Dewteronomi 6:7 - An Bibel Kernewek 20234 (Kernewek Kemmyn)

⁷ ha hwi a's daslever dhe'th vebyon ha kewsel anedha pan esedhydh y'th chi, ha pan gerdhydh y'n fordh, ha pan wrowedhydh, ha pan sevydh;

Dewteronomi 6:7 Iomraidhean Croise

Jenesis 18:19

Rag my re'n dewisas, may hwrella worhemmynna dh'y fleghes ha'y vayni war y lergh, hag i a wra gwitha fordh an Arloedh, dhe wul ewnder ha gwirvreus, may trollo an Arloedh war Abraham an pyth re leveris dhodho.’

Job 8:10

A ny wrons dha dhyski, ha leverel dhis, ha dyllo geryow dhiworth aga holonn?

Salmow 119:13

Gans ow diwweus re venegis vy oll breusow dha anow.

Salmow 119:46

My a gews a'th tustuniow a-dherag myghternedh, ha ny borthav meth.

Salmow 129:8

Ha ny lever an dremenysi, ‘Re bo bennath an Arloedh warnowgh; ni a'th vennik yn hanow an Arloedh.’

Salmow 37:30

Ganow an den gwiryon a lever furneth, ha'y daves a gews a wirvreus.

Salmow 71:17

A Dhuw, ty re dhyskas dhymm dhiworth ow yowynkneth, ha prest re venegis vy dha varthusyon.

Lavarow Koth 10:21

Dhiwweus an den gwiryon a vag lies, mes fellyon a verow rag fowt skians.

Lavarow Koth 15:2

Taves tus fur a afin godhvos, mes ganow an re foll a dhiver follneth.

Lavarow Koth 15:7

Diwweus an re fur a les godhvos, mes ny wra kolonn fellyon yndella.

Lavarow Koth 6:22

Pan gerdhydh, i a'th led; pan wrowedhydh i a woel warnas; ha pan dhifunydh i a gews genes.

Ysay 38:19

Den bew, ny yll marnas den bew dha wormel, avelov vy hedhyw; tasow a wra godhvedhys dhe vebyon dha wiryonedh.

Malaki 3:16

Ena an re a berthi own a'n Arloedh a geskewsi an eyl gans y gila, ha'n Arloedh a woslowas ha klewes. Lyver kovadh a veu skrifys a-ragdho a-dro dhe'n re a berthi own a Arloedh ha prederi a'y Hanow.

Matthew 12:35

An den da a dhre taklow da yn-mes a'y dresor da, ha'n drog dhen a dhre droktaklow yn-mes a'y dhroktresor.

Luk 6:45

An densa a dhre dader yn-mes a dresor da y golonn, ha'n drogoberer a dhre drog yn-mes a'n drog, rag y anow a gews yn-mes a lanwes an golonn.

Efesianys 4:29

Na dhes drog-ger vyth yn-mes a'gas ganow, saw pypynag a vo da rag an drehevyans yw res, may rollo gras dhe neb a'n klewvo.

Efesianys 6:4

Ha tasow, na wrewgh serri agas fleghes mes megewgh i yn dyskybleth ha dyskans an Arloedh.

Dewteronomi 11:19

Dyskewgh i dhe'th vebyon, ow kewsel anedha pan os esedhys y'th chi, ha pan esos ow kerdhes y'n fordh, ha pan wrowedhydh, ha pan sevydh.

Dewteronomi 6:2

rag may perthi own a'n Arloedh dha Dhuw, dhe witha oll y ordenansow ha'y worhemmynnow esov ow korhemmynna dhis oll dydhyow dha vewnans, ty, ha'th vab, ha mab dha vab, rag may fo hir dha dhydhyow.

Kolossianys 4:6

Bedhes agas lavar pup-prys grassyes, sawrys gans hoelan, dhe wodhvos fatell goedh dhywgh gorthybi dhe bubonan.

1 Peder 3:15

mes sanshewgh an Arloedh Krist yn agas kolonn. Bedhewgh parys pup-prys dhe wul defens dhe bub den a wovynn orthowgh a-dro dhe'n govenek usi ynnowgh,

Ruth 2:12

Re wrello an Arloedh attyli dha ober, ha kowal re bo dha bewas dhiworth an Arloedh, Duw Ysrael, may hwrussys dos yn-dann y eskelli dhe gavoes skovva.’

Ruth 2:4

Hag otta, y teuth Boaz a-dhiworth Bethlehem, ha leverel dhe'n vysoryon, ‘An Arloedh genowgh’, hag yn-medhons i dhodho, ‘Re'th vennikko an Arloedh.’

Ruth 4:11

Hag oll an bobel esa y'n yet, ha'n henavogyon, a worthybis, ‘Dustunioryon on ni. Re wrello an Arloedh dhe'n venyn usi ow tos a-berth y'th chi bos kepar ha Raghel ha Lea, neb aga diw a dhrehevis chi Ysrael, ha re sewenni yn Efratha ha dos ha bos den a vri yn Bethlehem.