Diskwedhyans 1:3 - An Bibel Kernewek 20234 (Kernewek Kemmyn)

³ Gwynnvys neb a red, ha'n re a glew geryow an profoesans ha gwitha an taklow skrifys ynno: rag an termyn yw ogas.

Diskwedhyans 1:3 Iomraidhean Croise

Lavarow Koth 8:34

Gwynnvys an den hag a woslow orthiv, ow koelyas pub dydh war ow yet, ow kwitha war bostow ow darasow.

Yeremia 51:61

Ha Yeremia a leveris dhe Seraya: ‘Pan dheudh dhe Babylon, gwayt lenna oll an geryow ma,

Matthew 24:15

‘Pan welowgh ytho pyth kasadow an difeythter menegys gans Daniel an profoes ow sevel y'n tyller sans (gwres an redyer konvedhes),

Luk 11:28

Mes ev a leveris, ‘Kyns, gwynnvys an re a glew ger Duw ha'y witha.’

Romanyon 13:11

Gans henna ow kodhvos an termyn, an eur yw hwi dhe dhifuna a gosk. Rag yma selwyans nes dhyn lemmyn es dell o pan gryssyn ni wostalleth.

Romanyon 13:12

Gyllys pell yw an nos ha devedhys nes yw an jydh. Tewlyn dhe-ves ytho oberow an tewlder ha gwiskyn arvow an golow.

1 Peder 4:7

Gorfenn pup-tra re dheuth nes; ytho bedhewgh doeth ha sad orth pysadow.

2 Peder 3:8

Mes na vedhes an unn dra ma kudhys dhiworthowgh, karadowyon: unn jydh gans an Arloedh yw kepar ha mil vlydhen, ha mil vlydhen kepar hag unn jydh.

Diskwedhyans 22:10

Hag ev a leveris dhymm, ‘Na wra selya yn-bann lavarow profoesans an rol ma: rag ogas yw an termyn.

Diskwedhyans 22:12

‘Otta, my a dheu yn skon, hag yma ow gober genev, dhe ri dhe beub kepar dell yw y ober.

Diskwedhyans 22:20

Neb a dheg dustuni a'n taklow ma, a lever, ‘Dhe wir, my a dheu yn skon.’ Amen, deus, Arloedh Yesu.

Diskwedhyans 3:11

My a dheu yn skon; syns yn fast an pyth usi genes ma na gemmerro denvyth dha gurun.