Dewteronomi 9:5 - An Bibel Kernewek 20234 (Kernewek Kemmyn)

⁵ Nyns yw drefenn dha ewnder, na drefenn ewnhynseth dha golonn, yth esos ow tos dhe erita aga thir; mes yth yw drefenn sherewynsi an kenedhlow ma y hwra an Arloedh dha Dhuw aga fesya a-ragos, rag may fastyo an ger a dos an Arloedh dhe'th tasow, dhe Abraham, dhe Ysak, ha dhe Yakob.

Dewteronomi 9:5 Iomraidhean Croise

Jenesis 12:7

Ha'n Arloedh a omdhiskwedhas dhe Abram ha leverel dhodho, ‘My a vynn ri an tir ma dhe'th has jy.’ Ytho ev a dhrehevis alter dhe'n Arloedh neb a omdhiskwedhas dhodho.

Jenesis 13:15

Rag my a re oll an tir a welydh dhiso jy ha dhe'th has bys vykken.

Jenesis 15:16

Y'n peswora henedh i a dhehwel omma; rag ny vydh kowlwrys na hwath kammweyth an Amorysi.’

Jenesis 15:7

Hag ev a leveris dhodho, ‘My yw an Arloedh a'th tros mes a Ur an Kaldeanys dhe ri dhis an pow ma dh'y gavoes yn perghennogeth.’

Jenesis 17:8

Ha my a re dhis, ha dhe'th has war dha lergh, an pow mayth esos ow kodriga ynno, oll an tir a Kanan dh'y berghenna bys vykken, ha my a vydh aga Duw.’

Jenesis 19:29

Ha pan dhistruis Duw sitys an plen, Duw a borthas kov a Abraham ha dannvon Lot yn-mes a gres an domhwelyans pan dhomhwelas an sitys mayth esa Lot trigys a-bervedh ynna.

Jenesis 26:4

Ha my a vynn ynkressya dha has kepar ha ster an nev, ha my a re dhe'th has oll an powyow ma. Oll kenedhlow an norvys a vydh owth omvenniga y'th has:

Jenesis 28:13

Hag awotta, yth esa an Arloedh ow sevel a-ughti, hag yn-medh ev, ‘My yw an Arloedh, Duw Abraham dha das ha Duw Ysak. My a re an tir esos ow krowedha warnodho dhiso jy ha dhe'th has.

Eksodus 32:13

Porth kov a Abraham, Ysak, hag Ysrael, dha servysi, dhe neb y hwrussys ti re'th honan ha leverel dhedha, “My a wra liesplekhe agas diyskynnysi avel ster nev, hag oll an tir ma re ambosis y rov dh'agas diyskynnysi, hag i a'n erit bys vykken” ’

Ezekiel 20:14

My a wrug hemma a-barth ow hanow, ma na ve disakrys a-wel dhe'n kenedhlow, neb a's dres dhe-ves a-wel dhedha.

Ezekiel 36:22

Rakhenna lavar dhe ji Ysrael, Yndellma y lever an Arloedh Duw: Nyns yw ragowgh hwi y hwrav vy hemma, chi Ysrael, mes rag ow hanow sans a wrussowgh y dhisakra yn mysk an kenedhlow may teuthewgh di.

Ezekiel 36:32

Nyns yw a-barth dhywgh hwi y hwrav vy hemma, yn-medh an Arloedh Duw; bedhes hemma godhvedhys dhywgh. Kemmerewgh meth ha bos konfondys drefenn agas fara, a ji Ysrael.

Levitikus 18:24

Na wrewgh omdhefola mann der oll an taklow ma, rag der oll an taklow ma yw defolys an kenedhlow a dowlav yn-mes dheragowgh,

Levitikus 18:25

ha defolys yw an tir. Ytho my a'n kessydhyas rag y gammweyth, ha'n tir y honan a hwyj yn-mes y drigoryon.

Mika 7:20

Ty a dhiskwa lenduri dhe Yakob ha tregeredh dhe Abraham, dell desys dh'agan tasow a-dhia'n dydhyow koth.

Oberow 3:25

Hwi yw mebyon an brofoesi ha'n kevambos a wrug Duw gans agan tasow, ow leverel dhe Abraham, “Y'th has pub teylu a'n norvys a vydh benniges.”

Romanyon 11:28

Ow tochya an aweyl, eskerens yns dhe Dhuw, a'th wovis; mes ow tochya dewisyans, kerys yns a-barth an tasow.

Romanyon 15:8

Rag y lavarav dhywgh y teuth Krist ha bos menyster dhe'n re drodreghys rag gwirder Duw, rag surhe an ambosow a veu res dhe'n tasow,

Dewteronomi 1:8

Mir, my re settyas an tir a-ragowgh. Dewgh hag erita an tir a dos an Arloedh dh'agas tasow, dhe Abraham, dhe Ysak, ha dhe Yakob, dh'y ri dhedha ha dh'aga has war aga lergh.’

Dewteronomi 12:31

Na wra yndella dhe'n Arloedh dha Dhuw, rag i re wrug dh'aga duwow oll an taklow vil a wra an Arloedh aga hasa. I a lesk ynwedh aga mebyon ha'ga myrghes gans tan dh'aga duwow.

Dewteronomi 18:12

Rag pubonan a wra an taklow ma yw kasadow dhe'n Arloedh, ha drefenn an taklow kasadow ma, yma an Arloedh dha Dhuw orth aga fesya a-ragos.

Dewteronomi 18:9

Pan dheudh jy dhe'n tir a wra an Arloedh dha Dhuw y ri dhis, ny dhyskydh gul war-lergh taklow kasadow an kenedhlow na.

Dewteronomi 20:18

rag na'gas dyskons dhe wul war-lergh oll an taklow kasadow a wrons rag aga duwow, ha hwi a begh erbynn an Arloedh agas Duw.

Titus 3:5

ny'gan selwis ev dre wriansow a wrussyn ni yn ewnder, mes war-lergh y dregeredh ev dre wolghi daskenesigeth ha nowydhheans an Spyrys Sans