Dewteronomi 34:1 - An Bibel Kernewek 20234 (Kernewek Kemmyn)

¹ Ena Moyses a yskynnas dhiworth plenys Moab dhe venydh Nebo, penn Pisga, usi a-dal Yeriko. Ha'n Arloedh a dhiskwedhas dhodho oll an tir, Gilead bys Dan,

Dewteronomi 34:1 Iomraidhean Croise

Diskwedhyans 21:10

Hag ev a'm dug dhe-ves y'n spyrys dhe venydh bras hag ughel, ha diskwedhes dhymm an sita sans, Yerusalem, ow tiyskynna yn-mes a nev dhiworth Duw,

Ezekiel 40:2

Ev a'm dros, yn gwelesigethow a Dhuw, dhe bow Ysrael, ha'm settya war venydh pur ughel, may feu warnodho neppyth haval dhe sita a-dhyghowbarth.

Yoshua 19:47

Mes pan gollsons an tiredh ma, an Danysi eth yn-bann hag omladh erbynn Leshem, hag i a's kemmeras, ha'y gweskel gans min an kledha, ha'y erita, ha triga ynni. Dhe Leshem i a ros an hanow Dan war-lergh Dan aga thas.

Dewteronomi 32:49

‘Yskynn dhe venydh an Abarim ma, dhe venydh Nebo usi yn pow Moab, a-dal Yeriko, ha gwel pow Kanan, a rov dhe vebyon Ysrael yn perghennogeth,

Niverow 27:12

Ha'n Arloedh a leveris dhe Moyses, ‘Yskynn y'n menydh ma Abarim, hag aspi an tir re res dhe vebyon Ysrael.

Breusysi 18:29

I a henwis an sita Dan war-lergh aga thas Dan, onan a vebyon Ysrael; mes hanow an sita a vedha Laish kyns.

Dewteronomi 34:4

Ena an Arloedh a leveris dhodho, ‘Hemm yw an tir a des dhe Abraham, dhe Ysak, ha dhe Yakob, ow leverel, “My a'n re dhe'th has.” My re asas dhis y weles gans dha dhewlagas dha honan, mes ny dreusydh di.’

Dewteronomi 32:52

Rag ty a wel an tir a-ragos, mes ny edh dhe'n tir a rov dhe vebyon Ysrael.’

Dewteronomi 3:27

Yskynn bys y'n penn a Pisga, ha drehav dha dhewlagas dhe'n howlsedhes, ha'n kledh, ha'n dyghow, ha'n howldrevel, ha gwel gans dha dhewlagas; drefenn na dreusydh an Yordan ma.

Niverow 33:47

Hag i eth yn-kerdh a-dhiworth Almon-diblathaym, ha kampya yn menydhyow Abarim, a-dherag Nebo.

Niverow 21:20

hag a-dhiworth Bamoth dhe'n nans yn gwel Moab ryb penn Pisga hag a vir war-woeles war an gwylvos.

Jenesis 14:14

Ha pan glewas Abram bos y vroder kemmerys prisner, ev a guntellas y dus dyskys yn arvow, genys yn y ji ev, trihans hag etek aga niver ha'ga helghya bys yn Dan.

Jenesis 13:14

Ha'n Arloedh a leveris dhe Abram, wosa bos Lot diberthys dhiworto, ‘Drehav dha dhewlagas, ha mir dhiworth an tyller mayth esos troha'n kledh, ha'n dyghow, ha'n howldrevel, ha'n howlsedhes.

Niverow 23:14

Hag ev a'n kemmeras dhe wel Sofim, dhe benn Pisga, ha drehevel seyth alter, hag offrynna lodhen ha hordh war bub alter.

Yoshua 22:9

Ytho mebyon Rewben ha mebyon Gad ha hanter-loeth Manasse a dhehwelis ha diberth a'n Ysraelysi yn Shilo, usi yn pow Kanan, rag mos dhe bow Gilead, dhe dir aga ferghennogeth re gemmersens war-lergh ganow an Arloedh dre leuv Moyses.