Dewteronomi 3:18 - An Bibel Kernewek 20234 (Kernewek Kemmyn)

¹⁸ Ena my a worhemmynnis dhywgh y'n tor' na, ow leverel, ‘An Arloedh agas Duw re ros dhywgh an tir ma dh'y erita. Oll agas kasoryon, ervys rag batel, a wra mos a-dreus kyns agas breder, mebyon Ysrael.

Dewteronomi 3:18 Iomraidhean Croise

Jenesis 15:7

Hag ev a leveris dhodho, ‘My yw an Arloedh a'th tros mes a Ur an Kaldeanys dhe ri dhis an pow ma dh'y gavoes yn perghennogeth.’

Salmow 136:21

hag ev a ros aga thir yn ertach, rag y dregeredh a dhur bys vykken;

Niverow 33:53

ha hwi a gemmer an tir yn perghennogeth ha triga ynno, rag my re ros an tir dhywgh dh'y berghenna.

Dewteronomi 12:1

An re ma yw an ordenansow ha'n breusow a wredh aga gwitha ha gul y'n tir a ros an Arloedh Duw dha dasow dhis dh'y erita oll an dydhyow may fewowgh war an dor.

Dewteronomi 15:4

Mes ny vydh yntredhowgh boghosek, rag an Arloedh a'th vennik yn sur y'n tir a wra an Arloedh dha Dhuw y ri dhis avel eretons dh'y bewa,

Dewteronomi 19:14

Na dhile orven dha gentrevek, a wrug dha ragresegydhyon y'th eretons a eritydh y'n tir a wra an Arloedh dha Dhuw y ri dhis dh'y bewa.

Dewteronomi 19:2

ty a dhiberth ragos teyr thre yn mysk dha diredh, a wra an Arloedh dha Dhuw y ri dhis dh'y erita.

Dewteronomi 19:7

Rakhenna my a worhemmynn dhis, ow leverel: Teyr thre a dhiberthowgh ragos.

Dewteronomi 21:1

Mar kevir den ledhys y'n tir a wra an Arloedh dha Dhuw y ri dhis dh'y erita, a'y wrowedh y'n gwel, ha nyns yw godhvedhys piw a'n gweskis,

Dewteronomi 25:19

Ytho pan wra an Arloedh dha Dhuw ri dhis powesva dhiworth oll dha eskerens a-derdro, y'n tir a wra an Arloedh dha Dhuw y ri dhis avel eretons dh'y erita, ena ty a dhefend dhe-ves yn tien kov Amalek a-dhann nev. Na ankov.

Dewteronomi 5:31

Mes ty sav omma genev, may kowsav orthis oll an gorhemmynn, ha'n ordenansow ha'n breusow a dhyskydh dhedha, ma's kwrellons y'n tir a rov dhedha dh'y erita.’

Dewteronomi 6:1

Hemm yw an gorhemmynn ha'n ordenansow ha'n breusow a worhemmynnis an Arloedh agas Duw dhe dhyski dhywgh, dh'aga gul y'n tir mayth esowgh ow treusi di dh'y erita;

Dewteronomi 9:6

Godhvydh ytho nag yw drefenn dha ewnder y hwra an Arloedh dha Dhuw ri dhis an tir da ma dh'y erita, rag ty yw pobel kales dha gilbenn.

Yoshua 1:11

‘Tremenewgh der an kamp, hag erghewgh dhe'n bobel: “Pareusewgh agas boes; rag kyns penn tri dydh hwi a vydh ow treusi an Yordan ma, rag dos dhe erita an tir usi an Arloedh agas Duw ow ri dhywgh dh'y bewa.” ’