Dewteronomi 7:13 - An Bibel Kernewek 20234 (Kernewek Kemmyn)

¹³ Ev a'th kar ha'th venniga hag ynkressya dha niver. Hag ev a vennik frut dha gorf, ha frut dha dir, dha ys ha'th win ha'th olew, leughi dha jatel, hag eyn dha flokk war an tir a dos dhe'th tasow dhe ri dhis.

Dewteronomi 7:13 Iomraidhean Croise

Nehemia 9:32

‘Lemmyn ytho, agan Duw, an Duw bras ha galloesek hag euthyk, neb a with kevambos ha tregeredh, na dhyght avel distyr oll an anken ma re dheuth warnan, war agan myghternedh, agan pennsevigyon, agan oferysi, agan profoesi, ha'gan tasow ha war oll dha bobel, a-dhia dermyn myghternedh Assyria bys y'n jydh hedhyw.

Job 1:10

A ny worrsys ke a-dro dhodho ha dh'y ji ha dhe bup-tra a'n jeves, orth pub tu? Ty re vennigas ober y dhiwleuv, ha'y jatel re gressyas y'n pow.

Job 42:12

An Arloedh a vennigas an rann dhiwedhes a vewnans Job moy ages an kynsa. Yth esa dhodho peswardhek mil dhavas, hwegh mil gowrvargh, mil yew a oghen, ha mil asen.

Salmow 1:3

Ev a vydh avel gwydhenn plynsys ryb goverow dowr, ow ri hy frut yn hy seson, ha ny wedher hy del. Hag yn pup-tra a wra, ev a sewen.

Salmow 107:38

Hag ev a's bennik, mayth ynkressyons yn fras, ha ny as aga gwarthek dhe lehe.

Salmow 11:7

Rag an Arloedh yw gwiryon, ev a gar ewnder; an den ewnhynsek a wel y fas.

Salmow 127:3

Otta, ertach an Arloedh yw mebyon, frut an brys yw y wober ev.

Salmow 146:8

an Arloedh a re golok dhe'n dhellyon. An Arloedh a dhrehav an re plegys dhe'n dor; an Arloedh a gar an re wiryon.

Eksodus 23:25

Ha hwi a wra servya an Arloedh agas Duw, ha my a wra benniga dha vara ha'th towr; ha my a wra kemmeres kleves dhe-ves a-dhiworthis.

Lavarow Koth 10:22

Bennath an Arloedh a wra den rych, ha ny geworr tristans gans henna.

Lavarow Koth 15:9

Fordh an debeles yw tra gasadow dhe'n Arloedh, mes ev a gar neb a hol ewnder.

Levitikus 26:9

My a dreyl dhywgh, ha'gas gul feyth, ha'gas ynkressya, ha fastya ow kevambos genowgh.

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Yowann 14:21

Neb a'n jeves ow gorhemmynnow ha'ga gwitha, ev yw neb a'm kar; ha neb a'm kar a vydh kerys gans ow Thas, ha my a'n karvydh, ha diskwedhes ow honan dhodho.’

Yowann 15:10

Mar kwithowgh ow gorhemmynnow, trigewgh y'm kerensa, kepar dell withis vy gorhemmynnow ow Thas ha triga yn y gerensa ev.

Yowann 16:27

rag an Tas y honan a'gas kar, rag hwi re'm karas vy, ha hwi re grysis my dhe dhos dhiworth Duw.

Dewteronomi 1:8

Mir, my re settyas an tir a-ragowgh. Dewgh hag erita an tir a dos an Arloedh dh'agas tasow, dhe Abraham, dhe Ysak, ha dhe Yakob, dh'y ri dhedha ha dh'aga has war aga lergh.’

Dewteronomi 13:17

Ny len orth dha leuv travyth dhiworth an difenn, rag may treyllyo an Arloedh dhiworth y sorr fers, ha may rollo dhis piteth, ha kemmeres truedh ahanas, ha'th kressya kepar dell dos dhe'th tasow,

Dewteronomi 28:1

Mar koslewydh devri lev an Arloedh dha Dhuw ha gwaytyas gul oll y worhemmynnow esov orth aga worhemmynna dhis hedhyw, ena an Arloedh dha Dhuw a'th sett ughel a-ugh oll kenedhlow an norvys.

Dewteronomi 28:11

An Arloedh a'th wra dhe seweni yn frut dha gorf, yn frut dha jatel, yn frut dha dir war an tir a dos an Arloedh dhe'th tasow y ri dhis.

Dewteronomi 30:5

Ena an Arloedh dha Dhuw a'th tro dhe'n tir a wrug dha dasow y erita, ha ty a'n erit. Ev a wra da dhis, ha dha ynkressya moy ages dha dasow.

Dewteronomi 7:7

Nyns o drefenn agas bos moy ages poblow erell y hwrug an Arloedh agas kara ha'gas dewis – rag yth ewgh an lyha a'n poblow oll;