Dewteronomi 9:12 - An Bibel Kernewek 20234 (Kernewek Kemmyn)

¹² Ena an Arloedh a leveris dhymm, ‘Sav, diyskynn uskis a'n tyller ma; rag dha bobel hag a dhresys yn-mes a Ejyp, re omdhefolas; i re dreylyas toeth da dhiworth an fordh a worhemmynnis dhedha; i re wrug ragdha aga honan imaj teudh.’

Dewteronomi 9:12 Iomraidhean Croise

Salmow 78:57

Mes i a gildennas hag omdhegi yn fals avel aga thasow; i a dreylyas a-denewen avel gwarak lows.

Eksodus 13:3

Ha Moyses a leveris dhe'n bobel, ‘Perthewgh kov a'n jydh ma, pan dheuthewgh yn-mes a Ejyp, yn-mes a'n chi a gethneth, rag an Arloedh a'gas dros a'n tyller ma gans leuv grev; bara goell ny vydh dybrys.

Eksodus 32:1

Pan welas an bobel Moyses dhe hokya a dhiyskynna a'n menydh, an bobel a omguntellas war-barth gans Aron ha leverel dhodho, ‘Yn-bann, gwra dhyn ni duwow a wra mones a-ragon; rag an Moyses ma, an gour a'gan dros yn-mes a bow Ejyp, ny wodhon an pyth eus hwarvedhys dhodho.’

Hosea 6:4

Pandr'a wrav dhis Efraym? Pandr'a wrav dhis Yuda? Agas lelder yw avel kommol myttin, hag avel gluth a dremen a-varr.

Galatianys 1:6

Marth a'm beus drefenn hwi dhe gildenna mar uskis a-dhiworto ev neb a'gas gelwis yn gras Krist war-tu ha ken aweyl,

Dewteronomi 31:29

Rag my a woer, wosa ow mernans, hwi dhe omlegri yn sur, ha treylya dhiworth an fordh a worhemmynnis dhywgh; drog a wra agas metya y'n dydhyow diwettha, drefenn hwi dhe wul drog a-wel dhe'n Arloedh, dh'y serri der ober agas diwla.’

Dewteronomi 32:5

I re'n dyghtyas yn fals, nyns yns i y vebyon drefenn aga namm; yth yns i henedh gorth ha kamm.

Dewteronomi 4:16

ma na wryllowgh omlegri, ow kul dhywgh agas honan imaj gravys, an furv a figur vytholl, hevelep gorreydh na benynreydh,

Dewteronomi 5:15

Porth kov ty dhe vos keth yn pow Ejyp, ha'n Arloedh dha Dhuw a'th tros yn-mes alena dre leuv grev ha bregh ystynnys; rakhenna an Arloedh dha Dhuw a worhemmynnis dhis gwitha an sabot.

Dewteronomi 9:16

My a viras, hag otta, hwi re wrussa pegha erbynn an Arloedh agas Duw, ha gul ragowgh leugh teudh; y hwrussewgh treylya toeth da dhiworth an fordh a wrug an Arloedh gorhemmynna dhywgh.

Dewteronomi 9:26

Ena my a bysis war an Arloedh ha leverel, ‘Arloedh Duw, na gowldhistru dha bobel ha'th eretons a dhasprensys y'th veuredh, neb a dhresys yn-mes a Ejyp dre leuv grev.

Dewteronomi 9:29

Mes i yw dha bobel ha'th eretons a dhresys yn-mes gans dha nerth bras ha'th vregh ystynnys.’

Lyther Yud 1:10

mes an re ma a wra anvri dhe bypynag na gonvedhons; ha'n taklow a gonvedhons dre gnas kepar dell wra bestes heb reson, distruys vydhons i gansa.

Breusysi 2:17

Mes hwath ny woslowens orth aga breusysi, mes yth esens ow horya war-lergh duwow erell ha plegya dhedha; i a dreylya yn skon a-dhiworth an fordh may kerdhi aga thasow, neb re beu gostydh dhe worhemmynnow an Arloedh, ha ny wrens yndella.