Dewteronomi 6:2 - An Bibel Kernewek 20234 (Kernewek Kemmyn)

² rag may perthi own a'n Arloedh dha Dhuw, dhe witha oll y ordenansow ha'y worhemmynnow esov ow korhemmynna dhis oll dydhyow dha vewnans, ty, ha'th vab, ha mab dha vab, rag may fo hir dha dhydhyow.

Dewteronomi 6:2 Iomraidhean Croise

Jenesis 18:19

Rag my re'n dewisas, may hwrella worhemmynna dh'y fleghes ha'y vayni war y lergh, hag i a wra gwitha fordh an Arloedh, dhe wul ewnder ha gwirvreus, may trollo an Arloedh war Abraham an pyth re leveris dhodho.’

Jenesis 22:12

Hag yn-medh ev, ‘Na ystynn dha dhorn war an maw, na gul travyth dhodho, rag lemmyn my a woer ty dhe berthi own a Dhuw, a-ban na wruss'ta skonya a ri dhymm dha vab, dha unn vab.’

1 Myghternedh 8:40

ma's teffo own ahanas dydhyow oll aga bewnans war enep an tir a resys dh'agan tasow.

Job 28:28

Hag ev a leveris dhe vab-den, “Otta, own an Arloedh – furneth yw henna; ha skonya drog yw konvedhes.” ’

Salmow 111:10

Own an Arloedh yw an dalleth a furneth; yma skians da dhe oll an re a wra hemma; y wormola a dhur bys vykken.

Salmow 128:1

Gwynn y vys seul a berth own a'n Arloedh, seul a gerdh yn y fordhow.

Salmow 91:16

Bewnans hir a rov dhodho, ha diskwedhes dhodho ow selwyans.

Eksodus 20:12

Enor dha das ha'th vamm, may fo hir dha dhydhyow y'n tir usi an Arloedh dha Dhuw orth y ri dhis.

Eksodus 20:20

Ha Moyses a leveris dhe'n bobel, ‘Na berthewgh own; rag Duw yw devedhys dh'agas previ, ha may fo an own anodho a-rag agas dewlagas, ha ma na begghowgh.’

Lavarow Koth 16:6

Dre dregeredh ha lenduri yw kammweyth dasprenys, ha der own an Arloedh den a omwith rag drog.

Lavarow Koth 3:16

Yma hirder dydhyow yn hy leuv dhyghow; yn hy leuv gledh yma golusogneth hag enor.

Lavarow Koth 9:11

Rag genev vy dha dhydhyow a vydh lieshes, ha blydhynyow dha vewnans a vydh ynkressys.

Ekklesiastes 12:13

Diwedh an mater, wosa klewes pup-tra, yw hemma: Porth own a Dhuw, ha gwith y worhemmynnow, drefenn bos hemma dever pub den oll.

Yeremia 32:39

My a re dhedha unn golonn hag unn fordh, ma's tevydh own ahanav bys vykken, dh'aga les, ha dhe les aga mebyon war aga lergh.

Ezekiel 20:19

My yw an Arloedh agas Duw; kerdhewgh y'm ordenansow, ha gwaytyewgh gul ow breusow.

Luk 12:5

My a'n diskwa dhywgh, piw a berthowgh own anodho: perthewgh own a neb a yll, wosa ladha, tewlel yn ifarn. Ya, yn-medhav dhywgh, perthewgh own anodho ev.

Dewteronomi 10:20

Porth own a'n Arloedh dha Dhuw ha gwra y servya. Glen orto, ha to ren y hanow.

Dewteronomi 11:9

rag may hirhahowgh agas dydhyow war an tir a dos an Arloedh dh'agas tasow y ri dhedha, ha dh'agas has, tir a dhinwa leth ha mel.

Dewteronomi 13:4

Hwi a dal kerdhes war-lergh an Arloedh agas Duw, ha perthi own anodho, ha gwitha y worhemmynnow, hag obaya y lev, ha'y servya, ha glena orto.

Dewteronomi 15:5

unnweyth mar koslowi gans rach orth lev an Arloedh dha Dhuw, ow kwitha hag ow kul oll an gorhemmynn ma esov ow korhemmynna dhis hedhyw.

Dewteronomi 22:7

Dannvon dhe-ves an vamm, mes kemmer an re yowynk, rag may fo yn ta dhis, ha may fo hir dha dhydhyow.

Dewteronomi 30:19

My a elow nev ha nor yn test er agas pynn hedhyw y hwrugavy settya a-ragos bewnans ha mernans, bennath ha molleth; ytho dewis bewnans rag may fewi, ty ha dha has,

Dewteronomi 30:20

ow kara an Arloedh dha Dhuw, hag ow koslowes y lev, hag ow klena orto; rag ev yw dha vewnans ha hirder dha dhydhyow, dhe driga war an tir a dos an Arloedh dhe'th tasow, dhe Abraham, ha dhe Ysak, ha dhe Yakob, dhe ri dhedha.

Dewteronomi 4:10

an jydh may sevsys a-rag an Arloedh dha Dhuw orth Horeb, pan leveris dhymm an Arloedh, ‘Kuntell an bobel dhymm, may hwrylliv dhedha klewes ow geryow ha may tyskons perthi own ahanav oll an dydhyow esons ow pewa war an tir, ha'ga dyski dh'aga mebyon.’

Dewteronomi 4:40

Ytho gwith y ordenansow ha'y worhemmynnow esov ow korhemmynna dhis hedhyw, may fo yn ta genes ha gans dha vebyon war dha lergh, mayth ystynni dha dhydhyow war an tir a wra an Arloedh dha Dhuw y ri dhis bys vykken.

Dewteronomi 4:9

Saw kemmer with, ha gwith dha enev gans rach, ma na ankeffi an taklow a welas dha dhewlagas, ha ma na dhibarthons dhiworth dha golonn der oll dydhyow dha vewnans; mes gwra aga dyski dhe'th vebyon, ha dhe vebyon dha vebyon:

Dewteronomi 5:16

Enor dha das ha dha vamm dell worhemmynnis an Arloedh dha Dhuw dhis, rag may fo dha dhydhyow hir, ha rag may fo yn ta dhis war an tir a wra an Arloedh dha Dhuw y ri dhis.

Dewteronomi 5:33

Kerdhewgh yn pub fordh a worhemmynnis an Arloedh agas Duw dhywgh, rag may fewowgh ha may fo yn ta dhywgh ha may fo agas dydhyow hir y'n tir a eritowgh.

Dewteronomi 6:1

Hemm yw an gorhemmynn ha'n ordenansow ha'n breusow a worhemmynnis an Arloedh agas Duw dhe dhyski dhywgh, dh'aga gul y'n tir mayth esowgh ow treusi di dh'y erita;

Dewteronomi 6:24

An Arloedh a worhemmynnis dhyn gul oll an ordenansow ma, dhe berthi own a'n Arloedh agan Duw, rag may fo yn ta dhyn pub dydh oll, dh'agan gwitha yn few kepar ha hedhyw.

Dewteronomi 6:7

ha hwi a's daslever dhe'th vebyon ha kewsel anedha pan esedhydh y'th chi, ha pan gerdhydh y'n fordh, ha pan wrowedhydh, ha pan sevydh;

Yoshua 4:24

may hwodhve oll poblow an norvys bos krev leuv an Arloedh, ha may perthewgh own a'n Arloedh agas Duw bys vykken.’

1 Peder 1:17

Ha mar kelwowgh warnodho avel Tas, ev neb a vreus heb plegyans war-lergh gwrians pub den, gwrewgh spena termyn agas godrik yn own.