Dewteronomi 7:23 - An Bibel Kernewek 20234 (Kernewek Kemmyn)

²³ Mes an Arloedh dha Dhuw a's delirv dhis, ha'ga tewlel yn deray bras bys pan vons distruys.

Dewteronomi 7:23 Iomraidhean Croise

Eksodus 23:27

My a wra dannvon ow euth a-ragos, ha gorra yn deray oll an dus may tewgh er aga fynn, ha my a wra dhe'th eskerens oll treylya keyn er dha bynn.

Ysay 13:6

Oulyewgh, rag ogas yw dydh an Arloedh; kepar ha terroes dhiworth an Ollgalloesek.

Yeremia 17:18

Bedhens methek an re a'm helgh, mes na'm gas vy dhe vos methek: gas i dhe vos dyegrys, mes na as vy dhe vos dyegrys; dro warnedha dydh an drogedh ha'ga distrui gans distruyans dewblek.

Yoel 1:15

Ellas rag an jydh! rag ogas yw dydh an Arloedh, hag avel terroes dhiworth an Ollgalloesek y teu.

Dewteronomi 2:15

Ynwedh leuv an Arloedh o er aga fynn, dh'aga leun dhistrui dhiworth an kamp, bys pan ellons dhe goll.

Dewteronomi 31:5

An Arloedh a's delirv a-ragowgh, ha hwi a wra dhedha war-lergh oll an gorhemmynn a worhemmynnis vy dhywgh.

Dewteronomi 8:20

Kepar ha'n kenedhlow usi an Arloedh orth aga distrui a-ragowgh, yndella y fydhowgh distruys, drefenn na woslewsowgh dhe lev an Arloedh agas Duw.

Dewteronomi 9:3

Godhvydh ytho hedhyw, yth yw an Arloedh dha Dhuw neb a dreus a-ragos avel tan ow tevorya. Ev a's distru hag ev a's uvelha a-ragos. Ty a gemmer aga eretons ha'ga distrui toeth da kepar dell gewsis dhis an Arloedh.

2 Thessalonianys 1:9

I a wra godhevel kessydhyans diswrians heb worfenn dhiworth fas an Arloedh ha dhiworth splannder y nerth,

Yoshua 10:10

An Arloedh a's gorras yn deray a-rag Ysrael, hag i a's gweskis glan orth Gibeon, ha'ga chasya war fordh-yskynna Beth-horon, ha'ga gweskel bys Azeka ha bys Makkeda.

Breusysi 4:15

Ha'n Arloedh a worras yn deray Sisera hag oll y jarettow hag oll y lu a-rag Barak gans min an kledha; ha Sisera a dhiyskynnas a'y jarett hag a fias yn-kerdh war droes,