Dewteronomi 5:4 - An Bibel Kernewek 20234 (Kernewek Kemmyn)

⁴ Fas orth fas, an Arloedh a gewsis genowgh war an menydh yn-mes a gres an tan.

Dewteronomi 5:4 Iomraidhean Croise

Eksodus 19:9

Ha'n Arloedh a leveris dhe Moyses, ‘Otta, y tov dhis yn kommolenn dew may klewvo an bobel pan gowsav genes ha may kryssons dhis bys vykken.’ Ena Moyses a leveris geryow an bobel dhe'n Arloedh.

Eksodus 20:1

Ha Duw a gewsis oll an geryow ma, ow leverel,

Eksodus 33:11

Yndella y kewsi an Arloedh dhe Moyses, fas orth fas, dell gews den orth y goweth. Pan dreylyas Moyses arta dhe'n kamp, mes y venyster Yoshua mab Nun, gour yowynk, ny dhibarthas a'n tylda.

Niverow 12:8

Ganso my a gews ganow orth ganow, yn tiblans, a-der yn kowsow tewl; hag ev a wel furv an Arloedh. Prag ytho na vewgh ownek dhe gewsel erbynn ow gwas Moyses?’

Niverow 14:14

hag i a lever hemma dhe drigoryon an tir ma. I re glewas ty dhe vos, A Arloedh, yn mysk an bobel ma; rag ty, A Arloedh, yw gwelys fas orth fas, ha dha gommolenn a sev a-ughta ha ty a a-dheragdha, yn koloven kommol dydhweyth hag yn koloven tan nosweyth.

Dewteronomi 34:10

Ha ny sevis profoes arta yn Ysrael avel Moyses, neb a wrug an Arloedh y aswonn fas orth fas,

Dewteronomi 4:12

Ena an Arloedh a gewsis genowgh yn-mes a gres an tan. Yth esewgh ow klewes son geryow, mes nyns esewgh ow kweles furv, saw son.

Dewteronomi 4:15

Kemmerewgh with ytho a'th enevow, drefenn na welsowgh furv vyth y'n jydh may kewsis an Arloedh dhywgh orth Horeb yn-mes a gres an tan,

Dewteronomi 4:33

A glewas pobel bythkweth lev Duw ow kewsel yn-mes a gres an tan, kepar dell re glewsys jy, ha bewa?

Dewteronomi 4:36

Yn-mes a nev ev a wrug dhis glewes y lev rag dha dhyski; ha war an norvys ev a dhiskwedhas y dan bras, ha ty a glewas y eryow yn-mes a gres an tan.

Dewteronomi 5:22

An Arloedh a gewsis an geryow ma dhe oll agas kuntellyans war an menydh yn-mes a gres an tan, an kommol ha'n tewolgow, dre lev ughel, ha ny geworras dhedha. Ena ev a's skrifas war dhiw leghenn a ven, ha'ga ri dhymm.