Dewteronomi 4:5 - An Bibel Kernewek 20234 (Kernewek Kemmyn)

⁵ Mir, my re dhyskas dhywgh ordenansow ha breusow kepar dell worhemmynnis dhymm an Arloedh ow Duw, rag may hwryllowgh yndella.

Dewteronomi 4:5 Iomraidhean Croise

Salmow 71:17

A Dhuw, ty re dhyskas dhymm dhiworth ow yowynkneth, ha prest re venegis vy dha varthusyon.

Eksodus 18:20

ha ty a wra dyski dhedha an ordenansow ha'n laghys, ha gul dhedha aswonn an fordh a dal dhedha kerdhes ynni, ha'n pyth a goedh dhedha y wul.

Yeremia 11:6

Ena an Arloedh a leveris dhymm, Galw an geryow ma yn sitys Yuda, hag y'n stretow Yerusalem, ow leverel, Klewewgh geryow an kevambos ma, ha'ga gul.

Ezekiel 20:11

My a ros dhedha ow ordenansow, ha diskwedhes dhedha ow breusow, rag den mar kwra aga gwitha, ev a vew ynna.

Levitikus 19:19

Hwi a syns ow ordenansow. Ny wre'ta gasa dha vestes dhe gopla gans bestes a gen eghenn. Ny wre'ta hasa dha wel gans has a dhiw eghenn; ha ny dheu warnas dillas a bann gwiys a dhiw eghenn a neus.

Levitikus 26:46

An re ma yw an ordenansow ha'n breusow ha'n laghys a wrug an Arloedh yntredho ev ha mebyon Ysrael yn menydh Sinay dre leuv Moyses.

Levitikus 27:34

An re ma yw an gorhemmynnow a worhemmynnis an Arloedh dhe Moyses rag mebyon Ysrael yn menydh Sinay.

Levitikus 7:38

An Arloedh a erghis hemma dhe Moyses war venydh Sinay y'n jydh mayth erghis dhe vebyon Ysrael may trollens aga offrynnow dhe'n Arloedh yn gwylvos Sinay.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Oberow 20:27

rag ny omwithis vy rag derivas dhywgh oll an gusul a Dhuw.

1 Korinthianys 11:28

Mes preves den y honan, hag ena dybres a'n bara hag eves a'n hanaf;

1 Korinthianys 15:3

Rag my a ystynnas dhywgh yn kynsa an pyth a dhegemmeris vy ynwedh, Krist dhe verwel rag agan peghosow herwydh an skryptors,

Dewteronomi 11:32

Gwaytyewgh gul oll an ordenansow ha'n breusow esov orth aga ri a-ragowgh hedhyw.

Dewteronomi 4:1

Lemmyn, Ysrael, goslow an ordenansow ha'n breusow esov ow tyski dhywgh dhe wul, rag may fewowgh ha dos hag erita an tir usi an Arloedh Duw agas tasow ow ri dhywgh.

Dewteronomi 4:2

Na geworrewgh dhe'n ger esov ow korhemmynna dhywgh, ha na gemmerewgh dhe-ves anodho, dhe witha gorhemmynnow an Arloedh agas Duw esov ow korhemmynna dhywgh.

Dewteronomi 4:4

mes hwi neb a lenas orth an Arloedh agas Duw, hwi oll yw bew hedhyw.

Dewteronomi 4:40

Ytho gwith y ordenansow ha'y worhemmynnow esov ow korhemmynna dhis hedhyw, may fo yn ta genes ha gans dha vebyon war dha lergh, mayth ystynni dha dhydhyow war an tir a wra an Arloedh dha Dhuw y ri dhis bys vykken.

Dewteronomi 5:1

Moyses a elwis dhe oll Ysrael ha leverel dhedha: Klew, A Ysrael, an ordenansow ha'n breusow esov ow kewsel yn agas diwskovarn hedhyw, rag ma's dyskowgh, ha'ga gwitha, ha'ga gul.

Dewteronomi 6:1

Hemm yw an gorhemmynn ha'n ordenansow ha'n breusow a worhemmynnis an Arloedh agas Duw dhe dhyski dhywgh, dh'aga gul y'n tir mayth esowgh ow treusi di dh'y erita;

Dewteronomi 7:11

Rakhenna gwith an gorhemmynn ha'n ordenansow ha'n breusow esov ow korhemmynna dhis hedhyw dh'aga gul.

Dewteronomi 8:11

Gwayt na ankeffi an Arloedh dha Dhuw, heb gwitha y worhemmynnow, y vreusow ha'y ordenansow esov ow korhemmynna dhis hedhyw.

Ebrowyon 3:5

Lemmyn Moyses o len yn oll chi Duw avel gwas, dhe desta dhe'n traow a vedha kewsys a-wosa,