Dewteronomi 7:9 - An Bibel Kernewek 20234 (Kernewek Kemmyn)

⁹ Rakhenna godhvydh an Arloedh dha Dhuw dhe vos Duw, an Duw len, ow kwitha y gevambos ha'y dregeredh dhe'n re usi orth y gara hag ow kwitha y worhemmynnow, dhe vil henedh;

Dewteronomi 7:9 Iomraidhean Croise

Jenesis 17:7

Ha my a fast ow hevambos yntra my ha ty, ha'th has war dha lergh yn aga henedhow avel kevambos bys vykken, dhe vos Duw dhiso, ha'th has war dha lergh.

Jenesis 28:15

Hag awotta, yth esov vy genes, ha my a'th with plepynag mayth ylli. My a'th tre arta dhe'n dor ma, rag ny wrav dha asa erna wrylliv an pyth re gewsis dhis anodho.’

Jenesis 9:15

ha my a berth kov a'm kevambos usi yntra my ha hwi ha pub kreatur bew a gig oll, ha nevra namoy ny wra an dowrow dos ha bos liv dhe dhiswul pub kig oll.

1 Myghternedh 8:23

Ev a leveris. ‘A Arloedh, Duw Ysrael, nyns eus Duw avellos yn nev a-vann na war an nor a-woeles, ow kwitha an kevambos ha tregeredh rag dha wesyon a gerdh a-ragos gans oll aga holonn.

1 Kroniklys 16:15

Perthewgh kov a'y gevambos bynitha, an ger a worhemmynnis dhe vil henedh,

2 Kroniklys 6:14

Ev a leveris, ‘A Dhuw Ysrael, nyns eus Duw avelos, naneyl yn nev nag yn nor, ow kwitha kevambos ha tregeredh gans dha wesyon hag a gerdh a-ragos gans oll aga holonn.

Nehemia 1:5

Yn-medhav, ‘My a'th pys, A Arloedh Duw nev, an Duw bras hag euthyk neb a with kevambos ha tregeredh rag an re a'n kar ha gwitha y worhemmynnow;

Nehemia 9:32

‘Lemmyn ytho, agan Duw, an Duw bras ha galloesek hag euthyk, neb a with kevambos ha tregeredh, na dhyght avel distyr oll an anken ma re dheuth warnan, war agan myghternedh, agan pennsevigyon, agan oferysi, agan profoesi, ha'gan tasow ha war oll dha bobel, a-dhia dermyn myghternedh Assyria bys y'n jydh hedhyw.

Salmow 103:18

dhe seul a syns y gevambos hag a berth kov a'y arghadowyow, orth aga hollenwel.

Salmow 105:8

Ev a borthas kov a'y gevambos bynitha, an ger a worhemmynnis dhe vil henedh;

Salmow 119:75

My a woer, A Arloedh, dha vreusow dhe vos gwiryon, hag yn lenduri ty dhe'm trobla.

Salmow 146:6

neb a formyas nev ha nor, an mor ha pup-tra eus ynno; neb a with gwiryonedh bynitha;

Salmow 36:6

Dha ewnder yw kepar ha menydhyow Duw, dha vreusow yw kepar ha'n downder meur. Ty, A Arloedh, a selow den hag enyval.

Eksodus 20:6

mes ow tiskwedhes tregeredh war vilyow anedha a'm kar hag a with ow gorhemmynnow.

Ysay 49:7

Yndellma y lever an Arloedh, Dasprenyas Ysrael, ha'y Sans, dhodho ev neb yw dispresys fest yn town, kasadow dhe'n kenedhlow, keth rewloryon: ‘Myghternedh a wel hag a sev, ha pennsevigyon a ombleg dhe'n dor, drefenn an Arloedh neb yw lel, an Sans a Ysrael, neb re'th tewisas.’

Yeremia 32:18

Ty a dhiskwedh tregeredh dhe vilyow, hag attyli anewnder an tasow yn askra aga fleghes war aga lergh, an Duw meur ha galloesek, Arloedh an luyow yw y hanow,

Kynvannow 3:23

Nowydhhes vydhons pub myttin, bras yw dha lelder.

Daniel 9:4

Pysi war an Arloedh ow Duw ha konfessya a wrug, ow leverel, ‘Ogh Arloedh, an Duw meur hag euthyk, neb a with an kevambos ha tregeredh rag an re a'n kar ha gwitha y worhemmynnow,

Niverow 14:18

“An Arloedh yw lent ow serri, lenwys a dregeredh, ow kava kammweyth ha peghadow, mes ny vynn war neb kor klerhe an re gablus, ow kessydhya kammhynseth tasow war fleghes, war an tressa ha'n peswora henedh.”

Romanyon 8:28

Ni a woer pup-tra dhe oberi war-barth rag dader rag an re a gar Duw, an re yw gelwys herwydh y borpos.

1 Korinthianys 1:9

Lel yw Duw; ganso ev hwi a veu gelwys a-bervedh yn kowethyans y Vab ev, Yesu Krist agan Arloedh.

1 Korinthianys 10:3

hag oll a dhybris an keth boes spyrysel,

1 Korinthianys 8:3

mes nebonan mar kar Duw, aswonnys ganso yth ywa.

2 Korinthianys 1:18

Mes, dell yw Duw lel, nyns yw agan ger dhywgh ‘Ya ha Na.’

Dewteronomi 32:39

Gwelewgh lemmyn, my, my yw ev, ha nyns eus duw marnas vy. My a ladh, ha my a vewha; my a vrew ha my a yaghha, ha nyns eus nagonan a yll delivra dhiworth ow leuv.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Dewteronomi 4:35

Y feu diskwedhys dhis, rag may aswonnes an Arloedh dhe vos Duw; nyns eus arall saw unnsel ev.

Dewteronomi 4:39

Ytho godhvydh hedhyw, ha dro arta y'th kolonn, an Arloedh dhe vos Duw yn nev war-vann hag y'n nor a-woeles: nyns eus nahen.

Dewteronomi 5:10

mes ow tiskwedhes tregeredh dhe vilyow anedha a'm kar hag a with ow gorhemmynnow.

1 Thessalonianys 5:24

Lel yw neb a'gas gelow, hag ynwedh ev a wra y gollenwel.

2 Thessalonianys 3:3

Mes lel yw an Arloedh a wra agas nertha ha'gas gwitha rag an tebel el.

2 Timothi 2:13

Mar ny grysyn, ev a worta lel, rag ny yll ev omskonya y honan.

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

Ebrowyon 10:23

Synsyn fast dhe brofessyans agan govenek fyrv, rag lel yw ev neb a ambosas;

Ebrowyon 11:11

Dre fydh Sara hy honan a dhegemmeras galloes dhe omdhoen hwath pan o hi dres an oes, a-ban brederi hi, ev dhe vos lel neb a ambossa.

Ebrowyon 6:18

may fen kennerthys yn krev, pan fiyn rag skovva, dhe dhalghenna an govenek gorrys a-ragon, dre reson dew dra na yll Duw gowleverel ynna.

Jamys 1:12

Gwynnvys an gour a bes yn-dann brevyans rag, wosa bos prevys, ev a dhegemmer an gurun a vewnans a ambosas Duw dhe'n re a'n kar.

1 Yowann 1:9

Mar aswonnyn agan peghosow, lel yw ev hag ewnhynsek, hag ev a av dhyn agan peghosow, ha'gan glanha a bub kammhynseth.

Breusysi 2:1

Lemmyn el an Arloedh eth yn-bann dhiworth Gilgal dhe Bokim, ha leverel, ‘My a'gas dros yn-mes a Ejyp, ha'gas dri a-berth y'n tir a des vy y ri dh'agas tasow. My a leveris, “Byth ny dorrav ow hevambos genowgh,

Breusysi 5:31

‘Yndella re varwo oll dha eskerens, A Arloedh! Mes re bo oll dha gowetha avel an howl dell sev yn-bann yn y nerth.’ Ha'n tir a'n jevo kres dew-ugens blydhen.