Dewteronomi 7:1 - An Bibel Kernewek 20234 (Kernewek Kemmyn)

¹ Pan wra an Arloedh dha Dhuw dha dhri bys y'n tir mayth esos ow tos ena dh'y erita, ha fesya lies kenedhel a-ragos, an Hittysi, an Girgashysi, an Amorysi, an Kananysi, an Perizzysi, an Hivysi, ha'n Yebusysi, seyth kenedhel brassa ha kreffa agesos,

Dewteronomi 7:1 Iomraidhean Croise

1 Myghternedh 16:31

Ha par dell ve tra skav ragdho kerdhes yn peghosow Yeroboam mab Nebat, ev a gemmeras avel y wreg Yezebel myrgh Ethbaal myghtern an Sidonysi, hag ev eth ha servya Baal, ha'y wordhya.

1 Kroniklys 1:14

an Yebusysi ynwedh, an Amorysi an Girgashysi

2 Kroniklys 8:7

Oll an dus o gesys a'n Hittysi, a'n Amorysi, a'n Perizzysi, a'n Hivysi, hag a'n Yebusysi, nag esens a Ysrael,

Ezra 9:1

Wosa an taklow ma dhe vos kowlwrys, an bennsevigyon a dheuth dhymm, ow leverel, ‘Ny wrug pobel Ysrael, ha'n oferysi ha'n Levysi, dibarth yntra i ha kenedhlow an broyow, ow kul herwydh aga thaklow kasadow, kepar ha'n Kananysi, an Hittysi, an Perizzysi, an Yebusysi, an Ammonysi, an Moabysi, an Ejyptianys, ha'n Amorysi.

Nehemia 13:23

Y'n dydhyow na ynwedh my a welas Yedhewon re dhemmedhsa benynes dhiworth Ashdod, Ammon, ha Moab;

Salmow 78:55

Hag ev a bellhas an kenedhlow a-dheragdha, hag a's rannas dhedha yn ertach, ha gul dhe loethow Ysrael triga yn aga thyldow i.

Eksodus 15:7

Yn braster dha veuredh ty a dewl dhe'n dor neb a sev er dha bynn; ty a dhannvon yn-rag dha sorr hag a's devor avel sowl.

Eksodus 23:28

Ha my a wra dannvon hwyrnoresow a-ragos, a wra chasya dhe-ves an Hivysi, an Kananysi ha'n Hittysi a-dheragos.

Eksodus 23:32

Ny wredh kevambos gansa na gans aga duwow.

Eksodus 23:33

Ny wrons triga y'th tir, ma na wrellons dhis pegha er ow fynn; rag mar servydh aga duwow, y fydh antell ragos sur.

Eksodus 33:2

Ha my a wra dannvon el a-ragos ha my a wra gorra dhe-ves an Kananysi, an Amorysi, an Hittysi, an Perizzysi, an Hivysi ha'n Yebusysi.

Eksodus 6:8

Ha my a'gas dre bys yn tir hag a des y ri dhe Abraham, dhe Ysak ha dhe Yakob; my a'n re dhywgh yn perghennogeth. My yw an Arloedh.” ’

Levitikus 14:34

Pan dhyffowgh a-ji dhe bow Kanan, a rov dhywgh rag perghennogeth, ha pan worriv pla lovryjyon yn neb chi yn tir dha berghennogeth,

Niverow 13:29

Yma an Amalekysi trigys yn tir an Negeb; hag yma an Hittysi, an Yebusysi, ha'n Amorysi trigys y'n vro venydhyek; hag yma an Kananysi trigys ryb an mor, ha war lann an Yordan.’

Niverow 14:31

Mes agas re vyghan, a leversowgh a wre ha dos preydh, my a's dre a-ji, hag i a wra aswonn an tir re dhispresowgh.

Oberow 13:19

ha pan dhistrusa seyth kenedhel yn pow Kanan ev a ros dhedha aga fow avel eretons

Dewteronomi 11:29

Pan wra an Arloedh dha Dhuw dha dhri bys y'n tir mayth esos ow tos di dh'y erita, ty a re an vennath war venydh Gerizim, ha'n volleth war venydh Ebal.

Dewteronomi 20:1

Pan ewgh mes dhe'n gas erbynn dha eskar ha gweles mergh ha charettow, pobel moy agesos, na borth own anedha, drefenn an Arloedh dha Dhuw dhe vos genes, neb a'th tros yn-bann yn-mes a bow Ejyp.

Dewteronomi 20:16

Saw a drevow an poblow ma a wra an Arloedh dha Dhuw aga ri dhis avel eretons, ny esydh yn few travyth a anell,

Dewteronomi 31:20

Rag wosa my dh'aga dri dhe'n tir a des dh'aga thasow, a dhinwa leth ha mel, hag i a dheber ha bos gwalghys, ha tew, ena i a dreyl dhe dhuwow erell ha'ga servya; i a'm dispres, ha terri ow hevambos.

Dewteronomi 31:3

An Arloedh dha Dhuw y honan a dreus a-ragos. Ev a dhistru an kenedhlow ma a-ragos, ha ty a's erit. Yoshua, ev a dreus a-ragos kepar dell gewsis an Arloedh.

Dewteronomi 4:38

dhe gemmeres yn perghennogeth a-ragos kenedhlow brassa ha kreffa agesos, dhe'th tri, ha dhe ri dhis aga thir rag eretons, kepar hag y'n jydh hedhyw.

Dewteronomi 6:1

Hemm yw an gorhemmynn ha'n ordenansow ha'n breusow a worhemmynnis an Arloedh agas Duw dhe dhyski dhywgh, dh'aga gul y'n tir mayth esowgh ow treusi di dh'y erita;

Dewteronomi 6:10

Pan wra an Arloedh dha Dhuw dha dhri bys y'n tir a dos dhe'th tasow, dhe Abraham, dhe Ysak, ha dhe Yakob, dhe ri dhis trevow bras ha teg, na wrussys hwi aga drehevel,

Dewteronomi 6:19

dhe fesya oll dha eskerens a-ragos, kepar dell gewsis an Arloedh.

Dewteronomi 6:23

Ev a'gan dros yn-mes alena, rag ma'gan drolla a-ji, dhe ri dhyn an tir a dos dh'agan tasow.

Dewteronomi 9:1

Klew, Ysrael: ty a dreus an Yordan hedhyw dhe vos a-bervedh dhe erita kenedhlow brassa ha kreffa agesos, sitys bras, kerys bys y'n ebron,

Dewteronomi 9:3

Godhvydh ytho hedhyw, yth yw an Arloedh dha Dhuw neb a dreus a-ragos avel tan ow tevorya. Ev a's distru hag ev a's uvelha a-ragos. Ty a gemmer aga eretons ha'ga distrui toeth da kepar dell gewsis dhis an Arloedh.

Dewteronomi 9:4

Na lavar y'th kolonn, pan wra an Arloedh dha Dhuw aga fesya a-ragos, ‘Yth yw drefenn ow ewnder y hwrug an Arloedh ow dri dhe erita an tir ma.’ Yth yw drefenn sherewynsi an kenedhlow ma y hwra an Arloedh aga fesya a-ragos.

Yoshua 11:3

ha dhe'n Kananysi a'n howldrevel hag a'n howlsedhes, an Amorysi, an Hittysi, an Perizzysi, ha'n Yebusysi y'n vro venydhyek, ha dhe'n Hivysi yn-dann Hermon yn pow Mispa.

Yoshua 24:11

Ena hwi a dreusis an Yordan ha dos dhe Yeriko, ha tus Yeriko a omladhas er agas pynn, hag ynwedh an Amorysi, an Perizzysi, an Kananysi, an Hittysi, an Girgashysi, an Hivysi ha'n Yebusysi; ha my a's ros yn agas leuv.

Yoshua 3:10

Ha Yoshua a leveris, ‘Gans hemma godhvydhewgh bos an Duw bew yn agas mysk hag ev dhe fesya a-dheragowgh heb falladow an Kananysi, an Hittysi, an Hivysi, an Perizzysi, an Girgashysi, an Amorysi ha'n Yebusysi.