Dewteronomi 8:18 - An Bibel Kernewek 20234 (Kernewek Kemmyn)

¹⁸ Mes porth kov a'n Arloedh dha Dhuw, rag yth yw ev neb a re dhis nerth dhe wul golusogneth, rag may fastyo y gevambos a dos dhe'th tasow, kepar hag y'n jydh hedhyw.

Dewteronomi 8:18 Iomraidhean Croise

Jenesis 32:14

dewkans gaver, ugens bogh, dew kans davas hag ugens hordh,

1 Kroniklys 29:12

Rychys ha glori a dheu dhiworthis, ha ty a rewl pup-tra, hag y'th leuv yma krevder ha nerth. Y'th leuv yma an galloes dhe veurhe ha dhe grevhe pup-tra.

2 Kroniklys 25:9

Amasia a leveris dhe wour Duw, ‘Mes pandr'a wrav a-dro dhe'n kans talent re res vy dhe lu Ysrael?’ Gour Duw a worthybis, ‘An Arloedh a yll ri dhis moy ages hemma.’

Salmow 144:1

Benniges re bo an Arloedh ow harrek, neb a dhysk dhe'm diwleuv gwerrya, ha dhe'm bysies omladh;

Salmow 44:3

Rag ny berghennsons an tir der aga kledha aga honan, ha nyns o aga bregh aga honan a ros budhogoleth dhedha; mes dha leuv dhyghow jy ha'th vregh, ha golow dha fas, rag ty a's kara.

Lavarow Koth 10:22

Bennath an Arloedh a wra den rych, ha ny geworr tristans gans henna.

Ekklesiastes 12:1

Porth kov a'th Kreador yn dydhyow dha yowynkneth, kyns dos an drog dhydhyow, ha'n blydhynyow may leverydh, ‘Ny'm beus plesour ynna’;

Ekklesiastes 9:11

My a dreylyas dhe weles yn-dann an howl nag yw pup-prys an resegva gwaynys gans an re yw skav, ha nag yw pup-prys an gas gwaynys gans an re yw galloesek, ha nag eus bara dhe'n re yw fur, ha nag eus rychys dhe'n re yw skentel, ha nag eus gras dhe'n re yw sleygh, drefenn bos ha termyn ha chons ow hwarvos dhedha i oll.

Yeremia 23:27

I a vynn gul dhe'm pobel ankevi ow hanow der aga hunrosow, a leverons an eyl dh'y gila, dell ankovas aga thasow ow hanow drefenn Baal.

Hosea 2:8

Ny wodhva hi, y feu my neb a ros dhedhi an ys, ha'n gwin, ha'n oyl, ha kressya hy arghans, ha'y owr a bareussons rag Baal.

Dewteronomi 26:10

ha lemmyn otta, my re dhros kynsa frut an tir a wrussys y ri dhymm, A Arloedh.’ Ena ty a wra y settya a-rag an Arloedh dha Dhuw ha plegya dhe'n dor a-rag an Arloedh dha Dhuw.

Dewteronomi 6:11

ha chiow leun a bup-tra da, na wrussys hwi aga lenwel, ha puthow palyes, na wrussys hwi aga falas, ha gwinlannow hag olewbrennyer, na wrussys hwi aga flansa: ena pan dhybrydh ha bos gwalghys,

Dewteronomi 7:12

Drefenn hwi dhe glewes an breusow ma ha bos diwysyk dh'aga gul, an Arloedh dha Dhuw a with ragos an kevambos ha'n tregeredh a dos dhe'th tasow.

Dewteronomi 7:8

mes drefenn kerensa an Arloedh ragowgh hwi ha drefenn ev dhe witha an ti a dos dh'agas tasow, an Arloedh a'gas dros dhe-ves dre leuv grev hag y'th tasprenas dhiworth an chi a gethneth dhiworth leuv Faro myghtern Ejyp.

Dewteronomi 8:1

Gwaytyewgh gul oll an gorhemmynn a wrav vy y worhemmynna dhis hedhyw, rag may fewowgh hag ynkressya ha dos hag erita an tir a dos an Arloedh dh'agas tasow.

Breusysi 3:7

Mebyon Ysrael a wrug arta an pyth o drog yn golok an Arloedh, owth ankevi an Arloedh aga Duw, hag ow kordhya an Baalim ha'n Asheroth.

Breusysi 7:2

An Arloedh a leveris dhe Gideon, ‘An re usi genes yw moy es dell eus edhomm dhymm dhe ri an Midyanysi yn aga leuv. Ny wra Ysrael marnas kemmeres an bri dhiworthiv, ow leverel, “Ow leuv evy re'm delivras.”

1 Samuel 2:7

An Arloedh a wra boghosek ha gul rych; ev a iselha, hag ev a ughelha.