Diskwedhyans 1:16 - An Bibel Kernewek 20234 (Kernewek Kemmyn)

¹⁶ Ha ganso yn y dhorn dhyghow yth esa seyth sterenn, ha kledha lymm dewvinyek ow tos yn-mes a'y anow, ha'y fas kepar ha'n howl ow splanna yn y nerth.

Diskwedhyans 1:16 Iomraidhean Croise

Job 38:7

ha ster an myttin ow kana war-barth hag oll mebyon Duw ow karma gans lowena?

Salmow 45:3

Kolm dha gledha war dha vordhos, ty vreselyas, gans dha splannder ha'th veuredh.

An Gan a Ganow 6:10

‘Piw yw homma neb a vir yn-nans kepar ha'n bora, mar deg avel an loer, mar splann avel an howl, euthyk kepar ha lu gans baneryow?’

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Ysay 24:23

An loer a's tevydh meth ha'n howl a vydh shamys; rag Arloedh an luyow a reyn yn menydh Sion hag yn Yerusalem, ha glorifiys vydh a-rag y henavogyon.

Ysay 49:2

Ev a wrug ow ganow avel kledha lymm, yn skeus y dhorn ev a'm kudhas; ev a'm gwrug seth lymmys, yn goen y sethow ev a'm kelas.

Daniel 12:3

Ha'n re fur a wra splanna avel golowyjyon an fyrmament; ha'n re a dreyl lies dhe wiryonedh a vydh avel an ster bys vykken ha bynnari.

Daniel 8:10

Bys yn lu an nev y tevis, hag a wrug dhe dharn an lu, ha dhe dharn an ster koedha dhe'n dor, hag ev a stankyas warnedha.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Matthew 17:2

Hag ev a veu treusfigurys a-ragdha, ha'y fas a derlentris avel an howl, ha'y dhillas o mar wynn avel an golow.

Oberow 26:13

a-dro dhe hanter-dydh y'n hyns, A vyghtern, my a welas golow dhiworth nev, splanna ages an howl, ow kolowi a-dro dhymm hag a-dro dhe'n re esa ow vyajya genev.

Efesianys 6:17

ha kemmerewgh an basnett a selwyans ha kledha an Spyrys, yw lavar Duw.

Ebrowyon 4:12

Rag ger Duw yw effeythus ha lymma ages pub kledha dewvinyek, ow kwana erna ranno enev ha spyrys, mellow ha mer, hag a yll breusi tybyansow ha mynnas an golonn.

Diskwedhyans 1:20

Mysteri an seyth sterenn a welsys a dhyghow dhymm, ha'n seyth kantoler owrek: an seyth sterenn yw eledh an seyth eglos: ha'n seyth kantoler yw an seyth eglos.

Diskwedhyans 10:1

Ha my a welas ken el nerthek ow tos yn-nans dhiworth nev, ow kwiska kommolenn, ha kammneves war y benn, ha'y fas kepar ha'n howl, ha'y dreys kepar ha kolovenyow a dan.

Diskwedhyans 12:1

Ha tokyn bras a veu gwelys yn nev; benyn gwiskys gans an howl, ha'n loer yn-dann hy threys, ha kurun a dhewdhek sterenn war hy fenn;

Diskwedhyans 19:15

Ha kledha lymm a yn-mes a'y anow, may hwasko an kenedhlow ganso, hag ev a wra aga rewlya gans gwelenn horn, hag ev a drett gwinwask konnar sorr Duw Ollgalloesek.

Diskwedhyans 19:21

Ha'n re erell a veu ledhys gans an kledha a dheuth dhiworth an ganow a neb esa owth esedha war an margh, an kledha a dheuth dhiworth y anow; hag oll an ydhyn a veu lenwys a'ga hig.

Diskwedhyans 2:1

‘Dhe el an eglos yn Efesus skrif: Neb a syns an seyth sterenn yn y dhorn dhyghow ha kerdhes yn mysk an seyth kantoler owrek a lever an taklow ma:

Diskwedhyans 2:12

‘Ha dhe el an eglos yn Pergamum skrif: An taklow ma a lever ev ha ganso an kledha lymm dewvinyek:

Diskwedhyans 2:16

Kemmer edrek; poken dos dhiso yn skon a vynnav hag omladh er aga fynn gans kledha ow ganow.

Diskwedhyans 3:1

‘Ha dhe el an eglos yn Sardis skrif: An taklow ma a lever neb a'n jeves an seyth Spyrys a Dhuw, ha'n seyth sterenn: ‘My a aswonn dha wriansow. Yma hanow genes ty dhe vewa, mes marow osta.

Breusysi 3:16

Ehud a wrug ragdho y honan kledha dewvinyek, unn kevelin y hirder, hag ev a'n fastyas orth y vordhos dhyghow yn-dann y dhillas.

Breusysi 5:31

‘Yndella re varwo oll dha eskerens, A Arloedh! Mes re bo oll dha gowetha avel an howl dell sev yn-bann yn y nerth.’ Ha'n tir a'n jevo kres dew-ugens blydhen.