Dewteronomi 32:9 - An Bibel Kernewek 20234 (Kernewek Kemmyn)

⁹ Rag rann an Arloedh yw y bobel; Yakob yw kevrenn y eretons.

Dewteronomi 32:9 Iomraidhean Croise

2 Samuel 14:16

Rag an myghtern a vynn klewes, ha delivra y vaghteth dhiworth dorn an gour neb a vynn ow distrui vy ha'm mab war-barth dhiworth eretons Duw.”

2 Samuel 20:19

My yw onan a'n re yw kosel ha lel yn Ysrael. Ty a hwila distrui sita yw mamm yn Ysrael. Prag y fynnydh kollenki ertach an Arloedh?’

1 Myghternedh 8:51

(rag i yw dha bobel ha dha ertach, a dhresys yn-mes a Ejyp, a gres an fornes horn).

1 Myghternedh 8:53

Rag ty re's diberthys yn-mes a boblow oll an bys, rag bos dha ertach, kepar dell ambossys dre Moyses dha was, pan dhresys agan tasow yn-mes a Ejyp, A Arloedh Duw.’

Salmow 106:40

Rakhenna sorr an Arloedh a dhewis erbynn y bobel, hag ev a aborryas y ertach y honan.

Salmow 106:5

rag may hwelliv sewenyans an re dewisys genes, ha lowenhe yn heudhder dha genedhel, ha bostya gans dha ertach.

Salmow 135:4

Rag an Arloedh re dhewisas Yakob dhodho y honan, hag Ysrael avel y berghennogeth arbennik y honan.

Salmow 28:9

Salw dha bobel, ha bennik dha ertach; bydh aga bugel, ha'ga drehevel bynitha.

Salmow 33:12

Gwynnvys an genedhel hag yw an Arloedh hy Duw, an bobel dewisys ganso dhe vos y ertach y honan.

Salmow 74:2

Porth kov a'th kuntelles a brensys seuladhydh, loeth dha ertach a dhasprensys, ha menydh Sion may trigsys ynno.

Salmow 78:71

Ev a'n dros dhiworth an deves esa ow tena, dhe vaga Yakob y bobel hag Ysrael y ertach.

Eksodus 15:16

own hag euth a goedh warnedha; drefenn meuredh dha vregh, i yw kosel avel men, erna dremenno dha bobel, A Arloedh, erna dremenno dha bobel re brensys.

Eksodus 34:9

Hag y leveris, ‘Mar kevis lemmyn gras y'th wolok, A Arloedh, my a'th pys, gwres an Arloedh mones yn agan mysk, kynth yw pobel kales hy hilbenn; ha gav agan kammweyth ha'gan pegh, ha kemmer ni rag dha eretons.’

Ysay 19:25

Arloedh an luyow a's bennik, ow leverel, ‘Benniges re bo ow fobel Ejyp, hag ober ow diwla Assyria, hag Ysrael ow eretons.’

Ysay 34:17

Ev a dewl prenn ragdha, ha'y leuv a's rann gans kordenn-vusura. I a's erit bys vykken, ha triga ynni a henedh dhe henedh.

Ysay 43:21

an bobel a formis ragov ow honan, rag may teriffens ow gormola.

Yeremia 10:16

Nyns yw rann Yakob avella: rag ev yw formyer pup-tra hag Ysrael yw gwelenn y eretons: Arloedh an luyow yw y hanow.

Yeremia 2:7

Ha my a'gas dros yn tir feyth, dhe dhybri an frut anodho ha'n dader anodho; mes pan entersowgh, hwi a dhefolas ow thir, ha gul ow eretons tra gasadow.

Yeremia 51:19

Nyns yw rann Yakob avella, rag ev yw Gwrier pup-tra, hag Ysrael yw loeth y eretons; Arloedh an luyow yw y hanow.

Mika 2:5

Rakhenna ny' fydh nagonan a dowllo an lovan-vusura war-lergh an koelbrenn yn kuntelles an Arloedh.

Zekaria 2:12

An Arloedh a wra erita Yuda avel y rann y'n tir sans hag ev a dhewis Yerusalem arta.

Efesianys 1:18

golowys dewlagas agas kolonn, may hwodhvewgh pyth yw govenek y alow, pyth yw rychys splannder y eretons y'n syns,

Dewteronomi 9:29

Mes i yw dha bobel ha'th eretons a dhresys yn-mes gans dha nerth bras ha'th vregh ystynnys.’

Yoshua 24:17

rag an Arloedh agan Duw yth yw neb a'gan dros yn-bann yn-mes a bow Ejyp, yn-mes a ji an gethneth, ha neb a wrug an toknys bras a-rag agan dewlagas, ha neb a'gan gwithas yn oll an fordh a gerdhsyn ynni, hag yn oll an poblow may tremensyn yn aga mysk;

1 Samuel 10:1

Ena Samuel a gemmeras kostrel a olew, ha'y dhiveri war y benn, hag amma dhodho, ha leverel, ‘A ny wrug an Arloedh dha untya dhe vos rewler war y ertach?