Diskwedhyans 10:1 - An Bibel Kernewek 20234 (Kernewek Kemmyn)

¹ Ha my a welas ken el nerthek ow tos yn-nans dhiworth nev, ow kwiska kommolenn, ha kammneves war y benn, ha'y fas kepar ha'n howl, ha'y dreys kepar ha kolovenyow a dan.

Diskwedhyans 10:1 Iomraidhean Croise

Salmow 104:3

neb a worr kebrow y jambouryow y'n dowrow, hag a wra an kommol y jarett, hag a gerdh war eskelli an gwyns;

Salmow 97:2

Yma kommol ha tewlder a-dro dhodho; ewnder ha gwirvreus yw sel y se.

Eksodus 16:10

Ha dell gewsi Aron dhe'n kuntelles oll a vebyon Ysrael, i a viras war-tu ha'n gwylvos, hag otta, golewder an Arloedh a omdhiskwedhas y'n gommolenn.

An Gan a Ganow 5:15

Y dhiwarr yw kolovenyow a varbel, desedhys war grawyow a owr; y semlans yw kepar ha Lebanon, bryntin avel an kederwydh.

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Ysay 54:9

Hemm yw avel dydhyow Noy dhymmo vy, pan des vy byttydh na ella dowrow Noy war an norvys arta; yndella my re dos na borthav sorr orthis, ha na'th keredhav.

Kynvannow 3:44

Ty re omwiskas gans kommolenn, ma na dremen pysadow vyth.

Ezekiel 1:28

Haval dhe semlans kammneves y'n kommol yn dydh glaw, yndella o an golowyjyon a-dro dhodho. Hemm o semlans kepar ha glori an Arloedh. Pan y'n welis, my a goedhas war ow fas, ha klewes lev ow kewsel.

Daniel 10:6

Y gorf o avel owrven, y dremmynn o haval dhe lughesenn, y dhewlagas avel faglennow a dan; y dhiwvregh ha'y dhewdroes a wolowi avel brons splann, ha son y lev avel tros routh.

Daniel 7:13

My a welas yn gwelesigethow an nos, ottena yn mysk kommol an nev yth esa onan avel Mab an den ow tos; ev a dheuth bys y'n Koth a'n dydhyow hag i a'n hembronkas yn y ogas.

Levitikus 16:2

Hag yn-medh an Arloedh dhe Moyses, Lavar dhe Aron dha vroder na dheffo pub eur oll a-berth y'n tyller sans a-ji dhe'n vayl dherag an dregeredhva usi war an argh, ma na varwo, rag my a vynn omdhiskwedhes y'n gommolenn war an dregeredhva.

Matthew 17:2

Hag ev a veu treusfigurys a-ragdha, ha'y fas a derlentris avel an howl, ha'y dhillas o mar wynn avel an golow.

Luk 21:27

Hag ena i a wel Mab an den ow tos yn kommolenn gans nerth ha golewder meur.

Oberow 26:13

a-dro dhe hanter-dydh y'n hyns, A vyghtern, my a welas golow dhiworth nev, splanna ages an howl, ow kolowi a-dro dhymm hag a-dro dhe'n re esa ow vyajya genev.

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.

Diskwedhyans 18:1

Wosa an taklow ma my a welas ken el ow tiyskynna dhiworth nev, meur y alloes, ha'n nor a veu golowys gans y splannder.

Diskwedhyans 18:21

Hag unn el galloesek a gemmeras men kepar ha men-melin bras, ha'y dewlel y'n mor, ow leverel, ‘Yndella, gans garowder, Babylon an sita vras a vydh tewlys war-nans, ha ny vydh kevys namoy.

Diskwedhyans 20:1

Ha my a welas el ow tiyskynna dhiworth nev, gans alhwedh an pytt diwoeles ha chayn bras yn y dhorn.

Diskwedhyans 4:3

Hag ev neb o esedhys war an tron a heveli kepar ha men yasper ha sardius, hag yth esa kammneves a-dro dhe'n tron kepar ha gwyrven,

Diskwedhyans 5:2

Ha my welas el nerthek ow karma, ughel y lev, ‘Piw yw gwiw dhe igeri an rol ha terri hy selyow?’

Diskwedhyans 8:13

Ha my a welas ha klewes er ow nija yn kres an nev, ow leverel, ughel y lev, ‘Tru, tru, tru, dhe drigoryon an norvys dhiworth sonyow erell a hirgorn an tri el neb a vydh ow hwytha.’