Dewteronomi 32:4 - An Bibel Kernewek 20234 (Kernewek Kemmyn)

⁴ An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Dewteronomi 32:4 Iomraidhean Croise

Jenesis 1:31

Ha Duw a welas pup-tra re wrussa hag awotta, yth o pur dha. Hag y feu gorthugher hag y feu myttin, an hweghves dydh.

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

2 Samuel 22:47

An Arloedh a vew, ha benniges yw ow harrek, hag ughelhes vydh Duw, karrek ow selwyans,

2 Samuel 23:3

Duw Ysrael a gewsis, Karrek Ysrael a leveris dhymm: Ev neb a rewl tus yn ewnder, hag a rewl yn own Duw,

2 Kroniklys 19:7

Yndella bedhes own an Arloedh warnowgh; attendyewgh an pyth a wrewgh, rag nyns eus anewnder gans an Arloedh agan Duw, na faverans, na kemmeres falswobrow.’

Nehemia 9:8

ha ty a gavas y golonn lel a-dheragos ha gul an kevambos ganso dhe ri dh'y has tir an Kananysi, an Hittysi, an Amorysi, an Perizzysi, an Yebusysi ha'n Girgashysi. Ty re geweras dha eryow, rag gwiryon os.

Job 34:10

‘Rakhenna goslowewgh orthiv, hwi wer a gonvedhes, pell bedhes dhiworth Duw ev dhe wul drog, dhiworth an Ollgalloesek ev dhe wul kamm.

Job 35:14

Pyseul dhe le, ytho, y hwoslow pan leverydh na yllydh y weles, bos an ken dheragdho ha ty dhe vos orth y wortos.

Job 36:23

Piw re ragsettyas dhodho y fordhow, po leverel dhodho, “Ty re gammwrug”?

Job 8:3

A gammdreyl Duw gwirvreus? Po a gammdreyl an Ollgalloesek an gwir?

Salmow 100:5

Rag da yw an Arloedh; y dregeredh a dhur bys vykken, ha'y lelder a dhur a unn henedh dhe'n nessa.

Salmow 138:8

An Arloedh a gowlwra y vynnas ragov; dha dregeredh, A Arloedh, a dhur bys vykken; na dhispres oberow dha dhiwleuv.

Salmow 145:17

An Arloedh yw gwiryon yn oll y fordhow, ha len yn oll y wriansow.

Salmow 146:6

neb a formyas nev ha nor, an mor ha pup-tra eus ynno; neb a with gwiryonedh bynitha;

Salmow 18:2

an Arloedh yw ow harrek, ha'm kastell, ha'm delivrer; ow Duw, ow harrek krev may hwilav skovva ynno, ow skoes, ha korn ow selwyans, ow dinas.

Salmow 18:46

An Arloedh a vew, ha benniges re bo ow harrek, ha bedhes Duw ow selwyans ughelhes,

Salmow 19:7

Lagha an Arloedh yw perfydh, ow kul dhe'n enev dasvewa; dustuniow an Arloedh yw sur, ow ri furneth dhe'n re sempel.

Salmow 31:5

Y'th leuv jy y kemmynnav vy ow spyrys; ty re'm dasprenas, A Arloedh, Duw a wiryonedh.

Salmow 33:4

Rag ewn yw ger an Arloedh, hag oll y wriansow yw gwrys yn lenduri.

Salmow 78:35

Hag i a borthas kov Duw dhe vos aga harrek, ha Duw Ughella dhe vos aga dasprenyas.

Salmow 9:16

Aswonnys yw an Arloedh, ev re wrug breus; an tebelwas yw maglennys gans ober y dhiwleuv y honan. Higgayon. Sela.

Salmow 90:16

Bedhes dha wriansow apert dhe'th wesyon, ha'th splannder dh'aga fleghes.

Salmow 92:15

rag may teriffons an Arloedh dhe vos ewnhynsek; ow harrek yw ev, ha nyns eus kammhynseth ynno.

Salmow 97:2

Yma kommol ha tewlder a-dro dhodho; ewnder ha gwirvreus yw sel y se.

Salmow 98:3

Ev re borthas kov a'y dregeredh ha'y lelder orth chi Ysrael. Oll pennow an norvys re welas selwyans agan Duw.

Salmow 99:4

An Galloesek yw Myghtern hag a gar gwirvreus; ty re fastyas ewnhynseth, ty re wrug gwirvreus hag ewnder yn Yakob.

Eksodus 34:6

An Arloedh a dremenas a-ragdho ha gelwel, ‘An Arloedh, an Arloedh, Duw truedhek ha grassyes, lent ow serri ha leun a dregeredh ha lelder,

Ekklesiastes 3:14

My re wodhva pup-tra a wra Duw dhe dhurya bynitha. Ny yll bos travyth keworrys dhodho, na ny yll bos travyth kemmerys dhe-ves dhiworto. Yndella re wrug Duw, rag may hwrello tus perthi own anodho.

Ysay 17:10

Rag ty re ankovas Duw dha selwyans, ha ny berthsys kov a garrek dha nerth. Rakhenna kynth esos ow plansa plansvaow hweg ha graffya skyll astranj;

Ysay 25:1

A Arloedh, ty yw ow Duw; my a'th ughelha, my a wormel dha hanow, rag ty re wrug marthusyon, towlow a'n termyn koth, len ha sur.

Ysay 26:4

Trestyewgh y'n Arloedh bynnari rag an ARLOEDH DUW yw karrek bys vykken.

Ysay 28:16

rakhenna yndellma y lever an Arloedh Duw, Otta, yth esov ow gorra selven yn Sion, men prevys, pennmen drudh, selven sur; piwpynag a grysso ny vydh fysk.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 32:2

Pubonan a vydh avel kudhva rag an gwyns, ha skovva rag an annawel, avel goverow dowr yn tir sygh, avel an skeus a garrek bras yn tir skwith.

Yeremia 10:10

Mes an Arloedh yw gwir Dhuw, ev yw an Duw bew, ha myghtern heb diwedh: orth y sorr an norvys a gren, ha ny yll an kenedhlow perthi y sorrvann.

Yeremia 9:24

Mes gesewgh an re a vost dhe vostya yn hemma, ev dhe'm konvedhes hag aswonn, ow bos an Arloedh; a wra tregeredh, gwirvreus, hag ewnder war an nor: rag y'n traow ma my a lowenha, yn-medh an Arloedh.

Daniel 4:34

Orth diwedh an dydhyow, my, Nebukadnessar, a dhrehevis ow dewlagas dhe nev, ha'm skians a dheuth arta dhymm. My a vennigas an Ughella, ha gul gormel ha gologhas dhe'n neb a vew bys vykken. Rag y vestrynses yw mestrynses a bes vynitha, ha'y wlaskor a dhur a henedh dhe henedh;

Daniel 4:37

Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.

Habakkuk 1:12

A ny veus a'n dalleth, A Arloedh, ow Duw sans? Ny verwyn. A Arloedh, ty re's ordenas rag breus; A Garrek, ty re's fondyas rag keredh.

Habakkuk 1:13

Re bur yw dha dhewlagas rag gweles droktra, ha ny yllydh perthi drogober. Prag y firydh ytho orth an falswesyon, ha synsi dha daves pan dhevor an tebelwas an den yw moy gwiryon agesso?

Sefania 3:5

An Arloedh yw gwiryon a-berth ynni; ny wra ev sherewneth: myttin wosa myttin ev a re y vreus, pub bora ny fyll ev; mes ny woer an drogoberer meth.

Matthew 5:48

Rakhenna, bedhewgh hwi perfydh kepar dell yw agas Tas a nev perfydh.

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 1:17

rag an lagha a veu res dre Moyses; gras ha gwirder a dheuth dre Yesu Krist.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 5:22

Rag ny vreus an Tas denvyth, mes ev re ros breus oll dhe'n Mab,

Romanyon 1:32

Kyn hwodhons ordenans Duw may tegoedh an mernans dhe'n re a wra taklow a'n par ma, ny's gwrons yn unnsel mes plegadow gansa yw an re a's gwra.

Romanyon 2:2

Ni a woer breus Duw dhe goedha yn hwir war an re a wra taklow a'n par na.

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

Romanyon 3:5

Mes mar tiskwa agan droktra ewnder Duw, pandr'a wren leverel? Duw dhe vos anewn pan y'gan kessydh yn sorr? (Avel den y kowsav.)

1 Korinthianys 10:4

hag oll a evas an keth diwes spyrysel; rag i a evas a'n garrek spyrysel a'ga siwyas, ha'n garrek o Krist.

Dewteronomi 10:18

ow kul gwirvreus dhe'n omdhivas ha'n wedhwes, hag ow kara an alyon, ow ri dhodho bara ha dillas.

Dewteronomi 32:15

Yakob a dhybris hag a veu gwalghys, Yeshurun a dheuth ha bos tew hag a botyas; ty a dheuth ha bos tew ha berrik, ha bos gorth; ev a forsakyas Duw neb a'n gwrug, ha despitya Karrek y selwyans.

Dewteronomi 32:18

Ty a dhispresyas an Garrek a'th tineythis, hag ankevi Duw neb a'th tros dhe enesigeth.

Dewteronomi 7:9

Rakhenna godhvydh an Arloedh dha Dhuw dhe vos Duw, an Duw len, ow kwitha y gevambos ha'y dregeredh dhe'n re usi orth y gara hag ow kwitha y worhemmynnow, dhe vil henedh;

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

Jamys 4:12

Onan yw riyas an lagha ha breusydh, neb a yll selwel ha diswul. Piw osta jy, a vreus dha gentrevek?

1 Peder 2:6

Rag skrifys yw y'n Skryptor, ‘Otta, my a worr yn Sion men, pennmen dewisys, drudh, ha neb a grys ynno ny'n jevydh meth.’

1 Samuel 2:2

‘Nyns eus Sans kepar ha'n Arloedh, nyns eus nagonan marnas ty; nyns eus karrek kepar ha'gan Duw.