Dewteronomi 7:25 - An Bibel Kernewek 20234 (Kernewek Kemmyn)

²⁵ Imajys gravys aga duwow a leskowgh dre dan. Na dhesir an arghans na'n owr usi warnedha na'y gemmeres ragos, rag own ty dhe vos maglennys ynno, rag ev dhe vos kasadow dhe'n Arloedh dha Dhuw.

Dewteronomi 7:25 Iomraidhean Croise

2 Myghternedh 23:14

Ev a vrewis an peulveyn, ha treghi dhe'n dowr an Asherim, ha lenwel aga thylleryow a eskern denel.

1 Kroniklys 14:12

I a asas aga duwow ena, ha Davydh a ros arghadow hag i a veu leskys yn tan.

Eksodus 20:17

Na wra hwansa chi dha gentrevek na hwansa gwreg dha gentrevek, na'y was, na'y vaghteth, na'y ojyon, na'y asen, na travyth eus dhe'th kentrevek.

Eksodus 32:20

Hag ev a gemmeras an leugh re wrussons, ha'y leski gans tan, ha'y velyas dhe bolter, ha'y skoellya war an dowr hag a wrug dhe vebyon Ysrael y eva.

Eksodus 8:26

Mes Moyses a leveris, ‘Ny via gwiw gul yndella; rag ni a wra sakrifia dhe'n Arloedh agan Duw offrynnow yw kasadow dhe'n Ejyptianys. Mar sakrifiyn offrynnow kesys gans an Ejyptianys a-rag aga dewlagas, a ny wrons i agan labydha?

Ysay 30:22

Hwi a dhefol dha idolys gorherys gans arghans ha dha imajys gorowrys; ty a's tewl dhe-ves avel kweth avlan ha leverel dhedhi, ‘Ke dhe-ves!’

Ysay 41:24

Otta, hwi yw mann, ha'gas ober yw mann, tra gasadow yw neb a'gas dewis.

Levitikus 13:52

Ytho ev a lesk an dillas, steuv po anwi, gwlan po lien, po neppyth a ledher, le may ma an pla, rag lovryjyon plagus yw. Y fydh leskys y'n tan.

Levitikus 19:4

Na dreylyewgh dhe idolys, na gul imajys teudh. An Arloedh agas Duw ov vy.

Sefania 1:3

My a skub dhe-ves den ha best; my a skub dhe-ves ydhyn an nev ha puskes an mor, ha domhwel an debeles; ha my a dregh mab-den a-dhiwar enep an tir, yn-medh an Arloedh.

Dewteronomi 12:3

Terrewgh aga alteryow dhe'n dor, ha brewi aga feulveyn, ha leski aga Asherim gans tan; treghewgh dhe'n dor imajys gravys aga duwow, ha distrui aga hanow dhiworth an tyller na.

Dewteronomi 13:16

Ty a dhre oll hy freydh war-barth bys yn plen an dre, ha leski an dre hag oll hy freydh gans tan, offrynn kowlleskys dhe'n Arloedh dha Dhuw, hag y fydh krug bynitha; ny vydh drehevys arta.

Dewteronomi 17:1

Ny sakrifiydh dhe'n Arloedh dha Dhuw ojyon po oen a'n jeves namm po neppyth drog, drefenn ev dhe vos pyth kasadow dhe'n Arloedh dha Dhuw.

Dewteronomi 23:18

Na dhro gober hora, na arveth ki, a-bervedh yn chi an Arloedh dha Dhuw rag ambos vyth, rag pyth kasadow dhe'n Arloedh yw aga dew.

Dewteronomi 27:15

‘Mollothek yw an gour neb a wra imaj gravys po imaj teudh, tra gasadow dhe'n Arloedh, ober diwleuv krefter, ha neb a'n sett yn-bann yn-dann gel.’ Ena oll an bobel a worthyp ow leverel, ‘Amen.’

Dewteronomi 7:16

Ha ty a dhevor oll an poblow a wra an Arloedh dha Dhuw aga ri dhis. Ny wra dha lagas kemmeres pita anedha, ha ny wrewgh servya aga duwow, rakhenna dhe vos antell dhis.

Dewteronomi 7:5

Mes yndella y hwrewgh dhedha: hwi a derr dhe'n dor aga alteryow, ha brewi aga feulveyn, ha treghi aga Asherim, ha leski aga imajys gravys gans tan.

Yoshua 7:1

Mes mebyon Ysrael a veu dislen yn mater an taklow sakrys; Akan mab Karmi mab Zabdi mab Zeragh, a loeth Yuda, a gemmeras re a'n taklow sakrys; ha sorr an Arloedh a loskas erbynn an Ysraelysi.

Yoshua 7:21

pan welis y'n preydh mantell deg a Shinar, ha dew kans shekel a arghans, ha barr a owr deg ha dew-ugens shekel y boes, my a's hwansas ha'ga hemmeres. Kudhys yns y'n dor a-ji dhe'm tylda, gans an arghans a-woeles.’

Diskwedhyans 17:5

Ha war hy thal o skrifys hanow, yw mysteri, ‘Babylon vras, mamm oll horys ha taklow kasadow an nor.’