Dewteronomi 3:5 - An Bibel Kernewek 20234 (Kernewek Kemmyn)

⁵ Oll an trevow ma a veu kerys gans fosow ughel, yetys ha barrys, ha dres henna fest lies tre heb fosow.

Dewteronomi 3:5 Iomraidhean Croise

Nehemia 9:25

I a gemmeras sitys kerys ha tir feyth hag i a eritas chiow leun a bup-tra da, puthow pelys, gwinlannow, hag olewbrennyer, ha gwydh froeth pals. Ytho i a dhybris, hag a veu lenwys, hag a dheuth ha bos tew hag i a lowenhas y'th tader bras.

Ester 9:19

Rakhenna Yedhewon an godrevi usi trigys y'n trevow heb fosow a syns peswardhegves dydh an mis Adar avel dydh a heudhder hag a gevewya, ha dydh da, hag a dhannvon rohow a voes an eyl dh'y gila.

Niverow 13:28

Mes an bobel trigys y'n tir yw krev, ha'n sitys yw kerys ha pur vras; ha dres henna, ni a welas diyskynnysi Anak ena.

Dewteronomi 1:28

Ple'th en ni yn-bann? Agan breder re wrug dh'agan kolonn teudhi, ow leverel, “Pobel vrassa ha hirra ageson yns; aga sitys yw bras ha kerys bys y'n ebron, hag ynwedh ni a welas mebyon an Anakim ena.” ’

Dewteronomi 3:4

Ni a gemmeras oll y drevow y'n tor' na. Nyns esa unn dre na's kemmersyn anedha: tri-ugens tre, oll ranndir Argob, gwlaskor Og yn Bashan.

Dewteronomi 3:6

Ni a's sakras dhe dhistruyans kepar dell wrussyn dhe Sihon myghtern Heshbon, ow tistrui pub tre, gwer, benynes, ha fleghes.

Ebrowyon 11:30

Dre fydh y koedhas fosow Yeriko wosa i dhe gerdhes a-dro dhedha seyth dydh.

1 Samuel 6:18

ynwedh an logosennow owrek, war-lergh niver oll sitys an Filistysi usi dhe'n pymp gwahalyeth, an kastylli ha godrevi, bys y'n men bras, may hworrsons argh an Arloedh warnodho hag usi hwath ena yn gwel Yoshua a Beth-shemesh.