Diskwedhyans 1:1 - An Bibel Kernewek 20234 (Kernewek Kemmyn)

¹ Diskwedhyans Yesu Krist, a ros Duw dhodho rag diskwedhes dh'y wesyon an taklow a goedh hwarvos yn skon; ow tannvon derivadow der y el dh'y was Yowann,

Diskwedhyans 1:1 Iomraidhean Croise

Salmow 25:14

Yma kevrin an Arloedh gans an re a berth own anodho, hag ev a dhiskwa dhedha y gevambos.

Daniel 8:16

Ha my a glewas lev den yntra glannow an Ulay, hag y helwis ow leverel, ‘Gabriel, gwra dhe hemma konvedhes an welesigeth.’

Daniel 9:21

pan esen ow leverel ow fysadow, an gour Gabriel, neb re welsen kyns y'n welesigeth, a dheuth dhymm ow nija uskis orth prys offrynn an gorthugher.

Daniel 9:23

Orth dalleth dha aspysadow, ger a dheuth yn-mes, ha devedhys ov dh'y dherivas dhis, rag meurgerys os; ytho gwra vri a'n ger ha konvedh an welesigeth:

Amos 3:7

Yredi ny wra an Arloedh Duw travyth heb diskudha y dowl kudh dh'y servysi an brofoesi.

Yowann 12:49

Rag ny gewsis vy ahanav ow honan, mes an Tas a'm dannvonas, ev a ros dhymm gorhemmynn, pandra dhe leverel ha pandra dhe gewsel.

Yowann 15:15

Ny wrav agas henwel gwesyon na fella, rag ny woer an gwas pandr'a wra y vester; mes my re'gas henwis kowetha, rag pup-tra a wrug vy klewes a'w Thas my a wrug y dheklarya dhy'hwi.

Yowann 17:8

Rag my re ros dhedha an geryow a resys dhymm, hag i a's degemmeras hag a gonvedhas yn gwirder my dhe dhos ahanas, hag i a grysis ty dhe'm dannvon.

Yowann 3:32

An pyth re welas ha re glewas, ev a dheg dustuni anodho, ha denvyth ny dhegemmer y dhustuni.

Yowann 8:26

Yma dhymm lies tra dhe leverel ha dhe vreusi a-dro dhywgh; mes neb a'm dannvonas yw gwir; ha'n pyth a glewis dhiworto, henna my a lever dhe'n bys.’

Romanyon 16:25

Lemmyn dhodho ev neb a yll agas krevhe herwydh ow aweyl ha pregoth Yesu Krist, herwydh diskwedhyans an kevrin a vedha gwithys taw der an oesow

Galatianys 1:12

rag ny's degemmeris dhiworth denvyth na ny's dyskis marnas dre dhiskwedhyans Yesu Krist.

Efesianys 3:3

fatell veu notys dhymm an mysteri dre dhiskwedhyans, kepar dell skrifis dhywgh kyns war verr lavarow.

Titus 1:1

Powl, gwas Duw hag abostol Yesu Krist, war-lergh fydh an re yw dewisys gans Duw hag aswonnvos an gwir yw yn akord gans sansoleth,

Diskwedhyans 1:19

Ytho skrif an pyth a welsys, ha'n pyth yw, ha'n pyth a hwyrvydh wosa an taklow ma.

Diskwedhyans 1:9

My Yowann, agas broder, ha'gas kevrenner yn anken hag y'n wlaskor, hag yn perthyans yn Yesu, esa y'n ynys gelwys Patmos, rag ger Duw ha dustuni Yesu.

Diskwedhyans 17:1

Hag onan a'n seyth el gans an seyth fiol a dheuth dhe gewsel orthiv, ow leverel, ‘Deus, my a vynn diskwedhes dhis breus an hora veur yw esedhys war lies dowr,

Diskwedhyans 19:10

Ha my a goedhas orth y dreys rag y wordhya. Hag ev a leveris dhymm, ‘Na wra henna. My yw dha geskethwas, ha keskethwas dha vreder a's teves dustuni Yesu. Gwra gordhya Duw, rag dustuni Yesu yw an spyrys a brofoesans.’

Diskwedhyans 19:9

Hag ev a leveris dhymm, ‘Skrif: Gwynn aga bys an re gelwys dhe woel demmedhyans an Oen.’ Hag ev a leveris dhymm, ‘An re ma yw gwir lavarow Duw.’

Diskwedhyans 21:2

Ha my a welas an sita sans, Yerusalem nowydh, ow tiyskynna yn-mes a nev dhiworth Duw, parys kepar ha benyn bries afinys rag hy gour.

Diskwedhyans 21:9

Hag onan a'n seyth el neb a's tevo an seyth fiol lenwys a'n seyth pla diwettha a dheuth dhymm ha kewsel orthiv ow leverel, ‘Deus, ha my a vynn diskwedhes dhis an venyn bries, gwreg an Oen.’

Diskwedhyans 22:1

Hag ev a dhiskwedhas dhymm avon a dhowr bewnans, kler avel gwrys, ow tos yn-mes a dron Duw hag a'n Oen.

Diskwedhyans 22:16

‘My, Yesu, re dhannvonas ow el dhe dhustunia dhywgh an taklow ma rag an eglosyow. My yw gwreydhenn hag agh Davydh, an Vorlowenn splann.’

Diskwedhyans 22:6

Hag ev a leveris dhymm, ‘An lavarow ma yw len ha gwir; ha'n Arloedh Duw a'n enevow a'n brofoesi a dhannvonas y el dhe dhiskwedhes dh'y wesyon an taklow a goedh hwarvos yn skon.

Diskwedhyans 22:8

Ha my, Yowann, yw neb a glewas ha gweles an taklow ma. Ha pan glewis ha gweles, my a goedhas dhe wordhya a-dherag treys an el a dhiskwedhas dhymm an taklow ma.

Diskwedhyans 22:9

Hag ev a leveris dhymm, ‘Na wra henna: dha geskethwas ov vy, hag a'th vreder an brofoesi, hag a neb a with lavarow an rol-skrifa ma: gwra gordhya Duw.’

Diskwedhyans 4:1

Wosa hemma my a viras, hag otta daras igerys y'n nev, ha'n kynsa lev a glewis kepar ha hirgorn ow kewsel genev, ow leverel, ‘Deus yn-bann omma, ha my a vynn diskwedhes dhis an taklow a res hwarvos wosa hemma.’

Diskwedhyans 5:7

Hag ev a dheuth ha kemmeres an rol yn-mes a'n dhorn dhyghow a neb o esedhys war an tron.