Dewteronomi 6:5 - An Bibel Kernewek 20234 (Kernewek Kemmyn)

⁵ ty a gar an Arloedh dha Dhuw gans oll dha golonn, ha gans oll dha enev, ha gans oll dha nerth.

Dewteronomi 6:5 Iomraidhean Croise

1 Myghternedh 3:3

Solomon a garas an Arloedh, ow kerdhes yn ordenansow Davydh y das: saw y hwre ev ladha ha leski sakrifisow y'n tylleryow ughel.

2 Myghternedh 23:25

Kyns ev, nyns esa myghtern kepar hag ev, neb a dreylyas dhe'n Arloedh a leun golonn, ha gans oll y enev, ha gans oll y nerth, herwydh oll lagha Moyses; ha ny sevis onan kepar hag ev a'y wosa.

2 Kroniklys 15:12

I a entras yn kevambos dhe hwilas an Arloedh, Duw aga thasow, gans oll aga holon ha gans oll aga enev.

2 Kroniklys 34:31

An myghtern a sevis yn y dyller hag a wrug kevambos a-rag an Arloedh, dhe holya an Arloedh, ow kwitha y worhemmynnow, y vreusow, ha'y ordenansow, gans golonn leun ha gans oll y enev, dhe oberi geryow an kevambos o skrifys y'n lyver ma.

Salmow 119:2

Gwynnvys an re a with y dhustuniow, hag a'n hwila ev a leun golonn;

Salmow 31:24

Bedhewgh krev ha bedhes agas kolonn konfortys, oll hwi a drest y'n Arloedh.

Matthew 10:37

Neb a gar tas po mamm moy agesov vy nyns yw gwiw dhymm, ha neb a gar mab po myrgh moy agesov vy nyns yw gwiw dhymm;

Matthew 22:37

Yn-medh ev dhodho, ‘ “Ty a wra kara an Arloedh dha Dhuw gans oll dha golonn ha gans oll dha enev ha gans oll dha vrys.”

Mark 12:30

ha ty gwra kara dha Arloedh Duw gans oll dha golonn, gans oll dha enev, gans oll dha vrys, ha gans oll dha nerth.” Hemm yw an kynsa gorhemmynn.

Mark 12:33

hag “y gara gans oll an golonn, ha gans oll an skians, ha gans oll an enev, ha gans oll an nerth”, ha “kara y gentrevek kepar hag ev y honan”, hemm yw moy ages oll an offrynnow kowlleskys ha'n sakrifisow.’

Luk 10:27

Hag ev a worthybis ha leverel, ‘Ty gwra kara an Arloedh dha Dhuw gans oll dha golonn ha gans oll dha enev ha gans oll dha nerth ha gans oll dha vrys; ha'th kentrevek avelos ty dha honan.’

Dewteronomi 10:12

Ha lemmyn Ysrael, pandr'a wovynn an Arloedh orthis marnas perthi own a'n Arloedh dha Dhuw, kerdhes yn oll y fordhow, ha'y gara, ha servya an Arloedh dha Dhuw gans oll dha golonn ha gans oll dha enev,

Dewteronomi 11:1

Ytho ty a gar an Arloedh dha Dhuw ha gwitha y jarj ha'y ordenansow ha'y vreusow ha'y worhemmynnow pub termyn.

Dewteronomi 11:13

Mar koslewowgh devri ow gorhemmynnow esov ow korhemmynna dhywgh hedhyw, dhe gara an Arloedh agas Duw ha dh'y servya gans oll agas kolonn ha gans oll agas enev,

Dewteronomi 13:3

na woslow orth geryow an profoes na, nag orth an hunroser na a hunrosow, rag an Arloedh agas Duw a wra agas previ, dhe wodhvos mar kerowgh an Arloedh agas Duw gans oll agas kolonn ha gans oll agas enev.

Dewteronomi 13:4

Hwi a dal kerdhes war-lergh an Arloedh agas Duw, ha perthi own anodho, ha gwitha y worhemmynnow, hag obaya y lev, ha'y servya, ha glena orto.

Dewteronomi 19:9

mar kwithydh oll an gorhemmynn ma esov ow korhemmynna dhis hedhyw, orth y wul, dhe gara an Arloedh dha Dhuw, dhe gerdhes yn y fordhow pup-prys; ena ty a geworr ragos ken teyr thre war an teyr ma,

Dewteronomi 30:10

mar koslewydh lev an Arloedh dha Dhuw ha gwitha y worhemmynnow, ha'y ordenansow usi skrifys yn lyver an lagha ma, pan dreylydh arta dhe'n Arloedh dha Dhuw gans oll dha golonn ha gans oll dha enev.

Dewteronomi 30:16

ow korhemmynna dhis hedhyw kara an Arloedh dha Dhuw, dhe gerdhes yn y fordhow, dhe witha y worhemmynnow, ha'y ordenansow, ha'y vreusow, rag may fewi hag ynkressya; ha'n Arloedh dha Dhuw a'th vennik y'n tir mayth esos ow tos di dh'y erita.

Dewteronomi 30:20

ow kara an Arloedh dha Dhuw, hag ow koslowes y lev, hag ow klena orto; rag ev yw dha vewnans ha hirder dha dhydhyow, dhe driga war an tir a dos an Arloedh dhe'th tasow, dhe Abraham, ha dhe Ysak, ha dhe Yakob, dhe ri dhedha.

Dewteronomi 30:6

An Arloedh dha Dhuw a drodregh dha golonn ha kolonn dha has dhe gara an Arloedh dha Dhuw gans oll dha golonn ha gans oll dha enev, rag may fewi.

Dewteronomi 4:29

Mes mar hwilydh alena an Arloedh dha Dhuw, ty a'n kyv, mar mynnowgh y gavoes gans oll dha golonn hag oll dha enev.

Yoshua 22:5

Mes gwaytyewgh gwitha gans rach an gorhemmynn ha'n lagha a worhemmynnis Moyses gwas an Arloedh dhywgh: kara an Arloedh agas Duw, kerdhes yn oll y fordhow, gwitha y worhemmynnow, ha glena dhodho, ha'y servya gans oll agas kolonn hag gans oll agas enev.’

1 Yowann 5:3

Rag hemm yw kerensa Duw, may hwitthyn ni y worhemmynnow: ha nyns yw y worhemmynnow ankensi.