Diskwedhyans 1:9 - An Bibel Kernewek 20234 (Kernewek Kemmyn)

⁹ My Yowann, agas broder, ha'gas kevrenner yn anken hag y'n wlaskor, hag yn perthyans yn Yesu, esa y'n ynys gelwys Patmos, rag ger Duw ha dustuni Yesu.

Diskwedhyans 1:9 Iomraidhean Croise

Matthew 20:23

Yn-medh ev dhedha, ‘Hwi a wra eva a'm hanaf, mes esedha a'm parth dhyghow ha'm parth kledh, nyns eus dhymmo y ri, mes yma dhe seul a vo darbarys dhedha gans ow Thas.’

Mark 10:39

Hag i a leveris dhodho, ‘Gyllyn.’ Hag yn-medh Yesu dhedha, ‘Hwi a wra eva a'n hanaf a evav vy, ha gans an besydh mayth o'ma besydhys hwi a vydh besydhys,

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Oberow 1:15

Hag y'n dydhyow na Peder a sevis yn-bann yn mysk an vreder – niver an routh kuntellys war-barth o a-dro dhe hwegh-ugens – ha leverel,

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

Romanyon 8:17

ha mars on ni fleghes, ytho heryon, heryon a Dhuw ha kes-heryon a Grist, mar kodhevyn ganso rag may fyn ni ynwedh kevrennek a'y wolewder.

Romanyon 8:25

Mes mar kwaytir an pyth na welir, gans mall y'n gwaytir.

2 Korinthianys 1:7

Ha fyrv yw agan govenek ragowgh, a-ban wodhon ni hemma: par dell owgh hwi kevrennoryon a'n galarow, yndella ynwedh hwi a gevrenn a'n konfort.

Filippianys 1:7

dell yw gwiw ragov dhe brederi ahanowgh hwi oll, rag ottahwi genev y'n golonn; rag hwi oll yw kevrennoryon genev a ras, hag y'm kolmow hag yn mentons ha kompoesans a'n aweyl.

Filippianys 4:14

Byttegyns, hwi a wrug yn ta, ow kevrenna y'm anken.

2 Thessalonianys 3:5

Re wrello an Arloedh gidya agas kolonn dhe gerensa Duw ha dhe berthyans Krist.

2 Timothi 1:8

Ytho, na gemmer meth a dhustuni agan Arloedh, nag ahanav vy, y brisner, mes bydh kevrenner yn godhevyans rag an aweyl war-lergh galloes Duw,

Ebrowyon 10:36

Rag hwi a'gas beus edhomm a berthyans, may hwryllowgh bodh Duw ha kavoes an pyth yw ambosys.

1 Peder 5:1

Ytho, my a bys an re yw henavogyon yn agas mysk, ha my henavek ynwedh genowgh, ha test godhevyansow Krist, ha kevrenner y'n splannder a vydh diskwedhys,

Diskwedhyans 1:1

Diskwedhyans Yesu Krist, a ros Duw dhodho rag diskwedhes dh'y wesyon an taklow a goedh hwarvos yn skon; ow tannvon derivadow der y el dh'y was Yowann,

Diskwedhyans 1:2

a dheg dustuni a ger Duw hag a dhustuni Yesu Krist – pup-tra a welas.

Diskwedhyans 1:4

Yowann dhe'n seyth eglos yn Asia: Gras dhywgh hwi ha kres dhiworth neb yw, hag o, hag a dheu ha dhiworth an seyth spyrys usi a-dherag y dron,

Diskwedhyans 1:6

ha'gan gul gwlaskor, oferysi dhe Dhuw y Das; dhodho ev re bo gordhyans ha galloes trank heb worfenn. Amen.

Diskwedhyans 11:7

Ha pan worfennons aga dustuni, an best a yskynn a'n pytt diwoeles a wra gwerrya er aga fynn ha'ga fetha ha'ga ladha.

Diskwedhyans 12:11

Hag i a'n fethas dre woes an Oen ha dre er aga dustuni, ha ny garsons aga bewnans bys yn ankow.

Diskwedhyans 12:17

Ha'n dhragon a sorras orth an venyn, hag yth eth dhe werrya gans remenant hy has neb a with gorhemmynnow Duw, ha dustuni Yesu yma gansa i.

Diskwedhyans 13:10

Neb a ello yn kethneth, yn kethneth yth a: neb a vo ledhys gans kledha, gans kledha y fydh ledhys. Ottomma perthyans ha fydh an syns.

Diskwedhyans 14:12

Ottomma perthyans an syns, neb a with gorhemmynnow Duw, ha fydh Yesu.

Diskwedhyans 19:10

Ha my a goedhas orth y dreys rag y wordhya. Hag ev a leveris dhymm, ‘Na wra henna. My yw dha geskethwas, ha keskethwas dha vreder a's teves dustuni Yesu. Gwra gordhya Duw, rag dustuni Yesu yw an spyrys a brofoesans.’

Diskwedhyans 20:4

Ha my a welas tronys, hag yth esa owth esedha warnedha an re a veu grontys breus dhedha; ha my a welas an enevow a neb re bia dibennys rag dustuni Yesu, ha rag ger Duw, na wrussa gordhya an best, na'y imaj, ha na wrussa degemmeres an merk war aga thal na'ga diwla, hag i a vewas ha reynya gans Krist mil vlydhen.

Diskwedhyans 3:10

Rag ty dhe witha ger ow ferthyans, my a vynn dha witha rag eur an prevyans a wra dos war oll an bys, dhe brevi an re a drig war an norvys.

Diskwedhyans 6:9

Ha pan igoras an pympes sel, my a welas yn-dann an alter enevow an re o ledhys rag ger Duw ha rag an dustuni esa gansa i:

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.