Dewteronomi 30:1 - An Bibel Kernewek 20234 (Kernewek Kemmyn)

¹ Pan dheu oll an taklow ma warnas, an vennath ha'n mollothow a wrugavy aga settya a-ragos, ha ty a wra aga dri arta dhe'th kolonn yn oll an kenedhlow le may hwra an Arloedh dha Dhuw dha skattra dhi,

Dewteronomi 30:1 Iomraidhean Croise

Jenesis 4:14

Awotta, ty re'm chasyas hedhyw dhiworth enep an nor, ha my a vydh kudhys dhiworth dha fas, ha my a vydh gwandryas diannedh war an nor, ha seul a'm kaffo a wra ow ladha.’

1 Myghternedh 8:34

ena klew yn nev, ha gava pegh dha bobel Ysrael, ha'ga dri arta dhe'n tir a resys dh'aga thasow.

2 Kroniklys 30:9

Rag mar tehwelowgh dhe'n Arloedh, agas breder ha'gas fleghes a gyv truedh gans an re a's divroas, hag i a dhehwel dhe'n tir ma. Rag an Arloedh agas Duw yw grassyes ha truedhek, ha ny dreyl y fas dhiworthowgh mar tehwelowgh dhodho.’

Nehemia 1:9

mes mar tehwelowgh dhymm ha gwitha ow gorhemmynnow ha'ga gul, kyn fens dha dhifresow fesys dhe'n pella rann a'n nev, my a vynn aga huntell alena ha'ga dri bys y'n tyller may tewisis dhe worra ow hanow.”

Ysay 46:8

Perthewgh kov a hemma ha prederewgh; avisewgh arta yn agas kolonn, hwi dhrogoberoryon.

Yeremia 29:14

Ha my a'gas gas dhe'm kavoes, yn-medh an Arloedh, ha treylya agas kethneth, ha my a'gas kuntell a-dhiworth oll an kenedhlow hag oll an tylleryow ma'gas fesis, yn-medh an Arloedh, ha my a'gas dre arta dhe'n tyller ma'gas dannvenis dhiworto yn divroedh.

Yeremia 3:13

Mes unnweyth aswonn dha dhrogober, may treuspassys erbynn an Arloedh dha Dhuw, ha may resys dha honan yn hel dhe estrenyon yn-dann bub gwydhenn las, ha ny woslewsowgh orth ow lev, yn-medh an Arloedh.

Yeremia 8:3

Mernans a vydh dewisys kyns es bewnans gans oll an re gesys a'n tebel deylu ma, neb a worta yn oll an tylleryow le ma's herdhis, yn-medh Arloedh an luyow.

Ezekiel 18:28

Rag ev dhe weles ha treylya dhiworth oll y kammweythresow re wrug, ev a vew yn sur; ny verow.

Ezekiel 6:9

An re ahanowgh a skap a wra ow kovhe y'n kenedhlow mayth yns i degys yn kethneth, fatell ov vy terrys gans aga holonn avoutrek a dreylyas a-dhiworthiv, ha gans aga dewlagas ow horya war-lergh aga idolys. Kasa aga honan a wrons dre reson an drogow a wrussons rag oll aga thaklow kasadow.

Zekaria 10:9

Kyn y's skattrav avel has yn mysk an poblow, hwath yn gwlasow pell i a berth kov ahanav. I ha'ga fleghes a vew, hag i a dhehwel.

Luk 15:17

Ow tos arta dh'y skians, ev a leveris, “Py lies goberwas a'm tas a's teves aga gwalgh a vara, mes my a verow omma gans nown!

Dewteronomi 28:28

An Arloedh a'th wysk gans muskogneth, gans dellni, ha gans sowdhan a vrys.

Dewteronomi 28:64

Ena an Arloedh a wra dha skattra yn mysk oll an poblow dhiworth unn penn a'n norvys bys y'n penn arall, hag ena ty a serv duwow erell neb na aswonnsys, naneyl ty na'th tasow, prenn ha men.

Dewteronomi 29:27

Ytho sorr an Arloedh a dhewis erbynn an tir na, dhe dhri warnodho oll an mollothow usi skrifys y'n lyver ma.

Dewteronomi 29:28

An Arloedh a's diwreydhyas dhiworth aga thir yn sorr, hag yn konnar, hag yn koler bras, hag ev a's tewlis dhe dir arall, kepar hag y'n jydh hedhyw.’

Dewteronomi 30:15

Mir, my re worras a-ragos hedhyw bewnans ha da, mernans ha drog,

Dewteronomi 30:19

My a elow nev ha nor yn test er agas pynn hedhyw y hwrugavy settya a-ragos bewnans ha mernans, bennath ha molleth; ytho dewis bewnans rag may fewi, ty ha dha has,

Dewteronomi 32:36

Rag an Arloedh a vreus y bobel, ha kemmeres pita a'y servysi, pan wel aga nerth dhe vos gyllys, ha nag eus nagonan gesys, keth na rydh.