Dewteronomi 8:3 - An Bibel Kernewek 20234 (Kernewek Kemmyn)

³ Ev a'th uvelhas, ha'th wul dhe vos nownek, ha'th voesa gans manna na aswonnsys ha ny'n aswonnsons dha dasow; rag ma'th wrella dhe aswonn nag yw dre vara unnsel y few den, mes ev a vew dre bup-tra oll a dheu yn-mes a anow an Arloedh.

Dewteronomi 8:3 Iomraidhean Croise

Salmow 105:40

I a wovynnas, hag ev a dhros rynki, hag a's lenwis a vara nev.

Salmow 37:3

Trest y'n Arloedh ha gwra da; trig y'n tir, ha bedhes diogeledh yn dha beurva.

Matthew 4:4

Mes ev a worthybis ow leverel, ‘Skrifys yw, “Mab-den ny wra bewa unnsel orth bara, saw orth pub ger a dheu yn-mes a anow Duw.” ’

Luk 4:4

Ha Yesu a worthybis dhodho, ‘Skrifys yw, “Mab-den ny wra bewa unnsel orth bara.” ’

1 Korinthianys 10:3

hag oll a dhybris an keth boes spyrysel,

Dewteronomi 29:5

Dres dew-ugens blydhen my re'gas hembronkas y'n gwylvos; ny gothhas agas dillas warnowgh, ha ny gothhas dha sandal war dha droes.

Dewteronomi 29:6

Ny wrussowgh dybri bara nag eva gwin na korev, rag may hwodhvowgh ow bos vy an Arloedh agas Duw.

Dewteronomi 32:47

Rag nyns yw hemma tra drufel ragowgh, mes agas bewnans yw; ha der an dra ma hwi a hirha agas dydhyow war an tir mayth esowgh ow treusi an Yordan di dh'y erita.’

Dewteronomi 9:9

Pan yskynnis dhe'n menydh dhe dhegemmeres an leghennow a ven, leghennow an kevambos a wrug an Arloedh genowgh, my a wortas y'n menydh dewgens dydh ha dewgens nos; ny dhybris bara nag eva dowr.