Dewteronomi 8:8 - An Bibel Kernewek 20234 (Kernewek Kemmyn)

⁸ tir a waneth ha heydh, ha gwinbrenn ha figbrenn ha greunaval, tir a olewbrennyer, olew ha mel;

Dewteronomi 8:8 Iomraidhean Croise

Jenesis 49:11

Ow kelmi y asenik dhe'n gwinbrenn hag ebel y gasek-asen dhe'n gwinbrenn flour, ev a wolgh y dhillas y'n gwin, ha'y bows yn goes grappys.

2 Samuel 4:6

Hag otta, porthores an chi re bia ow klanhe gwaneth, mes hi eth ha bos hunyek ha koska; ytho Rekab ha Baana y vroder a slynkyas a-ji.

1 Myghternedh 5:11

Ha Solomon a ros ugens mil gor a waneth avel boes rag y goskordh, hag ugens kor a oyl pur. Solomon a ros hemma dhe Hiram blydhen ha blydhen.

2 Myghternedh 18:32

bys pan dhov ha'gas kemmeres dhe-ves dhe bow kepar ha'gas pow agas honan, pow a reun ha gwin, pow a vara ha gwinlannow, pow a olew ha mel, may hyllowgh bewa yn le merwel. Na woslowewgh orth Hezekia pan y'gas kammled ow leverel, An Arloedh a wra agan delivra.

Salmow 147:14

Ev a wra kres y'th oryon; ev a'th lenow a waneth a'n gwella.

Salmow 81:16

Ha my a'th vagsa gans gwaneth a'n gwella, ha gans mel dhiworth an garrek my a'th lanwsa.’

Ysay 7:23

Y'n jydh na pub tyller mayth esa mil winbrenn ynno, hag a dylis mil shekel arghans, a vydh spedhas ha spern.

Yeremia 2:7

Ha my a'gas dros yn tir feyth, dhe dhybri an frut anodho ha'n dader anodho; mes pan entersowgh, hwi a dhefolas ow thir, ha gul ow eretons tra gasadow.

Yeremia 5:17

I a wra dybri dha drevas, ha'th vara, a dalvia bos dybrys gans dha vebyon ha'th vyrghes: i a wra dybri dha flokkys ha'th greow; i a wra dybri dha winbrennyer ha'th figys; i a wra terri dhe demmyn dha sitys kerys, ynna may fydhsys, der an kledha.

Ezekiel 27:17

Yuda ha pow Ysrael o dha marchons; gwaneth a Minnith, tesenn, mel, oyl, ha balsam y rons yn keschanj rag dha wara.

Hosea 2:22

Ha'n tir a worthyp dhe'n ys ha dhe'n gwin ha dhe'n oyl; hag i a worthyp dhe Yezreel.

Hosea 2:8

Ny wodhva hi, y feu my neb a ros dhedhi an ys, ha'n gwin, ha'n oyl, ha kressya hy arghans, ha'y owr a bareussons rag Baal.

Mika 4:4

Pub den a esedh yn-dann y winbrenn hag yn-dann y figbrenn y honan, ha denvyth ny wra dhodho perthi own; rag ganow Arloedh an luyow re gewsis.

Habakkuk 3:17

Kyn na vleujyow an figbrenn ha nyns eus frut war an gwinbrennyer; kyn fyll ober an olewbrenn, ha ny dhaskorr an gwelyow boes; kyn na vo an para kevys namoy y'n gorlann, ha nyns eus gwarthek y'n stallow,

Niverow 13:23

Hag i a dheuth dhe nans Eshkol, ha treghi alena skorrenn gans unn bagas a rappys, hag i a's dug war welenn yntra dew anedha; i a dhros ynwedh greunavalow ha figys.

Yowann 6:13

Ytho i a's kuntellas, ha lenwel dewdhek kanstellas a vrewyon a'n pymp torth heydh, ha re bia moy es lowr dhe'n re a dhybris.

Yowann 6:9

‘Yma maw omma, ha dhodho pymp torth-vara heydh ha dew bysk vyghan; mes pyth yw henna rag kemmys tus?’

Dewteronomi 32:13

Ev a wrug dhodho marghogeth war dylleryow ughel an tir, hag ev a dhybris askorr an gwel; ev a wrug dhodho sugna mel yn-mes a'n garrek, hag oyl a ven flynt;

Dewteronomi 32:14

leth kowlys a vughes ha leth a dheves, gans blonek eyn, ha hordhes megys yn Bashan, ha gever, gans an gwella gwaneth, hag a woes grappys ty a evas gwin ewynek.

Dewteronomi 6:3

Klew, Ysrael, ha gwayt aga gul, rag may fo yn ta dhis, ha rag may kressyowgh yn feur, kepar dell gewsis dhis an Arloedh Duw dha dasow, yn tir a dhinwa leth ha mel.

Dewteronomi 8:7

Rag yma an Arloedh dha Dhuw orth dha dhri dhe dir da, tir goverow dowr, fentynyow, ha downderyow ow liva yn-mes y'n nans ha'n brenn;

Dewteronomi 8:9

tir ma na dhybrydh ynno bara yn esow, ma na vydh dhis ynno fowt a dravyth; tir mayth yw y garregi horn, ha dhiworth y vrennow y fengleudhydh kober.