Dewteronomi 9:10 - An Bibel Kernewek 20234 (Kernewek Kemmyn)

¹⁰ An Arloedh a ros dhymm an dhiw leghenn a ven skrifys dre vys Duw, ha warnedha oll an geryow a gewsis an Arloedh genowgh y'n menydh yn-mes a gres an tan yn dydh an kuntellyans.

Dewteronomi 9:10 Iomraidhean Croise

Eksodus 31:18

Ha wosa gorfenna kewsel ganso war venydh Sinay, ev a ros dhe Moyses diw leghenn an dustuni, leghennow a ven, skrifys gans bys Duw.

Matthew 12:28

Mes mars yw dre Spyrys Duw y towlav vy dywolow yn-mes, ena gwlaskor Duw yw devedhys warnowgh.

Luk 11:20

Mes mars yw dre vys Duw y towlav dywolow mes, ytho gwlaskor Duw yw devedhys warnowgh.

2 Korinthianys 3:3

ha diskwedhys owgh hwi dhe vos lyther Krist, der agan menystrans; nyns owgh hwi skrifys der ynk, mes gans Spyrys an Duw bew, a-der yn leghyon a ven mes yn leghyon hag yw kolonnow a gig.

Dewteronomi 10:4

Hag ev a skrifas war an leghennow avel an kynsa skrif, an deg ger a gewsis an Arloedh dhywgh war an menydh yn-mes a gres an tan yn dydh an kuntellyans; ha'n Arloedh a's ros dhymm.

Dewteronomi 18:16

Hemm yw herwydh pup-tra a wovynnsys dhiworth an Arloedh dha Dhuw orth Horeb yn dydh an kuntellyans, ow leverel, ‘Na as vy dhe glewes lev an Arloedh ow Duw byth moy, na weles an tan bras ma arta, ma na verwiv.’

Ebrowyon 8:10

Hemm yw an kevambos hag a wrav gans chi Ysrael wosa an dydhyow na, yn-medh an Arloedh; my a worr ow laghow yn aga brys, ha'ga skrifa war aga holonn, ha my a vydh aga Duw, hag i a vydh ow fobel.