Dewteronomi 7:2 - An Bibel Kernewek 20234 (Kernewek Kemmyn)

² ha pan wra an Arloedh dha Dhuw aga delivra dhis, ty a wra aga gweskel, ha'ga sakra dhe dhistruyans. Na wra kevambos gansa, nag dhiskwedhes mersi.

Dewteronomi 7:2 Iomraidhean Croise

Jenesis 14:20

Ha benniges re bo Duw Ughella neb a dhaskorras dha eskerens a-berth yn dha dhorn.’ Hag ev a ros dhodho dega a bup-tra.

2 Samuel 21:2

Ytho an myghtern a elwis an Gibeonysi ha kewsel orta. (Lemmyn nyns esa an Gibeonysi mebyon Ysrael, mes dhiworth remenant an Amorysi; mebyon Ysrael re dosa dhedha dh'aga sparya, mes Sowl a hwilas aga distrui, drefenn y vos diwysyk rag mebyon Ysrael ha Yuda.)

1 Myghternedh 20:34

Ben-hadad a leveris dhodho, ‘My a dhaswra an trevow a gemmeras ow thas a-dhiworth dha das; ha ty a yll fondya marghasow ragos dha honan yn Damaskus, par dell wrug ow thas yn Samaria.’ Myghtern Ysrael a worthybis, ‘My a'th tannvon dhe-ves gans an kevambos ma.’ Ytho ev a wrug kevambos ganso ha'y asa dhe vos.

Ezra 10:3

Lemmyn gwren ni kevambos gans agan Duw dhe dhannvon yn-kerdh oll an gwragedh, ha'n re dineythys anedha, herwydh kusul ow arloedh, ha dhe'n re a berth own a worhemmynn agan Duw. Bedhes gwrys herwydh an lagha.

Salmow 106:34

Ny dhiswrussons an kenedhlow kepar dell worhemmynnis an Arloedh dhedha;

Eksodus 22:20

Piwpynag a offrynno dhe neb duw marnas dhe'n Arloedh, a vydh sakrys dhe dhistruyans.

Niverow 21:2

Hag Ysrael a wrug ambos dhe'n Arloedh, ow leverel, ‘Mar mynnydh yn hwir ri an bobel ma y'm dorn, ena my a wra sakra aga sitys dhe dhistruyans.’

Niverow 31:17

Lemmyn ytho, ledhewgh pub gorreydh yn mysk an re vyghan, ha ledhewgh pub benyn re aswonnis gour dre goska ganso.

Niverow 33:52

ena hwi a wra fesya oll trigoryon an tir a-dheragowgh, ha distrui aga meyn gravys, ha distrui oll aga imajys teudh, ha disevel oll aga thylleryow ughel;

Dewteronomi 13:8

na assent dhodho ha na woslow orto, ha na wres dha lagas kemmeres pita anodho, ha na wra y sparya, na'y geles;

Dewteronomi 13:9

mes ty a'n ladh devri; dha leuv a vydh an kynsa warnodho dh'y worra dhe'n mernans, ha leuv oll an bobel a-wosa.

Dewteronomi 19:13

Na gemmeres dha lagas pita anodho, mes karth kabel an goes gwiryon dhiworth Ysrael, may fo yn ta dhis.

Dewteronomi 2:33

an Arloedh agan Duw a'n ros a-ragon, hag y'n gwesksyn, ha'y vebyon, hag oll y bobel.

Dewteronomi 2:34

Ha ni a gemmeras oll y drevow y'n termyn na, ha sakra pub tre dhe dhistruyans, gwer, benynes, ha fleghes; ny essyn denvyth dhe skapya.

Dewteronomi 23:14

Rag an Arloedh dha Dhuw a gerdh yn mysk dha gamp dhe'th sawya ha dhe dhelivra dha eskerens a-ragos. Dha gamp a vydh sans, ma na wello ynnos travyth anwiw, ha treylya a-dhiworthis.

Dewteronomi 25:12

ty a dregh dhe-ves hy leuv; na gemmeres dha lagas pita anedhi.

Dewteronomi 3:3

Ytho an Arloedh agan Duw a ros yn agan leuv ynwedh Og myghtern Bashan hag oll y bobel. Ni a's gweskis, ma na veu denvyth gesys dhodho dhe skapya.

Dewteronomi 31:5

An Arloedh a's delirv a-ragowgh, ha hwi a wra dhedha war-lergh oll an gorhemmynn a worhemmynnis vy dhywgh.

Dewteronomi 33:27

Duw heb diwedh yw skovva, hag a-woeles yma an breghow heb diwedh. Ev a fes an eskar a-ragos, hag ev a lever, ‘Distru!’

Dewteronomi 7:16

Ha ty a dhevor oll an poblow a wra an Arloedh dha Dhuw aga ri dhis. Ny wra dha lagas kemmeres pita anedha, ha ny wrewgh servya aga duwow, rakhenna dhe vos antell dhis.

Dewteronomi 9:3

Godhvydh ytho hedhyw, yth yw an Arloedh dha Dhuw neb a dreus a-ragos avel tan ow tevorya. Ev a's distru hag ev a's uvelha a-ragos. Ty a gemmer aga eretons ha'ga distrui toeth da kepar dell gewsis dhis an Arloedh.

Yoshua 10:28

Yoshua a gemmeras Makkeda an jydh na, ha gweskel an sita ha'y myghtern gans min an kledha; ev a's sakras dhe dhistruyans, ha peub esa ynni; ny asas denvyth dhe vos gesys. Hag ev a wrug dhe vyghtern Makkeda dell wrussa dhe vyghtern Yeriko.

Yoshua 10:30

Ha'n Arloedh a ros an sita na ynwedh ha'y vyghtern yn leuv Ysrael; Yoshua a's gweskis gans vin an kledha, ha peub esa ynni; ny asas dhe vos gesys remenant ynni; hag ev a wrug dh'y myghtern dell wrussa dhe vyghtern Yeriko.

Yoshua 10:32

An Arloedh a ros Lakish yn leuv Ysrael, hag Yoshua a's kemmeras an nessa dydh, ha'y gweskel gans vin an kledha, ha peub esa ynni, dell wrussa dhe Libna.

Yoshua 10:40

Ytho Yoshua a weskis oll tir an vro venydhyek, an Negeb, an Shefela ha'n ledrow hag oll aga myghternedh; ny asas dhe vos gesys denvyth. Ev sakras dhe dhistruyans pup-tra a anellas, dell worhemmynnis an Arloedh, Duw Ysrael.

Yoshua 10:42

Yoshua a gemmeras oll an vyghternedh ma ha'ga thir yn unn kaskyrgh, drefenn an Arloedh, Duw Ysrael, dhe omladh rag Ysrael.

Yoshua 11:8

ha'n Arloedh a's ros yn leuv Ysrael, neb a's gweskis hag a's chasyas bys yn Sidon Meur, ha bys yn Misrefoth-maym, ha bys yn nans Mispe troha'n howldrevel; hag i a's gweskis, bys pan nag esa gesys dhedha remenant vyth.

Yoshua 2:14

Yn-medh an wer dhedhi, ‘Re bo agan bewnans ni ragowgh bys y'n mernans! Mar ny dhiskudhowgh agan negys, pan re an Arloedh dhyn an tir, ny a'th tyght gans tregeredh ha lelder.’

Yoshua 21:44

Ha'n Arloedh a ros dhedha powes oll a-derdro, war-lergh oll a dosa dh'aga thasow; ha nyns esa gour dhiworth oll aga eskerens a allas sevel er aga fynn; rag an Arloedh a ros oll aga eskerens yn aga leuv.

Yoshua 8:24

Pan worfennas Ysrael ladha oll annedhysi Ay y'n gwel hag y'n gwylvos le may chassens war aga lergh, ha pubonan re bia ledhys gans min an kledha, oll Ysrael a dhehwelis dhe Ay hag i a ladhas an remenant ena gans min an kledha.

Yoshua 9:24

I a worthybis dhe Yoshua, ‘Y feu derivys dhe'th wesyon an Arloedh dha Dhuw dhe worhemmynna dh'y was Moyses ri dhywgh oll an pow, ha distrui oll annedhysi an pow a-ragowgh; ytho ni a berthi own a'gan bewnans a'gas govis, ha rakhenna ni a wrug an dra ma.

Yoshua 9:7

Mes gwer Ysrael a leveris dhe'n Hivysi, ‘Martesen trigys esowgh ogas dhyn, ytho fatell yllyn gul kevambos genowgh?’

Breusysi 1:24

An aspioryon a welas gour ow tos yn-mes a'n sita, hag yn-medhons dhodho, ‘Diskwedh dhyn an fordh dhe entra an sita, ha ni a wra dha dhyghtya yn hegar.’

Breusysi 1:4

Ena yth eth Yuda war-vann ha'n Arloedh a ros an Kananysi ha'n Perizzysi yn aga leuv, ha'ga gweskel yn Bezek, deg mil wour.

Breusysi 2:2

ha hwi nevra ny wrewgh kevambos gans trigoryon an tir ma; hwi a derr dhe'n dor aga alteryow.” Mes ny obaysowgh ow lev. Prag y hwrussowgh hemma?