Dewteronomi 4:15 - An Bibel Kernewek 20234 (Kernewek Kemmyn)

¹⁵ Kemmerewgh with ytho a'th enevow, drefenn na welsowgh furv vyth y'n jydh may kewsis an Arloedh dhywgh orth Horeb yn-mes a gres an tan,

Dewteronomi 4:15 Iomraidhean Croise

1 Myghternedh 19:12

ha wosa an dorgrys tan, mes nyns esa an Arloedh y'n tan; ha wosa an tan son taw pur.

Salmow 119:9

Fatell wra den yowynk glanhe y hyns? Owth omwitha herwydh dha er.

Eksodus 19:1

Dhe'n tressa loer nowydh wosa mebyon Ysrael dhe vones yn-rag a bow Ejyp, y'n jydh na y teuthons yn gwylvos Sinay.

Eksodus 20:4

Na wra dhis imaj gravys, na furv vytholl a dravyth eus y'n nev a-vann, nag y'n nor a-woeles, nag y'n dowr yn-dann an nor;

Lavarow Koth 4:23

Gwith dha golonn gans oll hewoelder, rag anedhi y teu dallethvaow bewnans.

Lavarow Koth 4:27

Na dreyl, naneyl dhe'n dyghow na dhe'n kledh; treyl dha droes dhe-ves a dhrog.

Ysay 40:18

Piw dhodho yth hevelebowgh Duw, po py hevelep a vynnowgh y wul dhodho?

Yeremia 17:21

Yndellma y lever an Arloedh: Gwaytyewgh, rag agas enevow, na dhegewgh begh yn dydh an sabot, na'y dri dre yetow Yerusalem;

Malaki 2:15

A ny's gwrug an unn Duw, kig ha spyrys? Ha pandr'a vynn an unn Duw marnas agh duwek? Rakhenna gwithewgh war agas spyrys, ha na vydh dislen orth gwreg dha yowynkneth.

Dewteronomi 10:4

Hag ev a skrifas war an leghennow avel an kynsa skrif, an deg ger a gewsis an Arloedh dhywgh war an menydh yn-mes a gres an tan yn dydh an kuntellyans; ha'n Arloedh a's ros dhymm.

Dewteronomi 4:12

Ena an Arloedh a gewsis genowgh yn-mes a gres an tan. Yth esewgh ow klewes son geryow, mes nyns esewgh ow kweles furv, saw son.

Dewteronomi 4:14

An Arloedh a'm gorhemmynnis y'n tor' na dhe dhyski dhywgh ordenansow ha breusow, dh'aga gul y'n tir mayth esowgh ow treusi bys di dh'y erita.

Dewteronomi 4:23

Kemmerewgh with, ma na ankeffowgh kevambos an Arloedh agas Duw a wrug genowgh, ha gul ragowgh agas honan imaj gravys yn hevelep neppyth a wrug an Arloedh dha Dhuw y dhifenn orthis.

Dewteronomi 4:36

Yn-mes a nev ev a wrug dhis glewes y lev rag dha dhyski; ha war an norvys ev a dhiskwedhas y dan bras, ha ty a glewas y eryow yn-mes a gres an tan.

Dewteronomi 4:9

Saw kemmer with, ha gwith dha enev gans rach, ma na ankeffi an taklow a welas dha dhewlagas, ha ma na dhibarthons dhiworth dha golonn der oll dydhyow dha vewnans; mes gwra aga dyski dhe'th vebyon, ha dhe vebyon dha vebyon:

Dewteronomi 5:4

Fas orth fas, an Arloedh a gewsis genowgh war an menydh yn-mes a gres an tan.

Dewteronomi 5:8

Na wra dhis imaj gravys, an hevelep a dravyth eus yn nev a-vann nag yn nor a-woeles nag y'n dowr yn-dann an nor.

Dewteronomi 9:10

An Arloedh a ros dhymm an dhiw leghenn a ven skrifys dre vys Duw, ha warnedha oll an geryow a gewsis an Arloedh genowgh y'n menydh yn-mes a gres an tan yn dydh an kuntellyans.

Ebrowyon 1:3

neb yw dewynnyans golewder Duw ha gwir imaj y substans, ow mentena traow oll der an ger a'y nerth. Pan wrussa glanheans peghosow, ev a esedhas orth leuv dhyghow an Meuredh y'n tylleryow ughel,

Yoshua 23:11

Gorwithewgh ytho dhe gara an Arloedh agas Duw.