Dewteronomi 4:12 - An Bibel Kernewek 20234 (Kernewek Kemmyn)

¹² Ena an Arloedh a gewsis genowgh yn-mes a gres an tan. Yth esewgh ow klewes son geryow, mes nyns esewgh ow kweles furv, saw son.

Dewteronomi 4:12 Iomraidhean Croise

Eksodus 19:9

Ha'n Arloedh a leveris dhe Moyses, ‘Otta, y tov dhis yn kommolenn dew may klewvo an bobel pan gowsav genes ha may kryssons dhis bys vykken.’ Ena Moyses a leveris geryow an bobel dhe'n Arloedh.

Eksodus 20:22

Ha'n Arloedh a leveris dhe Moyses, Yndellma ty a lever dhe vebyon Ysrael: ‘Hwi re welas agas honan my dhe gewsel orthowgh a nev.

Ysay 30:21

Dha dhiwskovarn a glew ger a-dryv dhis, ow leverel, ‘Hemm yw an fordh, kerdhewgh ynni’, pan dreylyowgh dhe'n dyghow, po pan dreylyowgh dhe'n kledh.

Ysay 40:18

Piw dhodho yth hevelebowgh Duw, po py hevelep a vynnowgh y wul dhodho?

Ysay 40:3

Unn lev a gri: ‘Y'n gwylvos pareusewgh hyns an Arloedh, gwra kompes y'n difeyth fordh-veur rag agan Duw.

Ysay 40:6

Unn lev a lever: ‘Galw!’ Hag y leveris vy, ‘Pyth a alwav?’ Kig yw gwels, hag oll y splannder yw haval dhe vleujenn an gwel.

Niverow 12:8

Ganso my a gews ganow orth ganow, yn tiblans, a-der yn kowsow tewl; hag ev a wel furv an Arloedh. Prag ytho na vewgh ownek dhe gewsel erbynn ow gwas Moyses?’

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Matthew 3:17

hag awotta lev yn-mes a'n nevow ow leverel, ‘Hemm yw ow Mab karadow, mayth usi ynno ow delit.’

Matthew 3:3

Rag an den ma yw neb a veu menegys der Ysay an profoes, ow leverel, ‘Lev onan ow kria y'n gwylvos: Pareusewgh fordh an Arloedh, gwrewgh kompes y hynsyow ev.’

Dewteronomi 10:4

Hag ev a skrifas war an leghennow avel an kynsa skrif, an deg ger a gewsis an Arloedh dhywgh war an menydh yn-mes a gres an tan yn dydh an kuntellyans; ha'n Arloedh a's ros dhymm.

Dewteronomi 4:11

Hwi a dheuth nes ha sevel yn-dann an menydh, ha'n menydh a loskas gans tan bys yn kolonn an nevow, gans tewlder, kommol, ha tewolgow.

Dewteronomi 4:13

Ev a dhiskleryas dhywgh y gevambos a worhemmynnis dhywgh dhe wul, an deg ger, hag ev a's skrifas war dhiw leghenn a ven.

Dewteronomi 4:15

Kemmerewgh with ytho a'th enevow, drefenn na welsowgh furv vyth y'n jydh may kewsis an Arloedh dhywgh orth Horeb yn-mes a gres an tan,

Dewteronomi 4:33

A glewas pobel bythkweth lev Duw ow kewsel yn-mes a gres an tan, kepar dell re glewsys jy, ha bewa?

Dewteronomi 4:36

Yn-mes a nev ev a wrug dhis glewes y lev rag dha dhyski; ha war an norvys ev a dhiskwedhas y dan bras, ha ty a glewas y eryow yn-mes a gres an tan.

Dewteronomi 5:22

An Arloedh a gewsis an geryow ma dhe oll agas kuntellyans war an menydh yn-mes a gres an tan, an kommol ha'n tewolgow, dre lev ughel, ha ny geworras dhedha. Ena ev a's skrifas war dhiw leghenn a ven, ha'ga ri dhymm.

Dewteronomi 5:4

Fas orth fas, an Arloedh a gewsis genowgh war an menydh yn-mes a gres an tan.

Dewteronomi 9:10

An Arloedh a ros dhymm an dhiw leghenn a ven skrifys dre vys Duw, ha warnedha oll an geryow a gewsis an Arloedh genowgh y'n menydh yn-mes a gres an tan yn dydh an kuntellyans.

Kolossianys 1:15

Imaj yw ev a'n Duw diwel, an kynsa-genys a greasyon oll;

Ebrowyon 12:19

ha son an hirgorn, ha lev geryow a wra dhe'n gleworyon pysi na vo kewsys dhedha pella geryow.