Dewteronomi 4:30 - An Bibel Kernewek 20234 (Kernewek Kemmyn)

³⁰ Pan vydhydh yn ahwer, hag oll an taklow ma yw devedhys warnas y'n dydhyow diwettha, mar tehwelydh dhe'n Arloedh dha Dhuw hag obaya y lev,

Dewteronomi 4:30 Iomraidhean Croise

Jenesis 49:1

Ena Yakob a elwis y vebyon ha leverel, ‘Omguntellewgh war-barth, may hwrylliv derivas dhywgh an pyth a hwyrvydh dhywgh y'n dydhyow a dheu.

Nehemia 1:9

mes mar tehwelowgh dhymm ha gwitha ow gorhemmynnow ha'ga gul, kyn fens dha dhifresow fesys dhe'n pella rann a'n nev, my a vynn aga huntell alena ha'ga dri bys y'n tyller may tewisis dhe worra ow hanow.”

Salmow 107:13

Ena i a elwis war an Arloedh yn aga foenvos, hag ev a's delivras dhiworth aga ankres.

Salmow 107:6

Ena i a elwis war an Arloedh yn aga foenvos, hag ev a's delivras dhiworth aga ankres.

Salmow 18:6

Y'm anken my a elwis war an Arloedh, ha dhe'm Duw y kriis vy rag gweres. Ev a glewas ow lev yn-mes a'n tempel, ha'm kri a-dheragdho a dheuth bys yn y dhiwskovarn.

Salmow 59:16

Mes my a gan a'th nerth, ha my a gan yn ughel a'th tregeredh y'n myttin. Rag ty re beu ow dinas, ha skovva yn dydh ow anken.

Eksodus 18:8

Ena Moyses a leveris dh'y hwegron pup-tra a wrussa an Arloedh dhe Faro ha dhe Ejyp a-barth Ysrael, oll an anken re dhothya warnedha war an hyns ha fatell y's liv'sa an Arloedh.

Ysay 1:19

Mars yw agas bodh ha mar pydhowgh gostydh, hwi a dheber dader an tir;

Yeremia 23:20

Ny dreyl sorr an Arloedh dhe-ves bys pan wra ev kompoesa ha kowlwul towlow y golonn. Y'n dydhyow diwettha hwi a'n konvedh yn kler.

Yeremia 4:1

Mar tehwelydh, A Ysrael, yn-medh an Arloedh, mar tehwelydh dhymm: ha mar korrydh dha daklow kasadow yn-mes a'm golok, heb mos yn sowdhan na fella,

Yeremia 4:2

ha mar tedh ‘Dell vew an Arloedh!’ yn gwirder, yn breus, hag yn ewnder, ena an kenedhlow a omvennik ynno, ha bostya ynno.

Yeremia 7:23

Mes an dra ma a worhemmynnis dhedha, ow leverel, ‘Bedhewgh gostydh dhe'm lev, ha my a vydh agas Duw, ha hwi a vydh ow fobel; ha kerdhewgh yn oll an fordhow may hworhemmynnis dhywgh, may fo yn ta genowgh.’

Kynvannow 3:40

Hwithryn ni orth agan fordhow ha'ga studhya, ha dehweles arta dhe'n Arloedh.

Daniel 10:14

Devedhys ov rag gul dhis konvedhes an pyth a hwyrvydh dhe'th pobel yn diwedh an dydhyow, rag bos an welesigeth rag an dydhyow a dheu.’

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Zekaria 6:15

An re neb yw pell a dheu hag i a dhrehav tempel an Arloedh, ha hwi a woer Arloedh an luyow ow dannvon dhywgh. Homma a hwyrvydh mar koslewowgh yn tiwysyk orth an Arloedh agas Duw.

Niverow 24:20

Ena ev a viras war Amalek, ha kemmeres yn-bann y gows, ha leverel, ‘Amalek o kynsa an kenedhlow, mes wortiwedh ev a dheu dhe dhistruyans.’

Oberow 26:20

mes my a dherivas yn kynsa dhe'n re na yn Damaskus hag ena yn Yerusalem ha dres oll an pow a Yudi, y koedh dhedha kemmeres edrek ha treylya dhe Dhuw, ow kul oberow dhe edrek.

Oberow 3:19

Rakhenna kemmerewgh edrek, ha treylyewgh may fo defendys dhe-ves agas peghosow,

Dewteronomi 30:10

mar koslewydh lev an Arloedh dha Dhuw ha gwitha y worhemmynnow, ha'y ordenansow usi skrifys yn lyver an lagha ma, pan dreylydh arta dhe'n Arloedh dha Dhuw gans oll dha golonn ha gans oll dha enev.

Dewteronomi 30:2

ha ty a dhehwel dhe'n Arloedh dha Dhuw ha goslowes orth y lev war-lergh pup-tra mayth esov ow korhemmynna dhis hedhyw, ty ha'th vebyon gans oll dha golonn ha gans oll dha enev,

Dewteronomi 31:17

Ow sorr a dheu warnedha y'n jydh na, ha my a's forsak, ha kudha ow fas dhiworta, hag i a vydh devorys. Lies drog hag ahwer i a's kyv, may leverons y'n jydh na, “A nyns yw rag nag usi agan Duw yn agan mysk, y teuth an drogow warnan?”

Dewteronomi 31:21

Ha pan wra lies drog hag ahwer aga havoes, an gan ma a worthyp yn test; rag ny vydh ankevys mes a anow aga henedh. My a woer mynnas aga brys usi dhedha hedhyw, hwath kyns my dh'aga dri dhe'n tir a wrugavy y di.’

Dewteronomi 31:29

Rag my a woer, wosa ow mernans, hwi dhe omlegri yn sur, ha treylya dhiworth an fordh a worhemmynnis dhywgh; drog a wra agas metya y'n dydhyow diwettha, drefenn hwi dhe wul drog a-wel dhe'n Arloedh, dh'y serri der ober agas diwla.’

Ebrowyon 1:2

mes y'n dydhyow diwettha ma ev re gewsis dhyn dre Vab, neb a wrug y ordena an her a bup-tra, dredho ynwedh may hwrug an oesow,

Ebrowyon 5:9

ha wosa bos gwrys perfydh, y teuth ha bos fenten a selwyans bys vykken dhe beub yw gostydh dhodho,