Hemm yw herwydh pup-tra a wovynnsys dhiworth an Arloedh dha Dhuw orth Horeb yn dydh an kuntellyans, ow leverel, ‘Na as vy dhe glewes lev an Arloedh ow Duw byth moy, na weles an tan bras ma arta, ma na verwiv.’
An Arloedh a gewsis an geryow ma dhe oll agas kuntellyans war an menydh yn-mes a gres an tan, an kommol ha'n tewolgow, dre lev ughel, ha ny geworras dhedha. Ena ev a's skrifas war dhiw leghenn a ven, ha'ga ri dhymm.
Yn-medhowgh, ‘Awotta, an Arloedh agan Duw re dhiskwedhas dhyn y wolewder ha'y veuredh, ha ni re glewas y lev yn-mes a gres an tan. Hedhyw ni re welas Duw dhe gewsel gans den, hag ev a vew.