Dewteronomi 4:9 - An Bibel Kernewek 20234 (Kernewek Kemmyn)

⁹ Saw kemmer with, ha gwith dha enev gans rach, ma na ankeffi an taklow a welas dha dhewlagas, ha ma na dhibarthons dhiworth dha golonn der oll dydhyow dha vewnans; mes gwra aga dyski dhe'th vebyon, ha dhe vebyon dha vebyon:

Dewteronomi 4:9 Iomraidhean Croise

Jenesis 18:19

Rag my re'n dewisas, may hwrella worhemmynna dh'y fleghes ha'y vayni war y lergh, hag i a wra gwitha fordh an Arloedh, dhe wul ewnder ha gwirvreus, may trollo an Arloedh war Abraham an pyth re leveris dhodho.’

Salmow 119:11

Dha lavarow re gudhis y'm kolonn, ma na begghiv er dha bynn.

Salmow 71:18

Ha lemmyn y'm henys, ha loes ow blew, A Dhuw, na wra ow forsakya, erna dheriffiv dha alloes dhe'n kenedhel ma, dha nerth dhe bub henedh a dheu.

Eksodus 10:2

ha may leverri yn klewans dha vab ha mab dha vab fatell wrug vy kammdhyghtya an Ejyptianys ha pana toknys a wrug vy yntredha; may hwodhvi my dhe vos an Arloedh.’

Eksodus 23:13

Koelewgh orth an pyth oll re leveris dhywgh; ha na elwewgh war henwyn duwow erell, na na esewgh i dhe vos klewys a'gas ganow.

Lavarow Koth 1:8

Klew, ow mab, dyskans dha das, ha na skon dyskas dha vamm

Lavarow Koth 23:26

Ow mab, ro dhymmo vy dha golonn, ha gwithes dha dhewlagas ow fordhow.

Lavarow Koth 3:21

Ow mab, na as i dhe skapya a'th tewlagas: gwith kusul len ha doethter,

Lavarow Koth 7:1

Ow mab, gwith ow geryow ha tresor ow gorhemmynnow genes;

Ysay 38:19

Den bew, ny yll marnas den bew dha wormel, avelov vy hedhyw; tasow a wra godhvedhys dhe vebyon dha wiryonedh.

Ysay 42:20

Ev a wel lies tra, mes ny wra vri anedha, igor yw y dhiwskovarn mes ny glew ev.

Yeremia 17:21

Yndellma y lever an Arloedh: Gwaytyewgh, rag agas enevow, na dhegewgh begh yn dydh an sabot, na'y dri dre yetow Yerusalem;

Luk 8:18

Merkyewgh ytho fatell glewowgh: rag neb a bewvo, dhodho ev y fydh res; ha neb na bewvo mann, y fydh kemmerys a-dhiworto ynwedh an pyth a dybir ev dhe bewa.’

Efesianys 6:4

Ha tasow, na wrewgh serri agas fleghes mes megewgh i yn dyskybleth ha dyskans an Arloedh.

Dewteronomi 11:19

Dyskewgh i dhe'th vebyon, ow kewsel anedha pan os esedhys y'th chi, ha pan esos ow kerdhes y'n fordh, ha pan wrowedhydh, ha pan sevydh.

Dewteronomi 12:1

An re ma yw an ordenansow ha'n breusow a wredh aga gwitha ha gul y'n tir a ros an Arloedh Duw dha dasow dhis dh'y erita oll an dydhyow may fewowgh war an dor.

Dewteronomi 16:3

Na dheber ganso travyth gans goell ynno. Seyth dydh ty a dheber bara heb goell, bara galar, rag ty a dheuth yn-mes a bow Ejyp yn unn fyski, rag may perthi kov a'n jydh may teuthys yn-mes a bow Ejyp, oll dydhyow dha vewnans.

Dewteronomi 17:19

Y fydh ganso, hag ev a red ynno oll dydhyow y vewnans, rag may tysko dhe berthi own a'n Arloedh y Dhuw, dhe waytyas gul oll geryow a'n lagha ma, ha'n ordenansow ma,

Dewteronomi 29:29

An Arloedh agan Duw a bew an taklow kudhys, mes dhyn ni yma an taklow diskudhys, ha dh'agan mebyon bys vykken, rag may hwryllyn oll geryow an lagha ma.

Dewteronomi 31:19

Ha lemmyn, skrifewgh ragowgh agas honan an gan ma, ha dysk hi dhe vebyon Ysrael, ha gorr hi yn aga ganow, rag may fo an gan ma test ragov erbynn mebyon Ysrael.

Dewteronomi 32:46

ev a leveris dhedha, ‘Settyewgh agas kolonn war oll an geryow esov orth aga desta dhywgh hedhyw, a wredh aga gorhemmynna dh'agas mebyon, ow kwaytyas gul oll geryow an lagha ma.

Dewteronomi 4:10

an jydh may sevsys a-rag an Arloedh dha Dhuw orth Horeb, pan leveris dhymm an Arloedh, ‘Kuntell an bobel dhymm, may hwrylliv dhedha klewes ow geryow ha may tyskons perthi own ahanav oll an dydhyow esons ow pewa war an tir, ha'ga dyski dh'aga mebyon.’

Dewteronomi 4:15

Kemmerewgh with ytho a'th enevow, drefenn na welsowgh furv vyth y'n jydh may kewsis an Arloedh dhywgh orth Horeb yn-mes a gres an tan,

Dewteronomi 4:23

Kemmerewgh with, ma na ankeffowgh kevambos an Arloedh agas Duw a wrug genowgh, ha gul ragowgh agas honan imaj gravys yn hevelep neppyth a wrug an Arloedh dha Dhuw y dhifenn orthis.

Dewteronomi 6:12

kemmer with na ankeffi an Arloedh neb a'th tros yn-mes a bow Ejyp, dhiworth an chi a gethneth.

Dewteronomi 6:2

rag may perthi own a'n Arloedh dha Dhuw, dhe witha oll y ordenansow ha'y worhemmynnow esov ow korhemmynna dhis oll dydhyow dha vewnans, ty, ha'th vab, ha mab dha vab, rag may fo hir dha dhydhyow.

Dewteronomi 6:20

Pan wovynn dha vab orthis y'n termyn a dheu, ow leverel, ‘Pandr'yw styr a'n dustuniow ha'n ordenansow ha'n breusow a worhemmynnis an Arloedh agan Duw dhywgh?’

Dewteronomi 6:7

ha hwi a's daslever dhe'th vebyon ha kewsel anedha pan esedhydh y'th chi, ha pan gerdhydh y'n fordh, ha pan wrowedhydh, ha pan sevydh;

Dewteronomi 8:11

Gwayt na ankeffi an Arloedh dha Dhuw, heb gwitha y worhemmynnow, y vreusow ha'y ordenansow esov ow korhemmynna dhis hedhyw.

Dewteronomi 8:14

ena kemmer with na ughelhaho dha golonn, ha ty a ankev an Arloedh dha Dhuw, neb a'th tros dhe-ves dhiworth an chi a gethneth;

Ebrowyon 2:1

Rakhenna y tegoedh dhyn koela dhe voy orth an traow yw klewys, ma nag ellen gans an liv.

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

Jamys 2:22

Ty a wel bos fydh ow kesoberi gans y wriansow ha bos fydh kowlwrys dre wriansow.

Yoshua 1:18

Piwpynag a vo diwostydh dhe'th arghadow ha neb na woslow orth dha lavarow, pup-tra a worhemmynnydh dhodho, a vydh gorrys dhe'n mernans. Mes bydh krev ha bydh kolonnek.’

Yoshua 23:11

Gorwithewgh ytho dhe gara an Arloedh agas Duw.

Yoshua 4:21

Ev a leveris dhe'n Ysraelysi, ‘Pan wovynn agas mebyon dhiworth aga thasow y'n termyn a dheu, “Pandr'a styr an meyn ma?”

Diskwedhyans 3:3

Kovha, ytho, fatell re wrussys degemmeres ha goslowes; ha syns fast, ha kemmer edrek. Mar ny vynn'ta difuna, dos a wrav kepar ha lader, ha ny wre'ta godhvos py eur tyffiv er dha bynn.

Breusysi 3:7

Mebyon Ysrael a wrug arta an pyth o drog yn golok an Arloedh, owth ankevi an Arloedh aga Duw, hag ow kordhya an Baalim ha'n Asheroth.

Breusysi 8:34

Ny berthi mebyon Ysrael kov a'n Arloedh aga Duw re's sawsa dhiworth leuv oll aga eskerens a bub tu,