Dewteronomi 5:1 - An Bibel Kernewek 20234 (Kernewek Kemmyn)

¹ Moyses a elwis dhe oll Ysrael ha leverel dhedha: Klew, A Ysrael, an ordenansow ha'n breusow esov ow kewsel yn agas diwskovarn hedhyw, rag ma's dyskowgh, ha'ga gwitha, ha'ga gul.

Dewteronomi 5:1 Iomraidhean Croise

Salmow 78:7

Rag may hworrens aga threst yn Duw ha ma nag ankoffens gwriansow Duw, mes gwitha y worhemmynnow;

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Eksodus 18:20

ha ty a wra dyski dhedha an ordenansow ha'n laghys, ha gul dhedha aswonn an fordh a dal dhedha kerdhes ynni, ha'n pyth a goedh dhedha y wul.

Matthew 23:3

Rakhenna gwrewgh ha gwithewgh oll an taklow a leverons dhywgh, saw herwydh aga gweythresow na wrewgh: rag i a gews mes ny wrons.

Dewteronomi 1:1

An re ma yw an geryow a gewsis Moyses dhe oll Ysrael dres an Yordan y'n gwylvos, y'n Araba, a-dal Suf, yntra Paran ha Tofel, Laban, Haserot ha Di-zahab.

Dewteronomi 11:1

Ytho ty a gar an Arloedh dha Dhuw ha gwitha y jarj ha'y ordenansow ha'y vreusow ha'y worhemmynnow pub termyn.

Dewteronomi 12:1

An re ma yw an ordenansow ha'n breusow a wredh aga gwitha ha gul y'n tir a ros an Arloedh Duw dha dasow dhis dh'y erita oll an dydhyow may fewowgh war an dor.

Dewteronomi 17:19

Y fydh ganso, hag ev a red ynno oll dydhyow y vewnans, rag may tysko dhe berthi own a'n Arloedh y Dhuw, dhe waytyas gul oll geryow a'n lagha ma, ha'n ordenansow ma,

Dewteronomi 28:15

Mes mar ny woslowydh orth lev an Arloedh dha Dhuw, ow kwitha hag ow kul oll y worhemmynnow ha'y ordenansow esov orth aga gorhemmynna dhis hedhyw, ena y tons warnas oll an mollothow ma, hag i a dremen dresos.

Dewteronomi 29:10

Yth esowgh hwi oll ow sevel hedhyw a-rag an Arloedh agas Duw: agas pennow, agas loethow, agas henavogyon, ha'gas soedhogyon, pub gour a Ysrael,

Dewteronomi 29:2

Moyses a elwis dhe oll Ysrael ha leverel dhedha: Hwi re welsowgh pup-tra a wrug an Arloedh a-wel dhywgh yn pow Ejyp dhe Faro, ha dhe oll y servysi, ha dhe oll y bow,

Dewteronomi 4:1

Lemmyn, Ysrael, goslow an ordenansow ha'n breusow esov ow tyski dhywgh dhe wul, rag may fewowgh ha dos hag erita an tir usi an Arloedh Duw agas tasow ow ri dhywgh.

Dewteronomi 4:49

hag oll an Araba a'n tu arall dhe Yordan troha'n howldrevel, bys yn mor an Araba, yn-dann ledrow Pisga troha'n howldrevel.

Dewteronomi 4:5

Mir, my re dhyskas dhywgh ordenansow ha breusow kepar dell worhemmynnis dhymm an Arloedh ow Duw, rag may hwryllowgh yndella.

Dewteronomi 5:2

An Arloedh agan Duw a wrug genen kevambos orth Horeb.

Dewteronomi 6:17

Gwithewgh dour gorhemmynnow an Arloedh agas Duw, ha'y dhustuniow, ha'y ordenansow a worhemmynnis dhis.

Yoshua 1:8

Ny dhiberth an lyver ma a'n lagha dhiworth dha anow, mes ty a ombreder warnodho dydh ha nos, rag may hwaytti gul war-lergh pup-tra yw skrifys ynno. Rag ena ty a wra dhe'th fordh spedya, hag ena y fydh dhis sewena.