Dewteronomi 6:10 - An Bibel Kernewek 20234 (Kernewek Kemmyn)

¹⁰ Pan wra an Arloedh dha Dhuw dha dhri bys y'n tir a dos dhe'th tasow, dhe Abraham, dhe Ysak, ha dhe Yakob, dhe ri dhis trevow bras ha teg, na wrussys hwi aga drehevel,

Dewteronomi 6:10 Iomraidhean Croise

Jenesis 15:18

An keth jydh na an Arloedh a wrug kevambos gans Abram, ow leverel, ‘My re ros an tir ma dhe'th has, dhiworth avon Ejyp bys y'n avon vras, an avon Ewfrates,

Jenesis 26:3

Trig y'n pow ma ha my a vydh genes ha'th venniga, rag dhiso jy ha dhe'th has my a vynn ri oll an powyow ma. My a gollenow an ti a dos dhe Abraham dha das.

Jenesis 28:13

Hag awotta, yth esa an Arloedh ow sevel a-ughti, hag yn-medh ev, ‘My yw an Arloedh, Duw Abraham dha das ha Duw Ysak. My a re an tir esos ow krowedha warnodho dhiso jy ha dhe'th has.

Nehemia 9:25

I a gemmeras sitys kerys ha tir feyth hag i a eritas chiow leun a bup-tra da, puthow pelys, gwinlannow, hag olewbrennyer, ha gwydh froeth pals. Ytho i a dhybris, hag a veu lenwys, hag a dheuth ha bos tew hag i a lowenhas y'th tader bras.

Salmow 105:44

Hag ev a ros dhedha tiryow an kenedhlow, hag i a eritas lavur an poblow,

Salmow 78:55

Hag ev a bellhas an kenedhlow a-dheragdha, hag a's rannas dhedha yn ertach, ha gul dhe loethow Ysrael triga yn aga thyldow i.

Dewteronomi 1:8

Mir, my re settyas an tir a-ragowgh. Dewgh hag erita an tir a dos an Arloedh dh'agas tasow, dhe Abraham, dhe Ysak, ha dhe Yakob, dh'y ri dhedha ha dh'aga has war aga lergh.’

Dewteronomi 19:1

Pan wra an Arloedh dha Dhuw treghi dhe-ves an kenedhlow may hwra an Arloedh dha Dhuw ri dhis aga thiredh, ha ty a gemmer aga eretons, ha triga yn aga threvow ha'ga chiow,

Dewteronomi 31:20

Rag wosa my dh'aga dri dhe'n tir a des dh'aga thasow, a dhinwa leth ha mel, hag i a dheber ha bos gwalghys, ha tew, ena i a dreyl dhe dhuwow erell ha'ga servya; i a'm dispres, ha terri ow hevambos.

Dewteronomi 6:18

Gwra an pyth yw ewn ha da a-wel dhe'n Arloedh, rag may fo yn ta dhis, ha may tyffi hag erita an tir da a dos an Arloedh dhe'th tasow,

Dewteronomi 6:23

Ev a'gan dros yn-mes alena, rag ma'gan drolla a-ji, dhe ri dhyn an tir a dos dh'agan tasow.

Dewteronomi 8:12

Pan dhebrowgh dha walgh, ha drehevel chiow da ha triga ynna,

Dewteronomi 9:1

Klew, Ysrael: ty a dreus an Yordan hedhyw dhe vos a-bervedh dhe erita kenedhlow brassa ha kreffa agesos, sitys bras, kerys bys y'n ebron,

Yoshua 24:13

My a ros dhywgh tir na lavursewgh ynno, ha sitys na's drehevsewgh, ha hwi re drigas ynna; hwi a dheber frut gwinlannow hag olewbrennyer na blenssewgh.