyth yw, ha'n pyth a hwyrvydh wosa an taklow ma.

Diskwedhyans 10:8

Ha'n lev a glewis a nev a gewsis genev arta, ow leverel, ‘Ke ha kemmer an rol-skrifa yw igerys yn dorn an el usi ow sevel war an mor ha war an dor.’

Diskwedhyans 22:10

Hag ev a leveris dhymm, ‘Na wra selya yn-bann lavarow profoesans an rol ma: rag ogas yw an termyn.