Dewteronomi 5:21 - An Bibel Kernewek 20234 (Kernewek Kemmyn)

²¹ Na hwans benyn dha gentrevek. Na yeun chi dha gentrevek, na'y wel, na'y was, na'y vaghteth, na'y ojyon, na'y asen, na travyth eus dhe'th kentrevek.

Dewteronomi 5:21 Iomraidhean Croise

2 Samuel 11:2

Yn neb unn gorthugher Davydh a sevis a'y weli ha kerdhes a-dro war do chi an myghtern, ha dhiworth an to ev a welas benyn owth omwolghi; ha semlans an venyn o pur deg.

Job 31:9

‘Mar pe ow holonn dynys gans benyn, po mar skolkyen ryb daras ow hentrevek,

Eksodus 20:17

Na wra hwansa chi dha gentrevek na hwansa gwreg dha gentrevek, na'y was, na'y vaghteth, na'y ojyon, na'y asen, na travyth eus dhe'th kentrevek.

Lavarow Koth 6:25

Na yeun war-lergh hy thekter y'th kolonn, ha na as hi dhe'th synsi gans blewennow hy dewlagas;

Mika 2:2

I a hwans parkow, ha settya dalghenn ynna; ha chiow, ha'ga kemmeres dhe-ves; i a arwask gour ha'y ji, gour ha'y eretons.

Habakkuk 2:9

Go-ev neb a gemmer tebel brow rag y ji, ow settya y neyth a-vann may fo delivrys dhiworth an leuv a dhrogober.

Luk 12:15

Hag yn-medh ev dhedha, ‘Bedhewgh war, hag omwithewgh a bithneth oll, rag kyn fo palster dhe dhen, ny dheu y vewnans a'y bythow.’

Romanyon 13:9

An gorhemmynnow, ‘Na wra avoutri, Na wra ladha, Na wra ladra, Na wra hwansa’, ha py gorhemmynn arall pynag a vo, yw synsys y'n lavar, ‘Gwra kara dha gentrevek par dell omgerydh.’

Ebrowyon 13:5

Bedhes agas bewnans rydh a gerensa arghans, ha bedhewgh kontentys gans an pyth a'gas beus; rag ev re leveris, ‘Nevra ny wrav dha fyllel na dha forsakya.’