Dewteronomi 7:8 - An Bibel Kernewek 20234 (Kernewek Kemmyn)

⁸ mes drefenn kerensa an Arloedh ragowgh hwi ha drefenn ev dhe witha an ti a dos dh'agas tasow, an Arloedh a'gas dros dhe-ves dre leuv grev hag y'th tasprenas dhiworth an chi a gethneth dhiworth leuv Faro myghtern Ejyp.

Dewteronomi 7:8 Iomraidhean Croise

Jenesis 19:16

Mes ev a dhelatyas, ytho an wer a settyas dalghenn yn y leuv ha leuv y wreg ha leuv y dhiw vyrgh, a-ban gemmeras an Arloedh truedh anodho; hag i a'n dros yn-mes, ha'y worra mes a'n sita

Jenesis 19:29

Ha pan dhistruis Duw sitys an plen, Duw a borthas kov a Abraham ha dannvon Lot yn-mes a gres an domhwelyans pan dhomhwelas an sitys mayth esa Lot trigys a-bervedh ynna.

2 Samuel 22:20

Ev a'm dros yn-mes dhe dyller ledan; ev a'm delivras, drefenn bos dhodho delit ynnov.

1 Myghternedh 10:9

Benniges re bo an Arloedh dha Dhuw a lowenhas ynnos ha'th worra war dron Ysrael! Drefenn an Arloedh dhe'th kara bys vykken, ev a'th wrug myghtern dhe wul gwirvreus hag ewnhynseth.’

1 Kroniklys 16:16

an kevambos a wrug gans Abraham, ha'n ti a dos dhe Ysak;

2 Kroniklys 9:8

Benniges re bo an Arloedh dha Dhuw a'n jevo plesour ynnos hag a'th worras war y dron avel myghtern an Arloedh dha Dhuw. Drefenn an kerensa a'n jeves dha Dhuw rag Ysrael, orth y fastya bys vykken, ev re'th worras warnedha avel myghtern, dhe wul gwirvreus ha gwiryonedh.’

Salmow 105:42

Rag ev a borthas kov a'y ambos sans, hag a Abraham y was.

Salmow 44:3

Rag ny berghennsons an tir der aga kledha aga honan, ha nyns o aga bregh aga honan a ros budhogoleth dhedha; mes dha leuv dhyghow jy ha'th vregh, ha golow dha fas, rag ty a's kara.

Salmow 44:4

Ty yw ow Myghtern, A Dhuw; gorhemmynn budhogoleth dhe Yakob.

Eksodus 13:14

Hag y'n termyn a dheu pan wovynn orthis dha vab, “Pyth yw styr hemma?” ty a lever dhodho, “Dre nerth an leuv an Arloedh a'gan dros yn-mes a Ejyp, yn-mes a ji an gethneth.

Eksodus 13:3

Ha Moyses a leveris dhe'n bobel, ‘Perthewgh kov a'n jydh ma, pan dheuthewgh yn-mes a Ejyp, yn-mes a'n chi a gethneth, rag an Arloedh a'gas dros a'n tyller ma gans leuv grev; bara goell ny vydh dybrys.

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Eksodus 32:13

Porth kov a Abraham, Ysak, hag Ysrael, dha servysi, dhe neb y hwrussys ti re'th honan ha leverel dhedha, “My a wra liesplekhe agas diyskynnysi avel ster nev, hag oll an tir ma re ambosis y rov dh'agas diyskynnysi, hag i a'n erit bys vykken” ’

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Ysay 43:4

Rag ty yw drudh y'm golok hag enorys, ha my a'th kar; y rov tus yn keschanj ragos, kenedhlow yn keschanj rag dha vewnans.

Ysay 63:9

yn oll aga anken. Nyns o kannas nag el mes y lok ev a's sawyas. Yn y gerensa hag yn y druedh ev a's dasprenas; ev a's drehevis ha'ga doen oll an dydhyow koth.

Yeremia 31:3

an Arloedh a omdhiskwedhas dhodho a-bell: My re'th karas gans kerensa heb diwedh; ytho gans tregeredh my re'th tennas.

Ezekiel 36:22

Rakhenna lavar dhe ji Ysrael, Yndellma y lever an Arloedh Duw: Nyns yw ragowgh hwi y hwrav vy hemma, chi Ysrael, mes rag ow hanow sans a wrussowgh y dhisakra yn mysk an kenedhlow may teuthewgh di.

Mika 6:4

Pan y'th tres yn-mes a bow Ejyp, ha'th tasprena a ji an gethneth, ha dannvon a-dheragos Moyses, Aron ha Miryam.

Mika 7:20

Ty a dhiskwa lenduri dhe Yakob ha tregeredh dhe Abraham, dell desys dh'agan tasow a-dhia'n dydhyow koth.

Sefania 3:17

An Arloedh, dha Dhuw a-berth ynnos, galloesek yw, ev a saw; fest heudhik yw warnas gans lowena; ev a vydh tawesek yn y gerensa, ev a lowenha warnas gans kana,

Malaki 1:2

My re'gas karas, yn-medh an Arloedh. Mes hwi a lever, ‘Fatell y'gan kersys?’ A ny veu Esaw broder Yakob? yn-medh an Arloedh, Hwath my re garas Yakob,

Matthew 11:26

ya, A Das, rag yndella re beu dha vodh.

Luk 1:55

par dell ambosas dh'agan tasow, Abraham ha'y has bys vykken.’

Romanyon 11:28

Ow tochya an aweyl, eskerens yns dhe Dhuw, a'th wovis; mes ow tochya dewisyans, kerys yns a-barth an tasow.

Dewteronomi 1:8

Mir, my re settyas an tir a-ragowgh. Dewgh hag erita an tir a dos an Arloedh dh'agas tasow, dhe Abraham, dhe Ysak, ha dhe Yakob, dh'y ri dhedha ha dh'aga has war aga lergh.’

Dewteronomi 10:15

Saw unnsel war dha dasow an Arloedh a settyas y gerensa, dh'aga hara, hag ev a dhewisas aga has war aga lergh, hwi a-ugh oll an poblow, kepar hag y'n jydh hedhyw.

Dewteronomi 23:6

Na hwila aga kres na'ga sewena oll dha dhydhyow bys vykken.

Dewteronomi 33:3

Sur ev a gar an poblow; yma oll y syns y'th leuv; hag i a esedh orth dha dreys, ow tegemmeres dha eryow.

Dewteronomi 4:20

An Arloedh a'gas kemmeras ha'gas dros yn-mes a'n fornes-horn, yn-mes a Ejyp, dhe vos dhodho pobel y eretons, kepar hag y'n jydh hedhyw.

Dewteronomi 4:34

Po a assayas neb duw dhe dhos ha kemmeres dhodho kenedhel dhiworth kenedhel arall dre brovow, der toknys, ha der anethow, ha dre vresel, dre leuv grev ha bregh ystynnys, der euth bras kepar ha pup-tra a wrug dhywgh an Arloedh agas Duw yn Ejyp a-wel dhis?

Dewteronomi 4:37

Drefenn ev dhe gara dha dasow, ev a dhewisas aga has war aga lergh, hag ev y honan a'th tros mes a Ejyp ha der y alloes bras,

Dewteronomi 5:6

My yw an Arloedh dha Dhuw neb a'th tros yn-mes a bow Ejyp, yn-mes a'n chi a gethneth.

1 Yowann 4:19

Ni a gar drefenn ev dh'agan kara kynsa.

1 Samuel 12:22

Rag ny wra an Arloedh forsakya y bobel, a-barth y hanow meur, drefenn bos plegadow dhe'n Arloedh agas gwruthyl y bobel.