Dewteronomi 5:12 - An Bibel Kernewek 20234 (Kernewek Kemmyn)

¹² Gwith dydh an sabot dh'y witha sans, dell worhemmynnis an Arloedh dha Dhuw dhis.

Dewteronomi 5:12 Iomraidhean Croise

Nehemia 13:15

Y'n dydhyow na my a welas tus yn Yuda ow trettya gwinwaskow y'n sabot, hag ow tri a-ji bernyow ys hag orth aga beghya war asenes; hag ynwedh gwin, gwinreun, figys, ha pub eghenn arall a veghyow. I a's dhros yn Yerusalem yn dydh sabot; ytho my a's gwarnyas erbynn kwertha boes y'n jydh na.

Eksodus 16:23

ev a leveris dhedha, ‘Hemm yw an pyth a worhemmynnis an Arloedh: “An vorow a vydh dydh a bowes, sabot sans dhe'n Arloedh; pebewgh an pyth a bebowgh ha bryjyewgh an pyth a vryjyowgh, ha pup-tra yw gesys gorrewgh a-denewen dhe vos gwithys bys y'n myttin.” ’

Eksodus 16:30

Ytho an bobel a bowesas y'n seythves dydh.

Eksodus 31:13

Lavar dhe vebyon Ysrael, ‘Hwi a wra gwitha ow sabotys, rag hemm yw tokyn yntra my ha hwi der agas henedhow, may hwodhvowgh my, an Arloedh, dh'agas sanshe.

Eksodus 31:15

Hwegh dydhweyth a ober a vydh gwrys, mes an seythves dydh yw sabot a bowes, sans dhe'n Arloedh; piwpynag a wrello ober vyth dydh an sabot a vydh gorrys dhe'n mernans.

Ysay 56:6

Ha mebyon an estren a jun dhe'n Arloedh dh'y servya, ha dhe gara hanow an Arloedh dhe vos servysi dhodho, pubonan a with an sabot heb y dhisakra ha synsi fast ow kevambos –

Ysay 58:13

Mar treylydh dha droes dhiworth terri an sabot, dhiworth gul dha blesour y'm dydh sans, mes gelwel an sabot delit, ha gelwel enorys dydh sans an Arloedh, ha'y enora heb mos y'th fordhow dha honan, heb hwilas dha blesour dha honan na gul dha negysyow dha honan,

Yeremia 17:22

na na dhegewgh begh yn-mes a'gas chi y'n sabot, na na wrewgh ober, mes sanshewgh dydh an sabot, dell worhemmynnis dh'agas tasow.

Mark 2:27

Hag ev a leveris dhedha, ‘An sabot a veu gwrys rag mab-den, a-der mab-den rag an sabot;

Dewteronomi 5:13

Hwegh dydh y lavurydh ha gul oll dha ober;