Diskwedhyans 1:8 - An Bibel Kernewek 20234 (Kernewek Kemmyn)

⁸ ‘My yw an Alfa ha'n Omega’, yn-medh an Arloedh Duw, neb yw, ha neb o, ha neb a dheu, an Ollgalloesek.

Diskwedhyans 1:8 Iomraidhean Croise

Jenesis 17:1

Ha pan o Abram nownsek bloedh ha peswar-ugens, an Arloedh a omdhiskwedhas dhe Abram ha leverel dhodho, ‘Duw Ollgalloesek ov vy. Kerdh a-dheragov, ha bydh divlam.

Jenesis 28:3

Ha re'th vennikko Duw Ollgalloesek ha gul dhywgh doen frut hag ynkressya ha dos ha bos kemmynieth a boblow,

Jenesis 35:11

Hag yn-medh Duw dhodho, ‘My yw Duw Ollgalloesek; degewgh frut ha kressewgh; kenedhel ha kemmynieth a genedhlow a dheu dhiworthis, ha myghternedh a dheu yn-mes a'th tiwglun.

Jenesis 43:14

Ha re rollo Duw Ollgalloesek mersi dhywgh dherag an gour, may tannvonno dhywgh agas broder arall, ha Benyamin. Ha my – mar pydh ow fleghes kellys, kellys vydhons.’

Jenesis 48:3

Hag yn-medh Yakob dhe Yosep, ‘Duw Ollgalloesek re omdhiskwedhas dhymm yn Luz, yn pow Kanan, ha'm benniga,

Jenesis 49:25

dre Dhuw dha das neb a'th weres, ha'n Ollgalloesek neb a'th vennik, gans bennathow an nevow a-vann, bennathow an downder a wrowedh war-nans, bennathow diwvronn ha torr.

Eksodus 3:14

Duw a leveris dhe Moyses, ‘my yw neb yth ov vy.’ Hag y leveris, ‘Lavar hemma dhe vebyon Ysrael, “my yw re'm dannvonas dhywgh.” ’

Eksodus 6:3

ha my a omdhiskwedhas dhe Abraham, dhe Ysak ha dhe Yakob avel Duw Ollgalloesek, mes der ow hanow vy, an Arloedh, nyns en vy aswonnys dhedha.

Ysay 41:4

Piw re wrug hag a gowlwrug hemma, ow kelwel an henedhow a-dhia'n dhallethva? My, an Arloedh, an kynsa, ha gans an re dhiwettha; my yw ev.

Ysay 43:10

‘Hwi yw ow dustunioryon’, y lever an Arloedh, ha'm gwas a dhewisis, rag may hwodhvowgh ha krysi dhymm, ha konvedhes, my dhe vos ev. Kyns my ny veu Duw formys, na ny vydh nevra war ow lergh.

Ysay 44:6

Yndellma y lever an Arloedh, Myghtern Ysrael, ha'y Dhasprenyas, Arloedh an luyow: My yw an kynsa ha my yw an diwettha, hag a-der my nyns eus duw.

Ysay 48:12

Goslow orthiv, A Yakob, ha ty Ysrael, neb a elwis: my yw ev; my yw an kynsa, ha my yw an diwettha.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Niverow 24:4

ger anodho ev neb a glew geryow Duw, neb a wel gwelesigeth an Ollgalloesek, ow koedha yn transyek, mes ankudhys y dhewlagas:

2 Korinthianys 6:18

ha tas vydhav dhywgh ha mebyon ha myrghes vydhowgh hwi dhymm, yn-medh an Arloedh Ollgalloesek.’

Diskwedhyans 1:11

ow leverel, ‘An pyth a welydh skrif yn rol-skrifa, ha dannvon dhe'n seyth eglos, dhe Efesus, ha dhe Smyrna, ha dhe Pergamum, ha dhe Thyatira ha dhe Sardis, ha dhe Filadelfia, ha dhe Laodikea.’

Diskwedhyans 1:17

Ha pan y'n gwelis, my a goedhas orth y dreys kepar ha pan ven marow. Hag ev a worras y dhorn dhyghow warnav, ow leverel, ‘Na borth own. My yw an kynsa ha'n diwettha,

Diskwedhyans 1:4

Yowann dhe'n seyth eglos yn Asia: Gras dhywgh hwi ha kres dhiworth neb yw, hag o, hag a dheu ha dhiworth an seyth spyrys usi a-dherag y dron,

Diskwedhyans 11:17

ow leverel, ‘Ni a ras dhis, A Arloedh Duw Ollgalloesek, neb os ha neb es, rag ty a gemmeras dha alloes bras ha reynya.

Diskwedhyans 15:3

Hag i a gan kan Moyses gwas Duw, ha kan an Oen, ow leverel, ‘Bras ha marthys yw dha wriansow, A Arloedh Duw Ollgalloesek; ewn ha gwir yw dha fordhow, A Vyghtern an kenedhlow.

Diskwedhyans 16:14

Rag yth yns i spyrysyon dywolow ow kul toknys hag a yn-rag dhe vyghternedh oll an bys rag aga huntell war-barth dhe gas an jydh bras na a Dhuw Ollgalloesek.

Diskwedhyans 16:7

Ha my a glewas an alter ow leverel, ‘Dhe wir, A Arloedh Duw Ollgalloesek, gwir hag ewn yw dha vreusow.’

Diskwedhyans 19:15

Ha kledha lymm a yn-mes a'y anow, may hwasko an kenedhlow ganso, hag ev a wra aga rewlya gans gwelenn horn, hag ev a drett gwinwask konnar sorr Duw Ollgalloesek.

Diskwedhyans 19:6

Ha my a glewas kepar ha pan ve lev routh veur, ha son lies dowr, ha lev taran veur ow leverel, ‘Alleluya; rag an Arloedh agan Duw, an Ollgalloesek, a reyn.

Diskwedhyans 2:8

‘Ha dhe el an eglos yn Smyrna skrif: An taklow ma a lever an kynsa ha'n diwettha, a veu marow, ha devedhys yw dhe vewnans:

Diskwedhyans 21:22

Ha tempel ny welis ynni, rag bos an Arloedh Duw Ollgalloesek ha'n Oen hy thempel.

Diskwedhyans 21:6

Hag ev a leveris dhymm, ‘Gwrys yw. Alfa hag Omega ov vy, an dalleth ha'n diwedh. My a re dhe neb a'n jeves syghes a fenten an dowr a vewnans heb kost.

Diskwedhyans 22:13

Alfa hag Omega ov vy, an kynsa ha'n diwettha, an dalleth ha'n diwedh.’

Diskwedhyans 4:8

Ha'n peswar kreatur bew, pubonan gans hwegh askell, yw leun a lagasow a-derdro hag a-ji, ha nyns eus powes dhedha dydh ha nos hag i ow leverel, ‘Sans, Sans, Sans, Arloedh Duw an Ollgalloesek, neb o, neb yw, ha neb a dheu.’