Dewteronomi 3:6 - An Bibel Kernewek 20234 (Kernewek Kemmyn)

⁶ Ni a's sakras dhe dhistruyans kepar dell wrussyn dhe Sihon myghtern Heshbon, ow tistrui pub tre, gwer, benynes, ha fleghes.

Dewteronomi 3:6 Iomraidhean Croise

Niverow 21:2

Hag Ysrael a wrug ambos dhe'n Arloedh, ow leverel, ‘Mar mynnydh yn hwir ri an bobel ma y'm dorn, ena my a wra sakra aga sitys dhe dhistruyans.’

Dewteronomi 1:4

wosa ev dhe weskel Sihon myghtern an Amorysi trigys yn Heshbon, hag Og myghtern Bashan trigys yn Ashtaroth, yn Edrei.

Dewteronomi 2:24

‘Sevewgh, kewgh yn-kerdh, ha treusewgh nans Arnon: mir, my re ros y'th leuv Sihon an Amoryas myghtern Heshbon, ha'y bow. Dalleth y gemmeres yn perghennogeth, hag entra yn kas ganso.

Dewteronomi 2:34

Ha ni a gemmeras oll y drevow y'n termyn na, ha sakra pub tre dhe dhistruyans, gwer, benynes, ha fleghes; ny essyn denvyth dhe skapya.

Dewteronomi 29:6

Ny wrussowgh dybri bara nag eva gwin na korev, rag may hwodhvowgh ow bos vy an Arloedh agas Duw.

Dewteronomi 3:2

Ha'n Arloedh a leveris dhymm, ‘Na borth own anodho, rag my a'n re y'th leuv, hag oll y bobel ha'y dir. Ty a wra dhodho kepar dell wrussys dhe Sihon myghtern an Amorysi, trigys yn Heshbon.’

Dewteronomi 3:5

Oll an trevow ma a veu kerys gans fosow ughel, yetys ha barrys, ha dres henna fest lies tre heb fosow.

Yoshua 11:14

An Ysraelysi a byllas oll preydh an sitys ma ha gwitha ragdha aga honan an bestes ha'n preydh arall; mes i a weskis oll an dus gans min an kledha, bys pan y's distrusens oll. Ny assons dhe vewa denvyth a anellas.